ଅଧିକ ମଜଭୁତ ହେବ ଭାରତ-ଆମେରିକା ପ୍ରତିରକ୍ଷା ସମ୍ପର୍କ; ଭାରତ କିଣିବ ୩୧ଟି ପ୍ରେଡେଟର ଡ୍ରୋନ ଓ ୨ଟି ନ୍ୟୁକ୍ଲିୟର ସବମେରାଇନ

କନକ ବ୍ୟୁରୋ : ବଢ଼ିବ ଭାରତର ପ୍ରତିରକ୍ଷା ଶକ୍ତି  । ଭାରତ ନୌସେନା, ସ୍ଥଳସେନା ଏବଂ ବାୟୁସେନା ପାଇଁ ଦୁଇଟି ପରମାଣୁ ବୁଡ଼ାଜାହାଜ ୩୧ଟି ପ୍ରିଡେଟର ଡ୍ରୋନ୍ କ୍ରୟ କରିବ ଭାରତ । ଆମେରିକା ସହ ଚୁକ୍ତି ହୋଇଥିବା ଡିଫେନ୍ସ ଡିଲକୁ ମିଳିଛି ମଂଜୁରୀ । ସୁରକ୍ଷା ଦୃଷ୍ଟିରୁ କ୍ୟାବିନେଟ୍ କମିଟି ବା ସିସିଏସ୍ ୮୦ହଜାର କୋଟି ଟଙ୍କା ମୂଲ୍ୟର ଚୁକ୍ତିକୁ ଅନୁମୋଦନ ଦେଇଛି ।

ଏହା ଭାରତରୁ ଷ୍ଟ୍ରାଇକ୍ ଏବଂ ନୀରିକ୍ଷଣ କ୍ଷମତାକୁ ସମୁଦ୍ରରୁ ଭୂପୃଷ୍ଠ ଏବଂ ଆକାଶ ପର୍ଯ୍ୟନ୍ତ ବୃଦ୍ଧି କରିବ ଏହି ନୂଆ ପ୍ରତିରକ୍ଷା ଶକ୍ତି । ଭାରତୀୟ ନୌସେନା ସେନା ଦୁଇଟି ପରମାଣୁ ଚାଳିତ ଆକ୍ରମଣ ବୁଡ଼ାଜାହାଜ ପାଇବା ସହିତ ଭାରତ ମହାସାଗରରେ ଏହାର ଶକ୍ତି ବହୁଗୁଣିତ ହେବ । ଦୁଇଟି ପରମାଣୁ ବୁଡ଼ାଜାହାଜ ନିର୍ମାଣ ପାଇଁ ବିଶାଖାପାଟନମ୍ ଭିତ୍ତିକ ଜାହାଜ ନିର୍ମାଣ କେନ୍ଦ୍ର ସହିତ ୪୫ହଜାର କୋଟି ଟଙ୍କା ମୂଲ୍ୟର ଚୁକ୍ତି ସ୍ୱାକ୍ଷରିତ ହୋଇଛି । ଲାରସେନ୍ ଏବଂ ଟୁବ୍ରୋ ପରି ଅଗ୍ରଣୀ ଘରୋଇ କ୍ଷେତ୍ର କମ୍ପାନୀଗୁଡିକର ଅଂଶଗ୍ରହଣ ମଧ୍ୟ ହେବ ।