କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଷ୍ଟାରମର ବାଣିଜ୍ୟ ଚୁକ୍ତି ସହିତ ପ୍ରତ୍ୟର୍ପଣ, ଗଣତନ୍ତ୍ରର ସୁରକ୍ଷା, ଏବଂ ବିଶ୍ୱ ସମସ୍ୟା ଉପରେ ସହଯୋଗ ବିଷୟରେ ଆଲୋଚନା କରାଯାଇଛି । ବ୍ରିଟିଶ ପ୍ରଧାନମନ୍ତ୍ରୀଙ୍କ ସରକାରୀ ବାସଭବନ ଲଣ୍ଡନରେ ମୋଦୀ ଓ ବ୍ରିଟିଶ ପ୍ରଧାନମନ୍ତ୍ରୀ କୀର ଷ୍ଟାରମରଙ୍କୁ ଭେଟିଛନ୍ତି ।

Advertisment

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଐତିହାସିକ ବ୍ରିଟେନ ଗସ୍ତ । ବ୍ରିଟିଶ ପ୍ରଧାନମନ୍ତ୍ରୀ କୀର ଷ୍ଟାରମରଙ୍କୁ ଭେଟିଛନ୍ତି ପ୍ରଧାନମନ୍ତ୍ରୀ ମୋଦୀ । ଦୁଇ ନେତା ଐତିହାସିକ ୟୁକେ-ଭାରତ ବାଣିଜ୍ୟ ଚୁକ୍ତିନାମା ଉପର ସ୍ୱାକ୍ଷର କରିଛନ୍ତି । ଏହି ମୁକ୍ତ ବାଣିଜ୍ୟ ଚୁକ୍ତିନାମା ଦ୍ୱାରା ବାର୍ଷିକ ଦ୍ୱିପାକ୍ଷିକ ବାଣିଜ୍ୟ ୨୫.୫ ବିଲିୟନ ପାଉଣ୍ଡ ବୃଦ୍ଧି ପାଇବାର ଆଶା କରାଯାଉଛି ।

ମୁକ୍ତ ବାଣିଜ୍ୟ ଚୁକ୍ତିର ଲାଭ

୧- ସାମଗ୍ରୀରେ ଲାଗିନପାରେ ଟିକସ
୨- ଦୁଇ ଦେଶର କମ୍ପାନିଙ୍କୁ ମିଳିବ ଫାଇଦା
୩- ୨୦୩୦ ବେଳକୁ ଭାରତ-ୟୁକେ ବାଣିଜ୍ୟ ଦୁଇ ଗୁଣା ବୃଦ୍ଧି ଲକ୍ଷ୍ୟ
୪ - ଭାରତ -ୟୁକେ ବାଣିଜ୍ୟ ୧୦ଲକ୍ଷ କୋଟି ଛୁଇଁବ
୫- ୟୁକେରେ ଭାରତୀୟ ଖେଳଣା, ସୁନାଗହଣାର ମୂଲ୍ୟ ଶସ୍ତା ହେବ
୬- ଭାରତରେ ଶସ୍ତା ହେବ ବ୍ରିଟିଶ ଦାମୀ କାର୍

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତ ଏବଂ ୟୁକେ ମଧ୍ୟରେ ହୋଇଥିବା ବ୍ୟାପକ ମୁକ୍ତ ବାଣିଜ୍ୟ ଚୁକ୍ତିନାମାକୁ ଏକ ଐତିହାସିକ ସଫଳତା ବୋଲି ବର୍ଣ୍ଣନା କରିଛନ୍ତି । ମୋଦୀ କହିଛନ୍ତି, ଏହି ଚୁକ୍ତି ଦୁଇ ଦେଶ ମଧ୍ୟରେ ବାଣିଜ୍ୟ ଏବଂ ସହଯୋଗକୁ ନୂତନ ଶିଖରରେ ପହଞ୍ଚାଇବ । ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଏହି ଚୁକ୍ତିନାମା କେବଳ ଏକ ଆର୍ଥିକ ଚୁକ୍ତି ନୁହେଁ, ବରଂ ଏକ ସହଭାଗୀ ସମୃଦ୍ଧି ପାଇଁ ଏକ ଯୋଜନା । ଗୋଟିଏ ପଟେ, ଭାରତୀୟ ବୟନଶିଳ୍ପ, ଜୋତା, ରତ୍ନ ଏବଂ ଅଳଙ୍କାର, ସାମୁଦ୍ରିକ ଖାଦ୍ୟ ଏବଂ ଇଞ୍ଜିନିୟରିଂ ସାମଗ୍ରୀ ବ୍ରିଟେନ ବଜାର ପ୍ରବେଶ ପାଇବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ୟୁକେ ପ୍ରଧାନମନ୍ତ୍ରୀ କୀର ଷ୍ଟାରମରଙ୍କୁ ଭାରତ ଗସ୍ତ ପାଇଁ ମଧ୍ୟ ନିମନ୍ତ୍ରଣ କରିଛନ୍ତି । ଆତଙ୍କବାଦ ବିରୋଧରେ ଦୋମୁହାଁ ନୀତିର ସ୍ଥାନ ନାହିଁ ବୋଲି ପ୍ରଧାନମନ୍ତ୍ରୀ କହିଛନ୍ତି । ଜମ୍ମୁ ଓ କାଶ୍ମୀରର ପହଲଗାମ ଆତଙ୍କବାଦୀ ଆକ୍ରମଣକୁ ବ୍ରିଟେନ ଦୃଢ଼ ଭାବେ ନିନ୍ଦା କରିଥିବାରୁ କୃତଜ୍ଞତା ଜଣାଇଛନ୍ତି ପ୍ରଧାନମନ୍ତ୍ରୀ । ମୋଦୀ କହିଛନ୍ତି, ଆତଙ୍କବାଦ ମାନବସମାଜ ପାଇଁ ଏକ ବଡ଼ ବିପଦ । ଏହାର ମୁକାବିଲା ପାଇଁ ବିଶ୍ୱ ଏକଜୁଟ ହେବା ଆବଶ୍ୟକ ।

ଶେଷରେ ପ୍ରଧାନମନ୍ତ୍ରୀ କ୍ରିକେଟର କଥା ଉଠାଇ କହିଛନ୍ତି, ଆମ ଦୁହିଁଙ୍କ ପାଇଁ, କ୍ରିକେଟ୍ କେବଳ ଏକ ଖେଳ ନୁହେଁ, ବରଂ ଏକ ଉତ୍ସାହ । ଏହା ସହିତ ଭାରତ-ବ୍ରିଟେନ ସହଭାଗିତାର ଭଲ ପ୍ରତୀକ । କେତେବେଳେ ସ୍ୱିଙ୍ଗ୍ ଏବଂ ମିସ୍ ହୋଇପାରେ, କିନ୍ତୁ ଆମେ ସର୍ବଦା ସିଧା ବ୍ୟାଟ୍ ସହିତ ଖେଳୁ ! ଭାରତ -ବ୍ରିଟେନ ଏକ ବଡ଼ ସ୍କୋର ସହ ଦୃଢ଼ ଭାଗୀଦାରୀ ଗଠନ କରିବାକୁ ପ୍ରତିବଦ୍ଧ ।