ମୋଦୀ ସରକାରଙ୍କ ବଡ ଆକ୍ସନ; ପାକିସ୍ତାନ ଉପରେ ଭାରତର ୱାଟର ଷ୍ଟ୍ରାଇକ

କନକ ବ୍ୟୁରୋ : ପାକିସ୍ତାନ ବର୍ଷ ବର୍ଷ ଧରି ଭାରତୀୟ ଜଳକୁ ଉପଭୋଗ କରିଆସୁଥିଲା, କିନ୍ତୁ ବର୍ତ୍ତମାନ ଏହି ଦିନ ପରିବର୍ତ୍ତନ ହେବାକୁ ଯାଉଛି। ଭାରତ ସରକାର ପାକିସ୍ତାନକୁ ଏକ ନୋଟିସ ପଠାଇ ଜଳ ଚୁକ୍ତିରେ ପରିବର୍ତ୍ତନ ଆଣିବାକୁ ଦାବି କରିଛନ୍ତି।

ସରକାରଙ୍କ ସହ ଜଡିତ ଶୀର୍ଷ ସୂତ୍ରରୁ ପ୍ରକାଶ ଯେ, ପାକିସ୍ତାନକୁ ଦିଆଯାଇଥିବା ବିଜ୍ଞପ୍ତିରେ କୁହାଯାଇଛି ଯେ ଆଜିର ପରିସ୍ଥିତିରେ ସମାନ ଚୁକ୍ତିନାମା ବଜାୟ ରଖିବା ସମ୍ଭବ ନୁହେଁ, ତେଣୁ ଏହାକୁ ପରିବର୍ତ୍ତନ କରିବାର ଆବଶ୍ୟକତା ରହିଛି।ଭାରତ ମଧ୍ୟ ଏହାର ବିଜ୍ଞପ୍ତିରେ କହିଛି ବଦଳିବ ‘ସିନ୍ଧୁ ଜଳ ସନ୍ଧି’!

ଅଗଷ୍ଟ ୩୦ରେ ଭାରତ ଏହି ବିଜ୍ଞପ୍ତି ପଠାଇଛି।ବିଜ୍ଞପ୍ତିରେ କୁହାଯାଇଛି ଭାରତ ସ୍ୱଚ୍ଛ ଶକ୍ତି ଆଡକୁ ଗତି କରୁଛି । ଭାରତ ଚୁକ୍ତିରେ ପରିବର୍ତ୍ତନକୁ ବିଚାର କରୁଛି । ପାକିସ୍ତାନ ଭାରତର ଉଦାରତାର ଲାଭ ଉଠାଉଛି । ଏଭଳି ପରିସ୍ଥିତିରେ ଏହି ଚୁକ୍ତିନାମାକୁ ପୁନର୍ବାର ଚିନ୍ତା କରିବାକୁ ବିଚାର କରାଯାଉଛି । ୧୯୬୦ରେ ଭାରତ ଏବଂ ପାକିସ୍ଥାନ ମଧ୍ୟରେ ସିନ୍ଧୁ ଜଳ ଚୁକ୍ତିନାମା ସ୍ୱାକ୍ଷରିତ ହୋଇଥିଲା ।