କନକ ବ୍ୟୁରୋ: ରାତିପାହିଲେ ଭାରତ ପାଳନ କରିବ ୭୯ତମ ସ୍ୱାଧୀନତା ଦିବସ । ଏଥିପାଇଁ ଦିଲ୍ଲୀ ଲାଲକିଲ୍ଲାରେ ଭବ୍ୟ ଉତ୍ସବ ଆୟୋଜନ କରାଯାଇଛି । ଅତିଥିମାନଙ୍କ ଆଗମନ ଓ ସେମାନଙ୍କୁ ସ୍ୱାଗତ କରାଯିବା ପରେ ସକାଳ ୭ଟା ୩୦ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲାଲକିଲ୍ଲାରେ ଜାତୀୟ ପତାକା ଉତ୍ତୋଳନ କରିବେ । ୭ଟା ୩୩ରେ ପ୍ରଧାନମନ୍ତ୍ରୀ ଦେଶବାସୀଙ୍କୁ ଉଦବୋଧନ ଦେବା କାର୍ଯ୍ୟକ୍ରମ ରହିଛି । ଆକାଶରୁ ହେଲିକପ୍ଟର ଯୋଗେ ଫୁଲବର୍ଷା କରାଯିବ । ସ୍ୱାଧୀନତା ଦିବସ ଅବସରରେ ଅପରେସନ ସିନ୍ଦୂରରେ ଅଂଶଗ୍ରହଣ କରି ଅସୀମ ସାହସ ପ୍ରଦର୍ଶନ କରିଥିବା ବାୟୁସେନାର ୯ଜଣ ଅଫିସରଙ୍କୁ ବୀରଚକ୍ର ସମ୍ମାନ ପ୍ରଦାନ କରାଯିବ । ଏହି ଅଫିସରମାନେ ହେଲେ- ରଣଜିତ ସିଂହ ସିଦ୍ଧୁ, ମନୀଷ ଆରୋରା, ଅନିମେଶ ପାଟନୀ, କୁନାଳ କାଲରା, ଜୟ ଚନ୍ଦ୍ରା, ସାର୍ଥକ କୁମାର, ସିଦ୍ଧାନ୍ତ ସିଂହ, ରିଜୱାନ ମଲିକ ଏବଂ ଅର୍ସବୀର ସିଂହ ଠାକୁର । ଅନ୍ୟ ଅଫିସର ମଧ୍ୟ ସମ୍ମାନିତ ହେବେ ।
ସ୍ୱାଧୀନତା ଦିବସ ଉତ୍ସବ କାର୍ଯ୍ୟକ୍ରମ
ଆସନ୍ତାକାଲି ଭାରତ ପାଳନ କରିବ ୭୯ତମ ସ୍ୱାଧୀନତା ଦିବସ
ଦିଲ୍ଲୀ ଲାଲକିଲ୍ଲାରେ ଭବ୍ୟ ଉତ୍ସବ ଆୟୋଜନ
ସକାଳ ୭.୩୦ରେ ପ୍ରଧାନମନ୍ତ୍ରୀ ଜାତୀୟ ପତାକା ଉତ୍ତୋଳନ କରବେ
୭.୩୩ରେ ଦେଶବାସୀଙ୍କୁ ଉଦବୋଧନ ଦେବେ
ଅପରେସନ ସିନ୍ଦୂରରେ ଭାଗନେଇଥିବା ବାୟୁସେନା ଅଫିସରଙ୍କୁ ସମ୍ମାନିତ କରାଯିବ
୯ଜଣ ବାୟୁସେନା ଅଫିସରଙ୍କୁ ଦିଆଯିବ ବୀରଚକ୍ର