କନକ ବ୍ୟୁରୋ : ପ୍ରବଳ ବର୍ଷାରେ କ୍ରାସ ହେଲା ହେଲିକପ୍ଟର । ଖରାପ ପାଗ ଯୋଗୁ ଘଟିଲା ଅଘଟଣ । ଶନିବାର ପୁଣେରେ ଏହି ଦୁର୍ଘଟଣା ଘଟିଛି । ହେଲିକପ୍ଟରରେ କ୍ୟାପ୍ଟେନଙ୍କୁ ମିଶାଇ ୪ ଜଣ ଲୋକ ଥିଲେ ।

Advertisment

ସୂଚନା ମୁତାବକ ହେଲିକପ୍ଟର AW 139 ମୁମ୍ବାଇରୁ ହାଇଦ୍ରାବାଦ ଯାଉଥିଲା । କିନ୍ତୁ ପୁଣେର ପୌଦ ଅଞ୍ଚଳରେ ଖରାପ ପାଗ କାରଣରୁ ଦୁର୍ଘଟଣାଗସ୍ତ ହୋଇଛି । ହେଲିକପ୍ଟରର କ୍ୟାପ୍ଟେନ ଆନନ୍ଦ କ୍ରାଶ ଯୋଗୁ ଗୁରୁତର ଆହତ ହୋଇଛନ୍ତି । ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ହେଲିକପ୍ଟରେ ବାକି ୩ ଜଣ ଲୋକ ସାମାନ୍ୟ ଆହତ ହୋଇଥିବା ନେଇ ସୂଚନା ମିଳିଛି ।

ଖବର ପାଇ ଉଦ୍ଧାରକାରୀ ଟିମ ଓ ପୁଲିସ୍‌ ଘଟଣା ସ୍ଥଳରେ ପହଞ୍ଚିଛନ୍ତି । ହେଲିକପ୍ଟରଟି ଗୋଟିଏ ଜଙ୍ଗଲିଆ ଅଞ୍ଚଳରେ କ୍ରାସ ହୋଇ ଛିନଛତ୍ର ହୋଇ ପଡ଼ିଥିବା ଦେଖିବାକୁ ମିଳିଛି । ପାଣିପାଗ ବିଭାଗ ପକ୍ଷରୁ ପଶ୍ଚିମ ମୁମ୍ବାଇର ପ୍ରାୟ ଅଞ୍ଚଳରୁ ଅରେଞ୍ଜ ୱାର୍ଣ୍ଣିଂ ଦିଆଯାଇଛି ।