ଧନୀ ତାଲିକାରୁ ହଟିଲେ ଏଲନ ମସ୍କ, ମସ୍କଙ୍କୁ ପଛରେ ପକାଇଲେ ଲାରୀ ଏଲିସନ୍‌

କନକ ବ୍ୟୁରୋ : ଧନୀ ତାଲିକାରୁ ହଟିଲେ ଏଲନ ମସ୍କ । ଓରାକଲର ସହ-ପ୍ରତିଷ୍ଠାତା ଲାରୀ ଏଲିସନ୍‌ ଏଲନ୍‌ ମସ୍କଙ୍କୁ ପଛରେ ପକାଇ ବିଶ୍ୱର ସବୁଠାରୁ ଧନୀ ବ୍ୟକ୍ତି ହୋଇଛନ୍ତି । ବ୍ଲୁମବର୍ଗ ବିଲିଓନେୟାର୍ସ ଇଣ୍ଡେକ୍ସ ଅନୁସାରେ, ଓରାକଲ କର୍ପୋରେସନର ସେୟାର ମୂଲ୍ୟରେ ୪୧ ପ୍ରତିଶତ ବୃଦ୍ଧି ପରେ ଏଲିସନଙ୍କ ସମ୍ପତ୍ତି ୧୦୧ ବିଲିଅନ୍‌ ଡଲାର ବୃଦ୍ଧି ପାଇଛି । ଯାହା ତାଙ୍କ ମୋଟ୍ ସମ୍ପତ୍ତିକୁ ୩୯୩ ବିଲିଅନ୍‌ ଡଲାରକୁ ନେଇଛି । ଏହା ମସ୍କଙ୍କ ୩୮୫ ବିଲିଅନ୍‌ ଡଲାରଠାରୁ ଅଧିକ । ଓରାକଲର ଏଆଇ ଓ କ୍ଲାଉଡ୍‌ ବ୍ୟବସାୟରେ ବୃଦ୍ଧି ଏହି ଉତ୍ଥାନର ମୁଖ୍ୟ କାରଣ । ମସ୍କ, ଯିଏ ୨୦୨୧ରେ ପ୍ରଥମେ ଏହି ମାନ୍ୟତା ହାସଲ କରିଥିଲେ, ଟେସଲା ସେୟାରର ହ୍ରାସ ଯୋଗୁଁ ଏହି ସ୍ଥାନ ହରାଇଛନ୍ତି ।
ପଛରେ ପଡ଼ିଲେ ମସ୍କ
ଲାରି ଏଲିସନ୍‌ ଧନୀ ବ୍ୟକ୍ତି
ଏଲନ୍‌ ମସ୍କଙ୍କୁ ପଛରେ ପକାଇ ବିଶ୍ୱର ସବୁଠାରୁ ଧନୀ ହେଲେ ଲାରି ଏଲିସନ
ଲାରି ଏଲିସନଙ୍କ ସମ୍ପତ୍ତି ୧୦୧ ବିଲିଅନ୍ ଡଲାର ବୃଦ୍ଧି ପାଇ ୩୯୩ ବିଲିଅନ୍ ଡଲାରରେ ପହଞ୍ଚିଛି
ବ୍ଲୁମବର୍ଗ ବିଲିଓନେୟାର୍ସ ଇଣ୍ଡେକ୍ସରେ ଏଲିସନ୍ ୩୮୫ ବିଲିଅନ୍ ଡଲାର ସହ ଶୀର୍ଷରେ ରଖିଛି
ଓରାକଲର  ସେୟାର ୪୧% ଉଠିଛି, ଯେଉଁଥି ପାଇଁ ଲାରି ଏଲିସନଙ୍କ ସମ୍ପତ୍ତି ବୃଦ୍ଧି ପାଇଛି
୮୧ ବର୍ଷୀୟ ଏଲିସନ୍ ଓରାକିଲର ସହ-ପ୍ରତିଷ୍ଠାତା, ଚେୟାରମ୍ୟାନ୍ ଓ ସିଟିଓ ପଦରେ ଅଛନ୍ତି
ଟେସଲାର ସେୟାର ୧୩% ହ୍ରାସ ପାଇଛି, ଯେଉଁଥି ପାଇଁ ମସ୍କ ପଛରେ ପଡ଼ିଯାଇଛନ୍ତି 
ମସ୍କ ୩୦୦ ଦିନରୁ ଅଧିକ ସମୟ ପ୍ରଥମ ସ୍ଥାନ ଧରି ରଖିଥିଲେ