ଆମେରିକାରେ ତାଣ୍ଡବ ରଚୁଛି ବାତ୍ୟା ହେଲେନ; ଗଲାଣି ୪୩ ଜୀବନ

କନକ ବ୍ୟୁରୋ : ଆମରେକାରେ ବାତ୍ୟା ହେଲେନର ତାଣ୍ଡବ । ଦକ୍ଷିଣ ପୂର୍ବ ଆମେରିକାରେ ବାତ୍ୟା ହେଲେନ୍‌ ପ୍ରଭାବରେ ୪୩ ଜଣଙ୍କର ମୃତ୍ୟୁ ଘଟିଛି । ଆମେରିକାର ନ୍ୟାସନାଲ ହରିକେନ୍‌ ସେଣ୍ଟର(ଏନ୍‌ଏଚ୍‌ସି) ଅନୁଯାୟୀ, ଶୁକ୍ରବାର ହେଲେନ୍‌ ବାତ୍ୟାର ବେଗ ସାମାନ୍ୟ ଘଣ୍ଟା ପ୍ରତି ୧୨୦ କି.ମି.ରେ ପହଞ୍ଚିଥିଲା ।

ବାତ୍ୟାକୁ ନଜରରେ ରଖି ଆମେରିକାର ଫ୍ଲୋରିଡା, ଜର୍ଜିଆ, ଉତ୍ତର କାରୋଲିନା, ଦକ୍ଷିଣ କାରୋଲିନା, ଭର୍ଜିନିଆ ଏବଂ ଆଲାବାମାରେ ଜରୁରୀକାଳୀନ ପରିସ୍ଥିତି ଘୋଷଣା କରିଛି ପ୍ରଶାସନ । ହେଲେନ୍‌ର ସର୍ବାଧିକ ପ୍ରଭାବ ଫ୍ଲୋରିଡା, ଜର୍ଜିଆ, ଦକ୍ଷିଣ ଓ ଉତ୍ତର କାରୋଲିନା ରାଜ୍ୟରେ ରହିଥିବା ନେଇ ଏନ୍‌ଏଚ୍‌ସି କହିଛି ।

ବାତ୍ୟା ପ୍ରଭାବରେ କେବେଳ ଜର୍ଜିଆରୁ ଅତି କମ୍‌ରେ ୧୧ ଜଣଙ୍କର ମୃତ୍ୟୁ ଘଟିଥିବା ଗଭର୍ଣ୍ଣର ବ୍ରିୟାନ କେମ୍ପ ସୂଚନା ଦେଇଛନ୍ତି । ସେହିପରି ହେଲେନ୍‌ରେ କ୍ଷତିଗ୍ରସ୍ତ ହୋଇଥିବା ଘର ଗୁଡ଼ିକରେ ଏବେ ମଧ୍ୟ ଶତାଧିକ ଫସି ରହିଥିବା ସେ କହିଛନ୍ତି । ବାତ୍ୟା ଫଳରେ ଉତ୍ତର କାରୋଲିନାରେ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା । ଏହି ସମୟ ମଧ୍ୟରେ ଜର୍ଜିଆର ଏକ ପ୍ରଦେଶରେ ଦୀର୍ଘ ସମୟ ଧରି ବିଦ୍ୟୁତ ରହିନଥିଲା ।

ଜରୁରୀକାଳୀନ ଘୋଷିତ ରାଜ୍ୟଗୁଡିକରେ ଅତି କମରେ ୧୦୦୦ ବିମାନ ବାତିଲ କରାଯାଇଛି । ଆମେରିକୀୟ ସଂଘୀୟ ଜରୁରୀକାଳୀନ ପରିଚାଳନା ଏଜେନ୍ସି ପକ୍ଷରୁ ଉଦ୍ଧାର କାର୍ୟ୍ୟ ପାଇଁ ୪ ରାଜ୍ୟରେ ୧୫୦୦ରୁ ଅଧିକ କର୍ମୀ ନିୟୋଜିତ ଅଛନ୍ତି ।