୧୭ ଦିନ ବନ୍ଦ ରହିବ ବ୍ୟାଙ୍କ; କାମ ଥିଲେ ଆଜିଠୁ କରନ୍ତୁ ପ୍ଲାନ୍‌

କନକ ବ୍ୟୁରୋ : ସରିଲା ନଭେମ୍ବର, ଆରମ୍ଭ ହେବ ଡିସେମ୍ବର । ଚାହୁଁ ଚାହୁଁ ମାସେ ପୁରିଲେ ଆସିବ ନୂଆବର୍ଷ । ତେବେ ଡିସେମ୍ବର ମାସ ପାଇଁ ଆର୍‌ବିଆଇ ପକ୍ଷରୁ ବ୍ୟାଙ୍କ ଛୁଟି ତାଲିକା ପ୍ରକାଶ ପାଇଛି । ମୁଖ୍ୟତଃ ଡିସେମ୍ବର ମାସରେ ଖ୍ରୀଷ୍ଟ ଧର୍ମାବଲମ୍ବୀଙ୍କ ମୁଖ୍ୟ ପର୍ବ ଖ୍ରୀଷ୍ଟମାସ ପାଳନ ହୁଏ । ତା ସହ ନୂଆ ବର୍ଷ ସହ ଜଡ଼ିତ ଛୁଟି ମଧ୍ୟ ରହିଥାଏ । ଡିସେମ୍ବର ମାସରେ ଛୁଟିର ତାଲିକା ବିଭିନ୍ନ ରାଜ୍ୟ ପାଇଁ ଭିନ୍ନ ଭିନ୍ନ ରହିଥାଏ ।

ଆସନ୍ତା ଡିସେମ୍ବର ମାସରେ କୌଣସି ବ୍ୟାଙ୍କ କାମ ଥିଲେ ଆଜିଠାରୁ ହିଁ ପ୍ଲାନ୍‌ କରନ୍ତୁ । କାରଣ ଏହି ମାସର ୧୭ ଦିନ ବ୍ୟାଙ୍କ ବନ୍ଦ ରହିବ । ତେଣୁ କେଉଁ କେଉଁ ଦିନ ବ୍ୟାଙ୍କ ଛୁଟି ରହିବ ତାହା ଜାଣି ରଖିବା ନିହାତି ଆବଶ୍ୟକ । ତା ନହେଲେ ସମସ୍ୟାରେ ପଡ଼ି ପାରନ୍ତି ସାଧାରଣ ଲୋକେ । ତେବେ ଏହି ମାସରେ ଥିବା ବ୍ୟାଙ୍କ ଛୁଟି ମଧ୍ୟରୁ କେତେକ ଆଞ୍ଚଳିକ ଛୁଟି ମଧ୍ୟ ସାମିଲ ରହିଛି । ତାହାଛଡ଼ା ଏଥର ଖ୍ରୀଷ୍ଟମାସ ବା ବଡ଼ଦିନ ଛୁଟି ପଡ଼ୁଥିବାରୁ ସେହି ଦିନ ସାରା ଦେଶରେ ବ୍ୟାଙ୍କ ବନ୍ଦ ରହିବ । ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ ଛୁଟି ଲିଷ୍ଟ ଅନୁଯାୟୀ ଦ୍ୱିତୀୟ ଓ ଚତୁର୍ଥ ଶନିବାର ବି ବ୍ୟାଙ୍କ ଛୁଟି ରହିବ ।

କେଉଁ ରାଜ୍ୟରେ କେଉଁ ଦିନ ବ୍ୟାଙ୍କ ବନ୍ଦ

• ୧ ଡିସେମ୍ବର ୨୦୨୫ ସୋମବାର ଦିନ ଅରୁଣାଚଳ ପ୍ରଦେଶ ଓ ନାଗାଲାଣ୍ଡରେ ରାଜ୍ୟ ପ୍ରତିଷ୍ଠା ଦିବସ ଏବଂ ଇଣ୍ତିଜେନସ ଫେଥ୍‌ ଦିବସ ପାଳନ କରାଯିବ ।
• ୩ ଡିସେମ୍ବର ୨୦୨୫ ବୁଧବାର ଦିନ ଗୋଆରେ ସେଣ୍ଟ ଫ୍ରାନ୍ସିସ୍ ଜାଭିୟରଙ୍କ ପର୍ବ ପାଳନ କରାଯିବ ।
• ୧୨ ଡିସେମ୍ବର ୨୦୨୫ ଶୁକ୍ରବାର ଦିନ ମେଘାଳୟରେ ପା ତୋଗନ ନେଙ୍ଗମିଞ୍ଜା ସାଙ୍ଗମାଙ୍କ ଶ୍ରାଦ୍ଧ ବାର୍ଷିକୀ ପାଳନ କରାଯିବ ।
• ୧୮ ଡିସେମ୍ବର ୨୦୨୫ ଗୁରୁବାର ଦିନ ମେଘାଳୟରେ ୟୁ ସୋସୋ ଥାମଙ୍କ ଶ୍ରାଦ୍ଧ ବାର୍ଷିକୀ ପାଳନ କରାଯିବ ।
• ୧୯ ଡିସେମ୍ବର ୨୦୨୫ ଶୁକ୍ରବାର ଗୋଆରେ ଗୋଆ ମୁକ୍ତି ଦିବସ ପାଳନ କରାଯିବ ।
• ୨୨ ଡିସେମ୍ବର ୨୦୨୫ ସୋମବାର ସିକ୍କିମରେ ଲୋସୁଙ୍ଗ/ନାମସୁଙ୍ଗ ଉତ୍ସବ ।
• ୨୪ ଡିସେମ୍ବର ୨୦୨୫ ବୁଧବାର ମିଜୋରାମ, ନାଗାଲାଣ୍ଡ ଓ ମେଘାଳୟରେ କ୍ରିସମାସ ଇଭ୍ ପାଳନ ।
• ୨୫ ଡିସେମ୍ବର ୨୦୨୫ ଗୁରୁବାର ସମଗ୍ର ଭାରତରେ ବଡ଼ଦିନ ବା ଖ୍ରୀଷ୍ଟମାସ ଛୁଟି ।
• ୨୬ ଡିସେମ୍ବର ୨୦୨୫ ଶୁକ୍ରବାର ମିଜୋରାମ, ନାଗାଲାଣ୍ଡ ଓ ମେଘାଳୟରେ କ୍ରିସମାସ ପାଳନ ପାଇଁ ଛୁଟି ।
• ୨୭ ଡିସେମ୍ବର ୨୦୨୫ ଶନିବାର ନାଗାଲାଣ୍ଡରେ କ୍ରିସମାସ ପାଇଁ ବ୍ୟାଙ୍କ ଛୁଟି ।
• ୩୦ ଡିସେମ୍ବର ୨୦୨୫ ମଙ୍ଗଳବାର ମେଘାଳୟରେ ୟୁ କିଆଙ୍ଗ ନାଙ୍ଗବାହଙ୍କ ଶ୍ରାଦ୍ଧ ବାର୍ଷିକୀ ଉପଲକ୍ଷେ ଛୁଟି ।
• ୩୧ ଡିସେମ୍ବର ୨୦୨୫ ବୁଧବାର ମିଜୋରାମ ଓ ମଣିପୁରରେ ନୂତନ ବର୍ଷ ପୂର୍ବ ସନ୍ଧ୍ୟା (New Year's Eve) କିମ୍ବା ଇମୋଇନୁ ଇରାଟପାଙ୍କ ପାଇଁ ଛୁଟି ।

ଡିସେମ୍ବର ୨୦୨୫ରେ ୬ଟି ସାପ୍ତାହିକ ଛୁଟି (Weekend Holidays) ରହିବ । ଏଥିମଧ୍ୟରୁ ୧୩ ତାରିଖ ଦ୍ୱିତୀୟ ଶନିବାର ଏବଂ ୨୭ ତାରିଖ ଚତୁର୍ଥ ଶନିବାର କାରଣରୁ ବ୍ୟାଙ୍କ ଛୁଟି ରହିବ । ୭, ୧୪, ୨୧ ଏବଂ ୨୮ ତାରିଖ ରବିବାର ହୋଇଥିବାରୁ ଛୁଟି ରହିବ । ଏହି ଛୁଟିଗୁଡ଼ିକ ସମଗ୍ର ଭାରତବବର୍ଷରେ ରହିବ ।