କନକ ବ୍ୟୁରୋ: ଏଣିକି ଡାକ୍ତର ନୁହେଁ ବରଂ ଏଆଇ କରିବ ଆପଣଙ୍କ ଚିକିତ୍ସା । କଥାଟା ଶୁଣିବାକୁ ଆଶ୍ଚର୍ଯ୍ୟ ଲାଗୁଥିବ । ଭାବୁଥିବେ ଡାକ୍ତରଙ୍କ ଯେଉଁକାମ ତାହା ମେସିନ୍‌ କେମିତି କରିବ । ଅବଶ୍ୟ ବର୍ତ୍ତମାନ ସମୟରେ ଏଆଇ ଅନେକ କାମ କରିଦେଉଛି । ହେଲେ ରୋଗୀର ଭଲମନ୍ଦ ବୁଝି କଣ ଚିକିତ୍ସା କରିପାରିବ କି ବୋଲି ଅନେକ ପ୍ରଶ୍ନ ସାଧାରଣରେ ଉଙ୍କିମାରେ । ତେବେ ଜାତୀୟ ଗଣମାଧ୍ୟମରେ ହେଉଥିବା ଚର୍ଚ୍ଚା କେତେ ସତ କେତେ ଗପ ତାହା ଜାଣିରଖନ୍ତୁ । 

Advertisment

ସ୍ୱାସ୍ଥ୍ୟ ସମ୍ବନ୍ଧୀୟ ପ୍ରଶ୍ନ ପାଇଁ ଡାକ୍ତରଙ୍କ ଭଳି କାମ କରିପାରିବ ତ ଏଆଇ? କିଛି ଏମିତି ପ୍ରଶ୍ନ ଏବେ ସାଧାରଣରେ ଉଙ୍କି ମାରୁଛି । ଆମେ ସମସ୍ତେ ଜାଣନ୍ତି, ଆଧୁନିକ ଯୁଗରେ AI ଆମ ଜୀବନର ଅନେକ କାମକୁ ଅତି ସହଜରେ କରିଦେଉଛି । ପ୍ରତିଟି କ୍ଷେତ୍ରରେ ଏଆଇ ଆମର କାମକୁ ସୁବିଧା ଓ ସରଳ କରିଦେଉଛି । ସେଇଥି ଲାଗି ତ ଏଆଇ ଉପରେ ଆମେ ଅଧିକ ନିର୍ଭରଶୀଳ ହେଉଛନ୍ତି । କିନ୍ତୁ ଠିକ୍‌ ଏମିତି ସମୟରେ ସ୍ବାସ୍ଥ୍ୟ ସହ ଜଡ଼ିତ ପ୍ରସଙ୍ଗରେ ଏଆଇ ସାମିଲ ହେଉଥିବା କଥା ଜଣାପଡ଼ିବା ପରେ ଚର୍ଚ୍ଚା ଜୋର ଧରିଛି ।  

ସ୍ୱାସ୍ଥ୍ୟସେବାରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସର ସୁବିଧା:

ଆର୍ଟିଫିସିଆଲ୍ ଇଣ୍ଟେଲିଜେନ୍ସ ସ୍ୱାସ୍ଥ୍ୟସେବା କ୍ଷେତ୍ରରେ ଅନେକ ସକାରାତ୍ମକ ପରିବର୍ତ୍ତନ ଆଣିବାରେ ସକ୍ଷମ ହୋଇଛି । ଦେଶର ଅନେକ ସ୍ଥାନରେ ଏଆଇ ସ୍ବାସ୍ଥ୍ୟକ୍ଷେତ୍ରରେ ସାମିଲ ହେଲାଣି । 

ଜାଣନ୍ତୁ ଏଆଇ କଣ କଣ କାମକରିପାରେ

ଶୀଘ୍ର ଓ ସଠିକ୍ ରୋଗ ନିରୂପଣ: ଆର୍ଟିଫିସିଆଲ୍ ଇଣ୍ଟେଲିଜେନ୍ସ ବା ଏଆଇ ବିପୁଳ ପରିମାଣର ଥିବା ତଥ୍ୟକୁ ଖୁବ୍ କମ୍ ସମୟ ମଧ୍ୟରେ ବିଶ୍ଳେଷଣ କରିପାରେ । ଯାହା ରୋଗକୁ ଶୀଘ୍ର ଓ ଅଧିକ ସଠିକତାର ସହିତ ଚିହ୍ନଟ କରିବାରେ ସାହାଯ୍ୟ କରେ । ଏହା ଡାକ୍ତରମାନଙ୍କୁ ରୋଗୀର ରେକର୍ଡ, ଲ୍ୟାବ୍ ରିପୋର୍ଟ ଏବଂ ମେଡିକାଲ୍ ଫଟୋକୁ ଭଲରେ ବୁଝିବାକୁ ସହଜ କରେ । 

ସ୍ୱାସ୍ଥ୍ୟସେବାରେ ଉନ୍ନତି: ଏବେ ଗର୍ଭବତୀ ମହିଳାଙ୍କ ସ୍ୱାସ୍ଥ୍ୟ ତଦାରଖ ପାଇଁ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଚାଳିତ ସ୍ୱାସ୍ଥ୍ୟ ମନିଟରିଂ କିଟ୍ ବ୍ୟବହାର କରାଯାଉଛି । ଏହାଛଡା, ଶିଶୁମାନଙ୍କ ମଧ୍ୟରେ କୁପୋଷଣର ଶୀଘ୍ର ଚିହ୍ନଟ ପାଇଁ ମଧ୍ୟ AI ଉପକରଣର ପରୀକ୍ଷଣ କରାଯାଉଛି । 

ଫାର୍ମାସୀ କ୍ଷେତ୍ରରେ ସହାୟତା: ଫାର୍ମାସିଷ୍ଟମାନଙ୍କୁ ଔଷଧର ସଠିକ୍ ପରିଚାଳନା, ଗବେଷଣା ଏବଂ ରୋଗୀଙ୍କୁ ସୂଚନା ଦେବାରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ସାହାଯ୍ୟ କରିପାରେ । 

କେତେ ବିପଦ ଏଆଇ

କଥାରେ ଅଛି ମଣିଷ ମେସିନ୍‌କୁ ତିଆରି କରିଛି ମେସିନ୍‌ ମଣିଷକୁ ନୁହେଁ । ତେଣୁ ଯେତେ ଅତ୍ୟାଧୁନିକ ଜ୍ଞାନକୌଶଳର ମେସିନ୍‌ ତିଆରି ହେଉନା କାହିଁକି ଏଆଇ ସବୁ ସ୍ଥାନରେ କାମ କରିପାରିବ ନାହିଁ । ଖାସ୍‌ କରି ଡାକ୍ତରମାନେ ରୋଗୀର ଅବସ୍ଥା ଦେଖି ତାଙ୍କର ଚିକିତ୍ସା କରାଇଥାଆନ୍ତି । ହେଲେ ଏଆଇ ସେମିତି କରିପାରିବ ନାହିଁ ବୋଲି  ଅନେକ କହୁଛନ୍ତି । ତେବେ ସମୟ କହିବ ଏଆଇ ଚିକିତ୍ସାକ୍ଷେତ୍ରରେ କେତେ କାମ କରୁଛି ।