ଉତ୍କଳ ବିଶ୍ୱବିଦ୍ୟାଳୟ ପରିସରରେ ଶ୍ରମିକଙ୍କୁ ହତ୍ୟା : ଘଟଣାସ୍ଥଳରେ ପୋଲିସର ତଦନ୍ତ ଆରମ୍ଭ
କନକ ବ୍ୟୁରୋ : ଉତ୍କଳ ବିଶ୍ୱବିଦ୍ୟାଳୟ ପରିସରରେ ଜଣେ ଶ୍ରମିକଙ୍କୁ ହତ୍ୟା । ଗୁରୁବାର ରାତି ପ୍ରାୟ ୧୦ଟା ବେଳେ ଜଣଙ୍କୁ ଛୁରି ଭୁସି ହତ୍ୟା କରାଗଲା । ପୋଲିସର ସୂଚନା ଅନୁସାରେ, ମୟୂରଭଂଜ ଜିଲ୍ଲା ଉଦଳାଅଂଚଳର ଗୁଜୁରାମ ସିଂହ । ଗତ କିଛିଦିନ ହେଲା ବିଶ୍ୱବିଦ୍ୟାଳୟ ପରିସରରେ ଚାଲିଥିବା ପାଚେରୀ କାମ କରୁଥିଲେ ଗୁଜୁରାମ ।
Kanak News is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ନିର୍ମାଣାଧୀନ କୋଠାରେ ଗୁଜୁରଙ୍କୁ କେହି ହତ୍ୟା କରିଛି ବୋଲି ଖବର ମିଳିବା ପରେ ପୁଲିସ ସେଠାରେ ପହଞ୍ଚିଥିଲା । ପୁଲିସ ଘଟଣାସ୍ଥଳରେ ପହଞ୍ଚିବା ବେଳକୁ ଗୁଜୁରଙ୍କ ରକ୍ତାକ୍ତ ମୃତଦେହ ପଡ଼ି ରହିଥିଲା । ତାଙ୍କ ଗଳାକୁ କେହି କୌଣସି ଧରୁଆ ଅସ୍ତ୍ରରେ କାଟି ଦେଇଥିବା ଜଣାପଡ଼ିଥିଲା । ନିକଟରେ ମଦ ବୋତଲ ଓ ବିଭିନ୍ନ ଖାଦ୍ୟ ପୁଡ଼ିଆ ପଡ଼ିଥିଲା । ପଚରାଉଚରା ପରେ ଅନ୍ୟ ଶ୍ରମିକମାନେ ଗୁଜୁରଙ୍କ ସହ ମଦ ପିଉଥିବା ଜଣେ ଶ୍ରମିକର ନାଁ ନେଇଥିଲେ । କିନ୍ତୁ ତାକୁ ପୁଲିସ ଖୋଜିଲା ବେଳକୁ ସେ ଫେରାର୍ ହୋଇଯାଇଥିଲା ।
ହତ୍ୟାକାଣ୍ଡ ପରେ ଫେରାର୍ ହୋଇଯାଇଥିବା ଉକ୍ତ ଶ୍ରମିକ ଆଜି ସକାଳେ ଏକ ପରିବା କଟା ଛୁରି କିଣିଥିବା ଅନ୍ୟ ଶ୍ରମିକମାନେ ପୁଲିସକୁ ଜଣାଇଥିଲେ । ତେଣୁ ସେ ଗୁଜୁରକୁ ହତ୍ୟା କରିବା ପାଇଁ ପୂର୍ବରୁ ପ୍ରସ୍ତୁତ ହୋଇଥିଲା ଓ ସେଥିପାଇଁ ଯୋଜନା କରିଥିଲା ବୋଲି ଜଣାପଡ଼ିଛି । ପୁଲିସ ହତ୍ୟା ଅଭିଯୁକ୍ତ ଶ୍ରମିକକୁ ଧରିବା ପାଇଁ ରେଳଷ୍ଟେସନ ଓ ବସ୍ଷ୍ଟାଣ୍ଡ ଭଳି ସ୍ଥାନରେ ଚଢ଼ଉ ଜାରି ରଖିଛି ।