ହିଜବୁଲ୍ଲା ମୁଖ୍ୟ ହସନ ନସରୁଲ୍ଲାହ ନିପାତ; ଇସ୍ରାଏଲ ଡିଫେନ୍ସ ଫୋର୍ସର ଦାବି

କନକ ବ୍ୟୁରୋ : ହିଜବୁଲ୍ଲା ମୁଖ୍ୟ ହସନ ନସରୁଲ୍ଲାହ ନିହତ । ସୂଚନା ଦେଲା ଆଇଡିଏଫ୍ ବା ଇସ୍ରାଏଲ ଡିଫେନ୍ସ ଫୋର୍ସ  । ଆଉ ଦୁନିଆକୁ ଡରାଇପାରିବନି ନସରୁଲ୍ଲା । ଗତ ୩ ଦଶନ୍ଧି ଧରି ହିଜବୁଲ୍ଲାର ମୁଖ୍ୟ ପଦରେ ରହିଥିଲା ନସରୁଲ୍ଲା । ୧୯୮୫ରେ ଆମେରିକା ଓ ରୁଷକୁ ଧମକ ବିଶ୍ୱରେ ଆଲୋଡନ ସୃଷ୍ଟି କରିଥିଲା ହସନ ନସରୁଲ୍ଲାହ । ସେପଟେ ନସରୁଲ୍ଲାହର ମୃତ୍ୟୁ ଖବରରୁ ଅସ୍ୱୀକାର କରିଛି ଇରାନ । ହିଜବୁଲ୍ଲା କହିଛି ଖବରରେ ସତ୍ୟତା ନାହିଁ ।

ସକାଳ ହେଉ କି ସଂଧ୍ୟା ବା ରାତି ଇସ୍ରାଏଲର ଆଟାକରେ ଥରହର ଲେବାନନ । ଭୟରେ ହିଜବୁଲ୍ଲା ଧ୍ୱସଂରେ ପରିଣତ ହେଲାଣି ହିଜବୁଲ୍ଲାର ଗଡ଼ । ସେପଟେ ଇସ୍ରାଏଲ କହୁଛି ହିଜବୁଲ୍ଲାର ସମସ୍ତଙ୍କୁ ମାରି ନିଶ୍ୱାସ ନେବୁ ଆଉ ଆରପଟେ ହିଜବୁଲ୍ଲା କହିଛି ଇସ୍ରାଏଲ ଭୟଙ୍କର ପରିସ୍ଥିତିର ସାମ୍ନା କରିବ ।