ପହଲଗାମ ଆତଙ୍କୀ ଆକ୍ରମଣ ଉପରେ ଶୁଣାଣି କରିବେନି ସୁପ୍ରିମକୋର୍ଟ; ସମ୍ବେଦନଶୀଳ ପ୍ରସଙ୍ଗରେ ଦେଶ ପ୍ରତି ଦାୟିତ୍ୱ ନିର୍ବାହ କରିବାକୁ ପରାମର୍ଶ

କନକ ବ୍ୟୁରୋ : ପହଲଗାମ ଆତଙ୍କୀ ଆକ୍ରମଣ ଉପରେ ଶୁଣାଣି କରିବାକୁ ମନାକଲେ ସୁପ୍ରିମକୋର୍ଟ । ପହଲଗାମ ଆକ୍ରମଣର ନ୍ୟାୟିକ ତଦନ୍ତ ପାଇଁ ଏକ ଜନସ୍ୱାର୍ଥ ମାମଲା ଦାୟର ହୋଇଥିଲା । ଆଉ ଏହି ମାମଲାର ଶୁଣାଣି କରିବାକୁ ମନା କରିବା ସହ କ୍ଷୁବ୍ଧ ହୋଇଛନ୍ତି ସର୍ବୋଚ୍ଚ ନ୍ୟାୟାଳୟ । ଏହା ଏକ ସମ୍ବେଦନଶୀଳ ପ୍ରସଙ୍ଗ । ଆବେଦନକାରୀ ଦେଶ ପ୍ରତି ନିଜ ଦାୟିତ୍ୱ ନିର୍ବାହ କରିବା ଉଚିତ । ଏଭଳି ଆବେଦନ ସେନାର ମନୋବଳ ଭାଙ୍ଗିବା ସହ ସେମାନଙ୍କୁ ପ୍ରଭାବିତ କରିପାରେ । ଜଷ୍ଟିସ୍ ସୂର୍ଯ୍ୟକାନ୍ତ ଓ ଜଷ୍ଟିସ ଏନ୍ କୋଟେଶ୍ୱର ସିଂଙ୍କ ଖଣ୍ଡପୀଠ ଏହି ଆବେଦନକୁ ଖାରଜ କରିଛନ୍ତି ।

ପହଲଗାମ ଆକ୍ରମଣ ପରେ ଏବେ ଚାପରେ ପାକିସ୍ତାନ । ୯ ଦିନରେ ଭାରତର ୯ଟି ବଡ଼ ନିଷ୍ପତ୍ତି ଦେଖି ଛାନିଆ ହେଲାଣି ପଡ଼ୋଶୀ ଦେଶ । ଜଳ, ସ୍ଥଳ, ଆକାଶ ସବୁ ମୋର୍ଚ୍ଚାରେ ପାକିସ୍ତାନକୁ ମାତ ଦେବାକୁ ହୋଇଛି ଯୋଜନା । ସେପଟେ ବଢ଼ିଲା ପାକିସ୍ତାନୀଙ୍କ ଭାରତ ଛାଡ଼ିବା ସମୟସୀମା । ଗୃହ ମନ୍ତ୍ରଣାଳୟର ନୂଆ ନିର୍ଦ୍ଦେଶନାମା । ଆଜି ଥିଲା ବର୍ଡର ବନ୍ଦର ଶେଷ ତାରିଖ । ଅଟ୍ଟାରୀ ସୀମା ଦେଇ ଯାଇପାରିବେ ପାକିସ୍ତାନୀ । ନୂଆ ନିର୍ଦ୍ଦେଶନାମା ଆସିବା ଅଟ୍ଟାରୀ ସୀମା ଦେଇ ଯାଇପାରିବେ ପାକିସ୍ତାନୀ ।