ସୁପରସଣ୍ଡେରେ ହାଇଭୋଲଟେଜ ମ୍ୟାଚ୍; ପାରମ୍ପାରିକ ପ୍ରତିଦ୍ୱନ୍ଦୀ ପାକିସ୍ତାନକୁ ଭେଟିବ ଭାରତ

କନକ ବ୍ୟୁରୋ : ମହିଳା ବିଶ୍ୱକପ ସୁପର ସଣ୍ଡେରେ ଆଜି ଖେଳାଯିବ ହାଇ ଭୋଲଟେଜ ମ୍ୟାଚ । ପ୍ରଥମ ମ୍ୟାଚର ପରାଜୟ ପରେ ଆଜି ଭାରତ ଭେଟିବ ପାରମ୍ପାରିକ ପ୍ରତିଦ୍ୱନ୍ଦ୍ୱି ପାକିସ୍ତାନକୁ । ଆଜିର ମ୍ୟାଚ ଭାରତ ପାଇଁ ଗୁରୁତ୍ୱପୂର୍ଣ୍ଣ, ଖାଲି ମ୍ୟାଚ ଜିତିବା ନୁହେଁ ମ୍ୟାଚ ସହ ରନ-ରେଟ୍ ମଧ୍ୟ ଭଲ କରିବାକୁ ପଡିବ।

ନ୍ୟୁଜିଲ୍ୟାଣ୍ଡ ବିପକ୍ଷ ପ୍ରଥମ ମ୍ୟାଚରେ ତିନୋଟି ବିଭାଗରେ ଭାରତ ଖରାପ ପ୍ରଦର୍ଶନ କରିଥିଲା । ତେବେ ଆଜିର ମ୍ୟାଚରେ ମ୍ୟାଚ ଜିତିବାକୁ ହେଲେ ବିଶେଷକରି ବ୍ୟାଟିଂରେ ଦଳକୁ ଭଲ ପ୍ରଦର୍ଶନ କରିବାକୁ ପଡ଼ିବ । ସେଫାଳି, ଜେମିମାହ ଓ ସ୍ମୃତି ଓ ହରମନପ୍ରିତଙ୍କ ଠାରୁ ଭଲ ପ୍ରଦର୍ଶନ ଆଶା କରୁଛି ଭାରତ।

ସେପଟେ ପାକିସ୍ତାନ ତାର ପ୍ରଥମ ମ୍ୟାଚ ଶ୍ରୀଲଙ୍କା ଠାରୁ ଜିତିଛି । ବଡ ମ୍ୟାଚରେ ଚାପ ରହିବା ସ୍ୱାଭାବିକ ହେଲେ ଏହି ଚାପରେ ଯେଉଁଦଳ ଠିକ ସେ ନିଜକୁ ପ୍ରସ୍ତୁତ ରଖି ଖେଳିପାରିବ ବିଜୟ ତାର ହିଁ ହେବ । ଦୁବାଇରେ ଖେଳାଯିବ ଏହି ହାଇ-ଭୋଲଟେଜ ମ୍ୟାଚ, ଭାରତୀୟ ସମୟ ଦିନ ୩ଟା ୩୦ରେ ମ୍ୟାଚ ଆରମ୍ଭ ହେବ ।