BCCIକୁ ସଫେଇ କର୍ମଚାରୀଙ୍କ ଅନୁରୋଧ : କହିଲେ, ପ୍ଲାଷ୍ଟିକ ବଦଳରେ ପରିବେଶ ଅନୁକୂଳ ଆୱାର୍ଡ ଦିଅ । ଜାଣନ୍ତୁ ଏହି ଫଟୋ ପଛର କାହାଣୀ
ଟି-୨୦ରେ ବି ଭାରତ ୱେଷ୍ଟ ଇଣ୍ଡିଜ ଠାରୁ ସିରିଜ୍ ଜିତିଛନ୍ତି । କିନ୍ତୁ ଏହି ଫଟୋ ଲୋକଙ୍କୁ ଆଶ୍ଚର୍ଯ୍ୟ କରିଦେଇଛି ।
ଯଦି ଆପଣ କ୍ରିକେଟ୍ କିମ୍ବା ଅନ୍ୟ କୌଣସି ଖେଳ ଦେଖନ୍ତି । ତେବେ ଜଣାଥିବ ଯେ, ଭଲ ଖେଳୁଥିବା ଖେଳାଳୀଙ୍କୁ ମ୍ୟାନ ଅଫ୍ ଦି ମ୍ୟାଚ୍ ଆୱାର୍ଡ ଦିଆଯାଏ । ତାଙ୍କୁ ଏକ ବଡ ଚେକ୍ ଦିଆଯାଏ । ଯାହା ସହିତ ସେମାନେ ଫଟୋ କ୍ଳିକ୍ କରନ୍ତି । ଆମକୁ ଏହା ବି ଜଣା ଅଛି ଯେ, ଖେଳାଳୀ ସେହି ବଡ ଚେକ୍ ଧରି ବ୍ୟାଙ୍କକୁ ଟଙ୍କା ଉଠାଇବାକୁ ଯାଆନ୍ତିନି । ତାହା ଏକ ଚେକ୍ ର ରେପ୍ଲିକା ହୋଇଥାଏ । ତେବେ ଶେଷକୁ ସେହି ବଡ ଚେକ୍ କୁଆଡେ ଯାଏ ? ବୋଧହୁଏ ଅଳିଆ ଗଦାକୁ… କେରଳର ତିରୁବନ୍ତପୁରମର ଏନଜିଓ ପ୍ରକୃଥି ଯେଉଁ ଫଟୋ ପୋଷ୍ଟ କରିଛନ୍ତି, ତାହାକୁ ଦେଖି ଏହା ହିଁ ଲାଗେ ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ମୁତାବକ, ଯେଉଁ ବ୍ୟକ୍ତି ଏହି ଚେକ୍ କୁ ହାତରେ ଧରିଛନ୍ତି, ସେ ତିରୁବନ୍ତପୁରମ୍ କର୍ପୋରେସନର ସାନିଟାରୀ ୱାର୍କର ଜୟନ । ମ୍ୟାଚ୍ ପରେ ଯେବେ ସେ ସଫେଇ କରିବା ପାଇଁ ଷ୍ଟାଡିୟମ ପହଂଚିଲେ, ତେବେ ତାଙ୍କୁ ଅଳିଆରେ ଏହି ଆୱାର୍ଡ ମିଳିଲା । ଏହି ପ୍ଲାଷ୍ଟିକ୍ ଚେକ୍ ଖେଳାଳୀଙ୍କୁ ଦିଆଯାଇଥାଏ ଓ ବ୍ରାଡିଙ୍ଗ ପାଇଁ ଏହା ସହିତ ଫଟୋ ବି କ୍ଲିକ୍ କରାଯାଏ । ଯାହାପରେ ଏହାର ଏମିତି ଅବସ୍ଥା ହୋଇଥାଏ । ଭାରତ ଓ ୱେଷ୍ଟ ଇଣ୍ଡିଜ୍ ମଧ୍ୟରେ ୩ ଟେଷ୍ଟ ଓ ୫ ୱାନ ଡେ ମ୍ୟାଚ୍ ର ସିରିଜ୍ ଖେଳାଯାଇଥିଲ । । ଟି-୨୦ରେ ବି ଭାରତ ୱେଷ୍ଟ ଇଣ୍ଡିଜ ଠାରୁ ସିରିଜ୍ ଜିତିଛନ୍ତି । କିନ୍ତୁ ଏହି ଫଟୋ ଲୋକଙ୍କୁ ଆଶ୍ଚର୍ଯ୍ୟ କରିଦେଇଛି । ଏହି ଏନଜିଓ ବିସିସିଆଇକୁ ଅନୁରୋଧ କରିଛି କି ପ୍ଲାଷ୍ଟିକ ଚେକ୍ ବଦଳରେ ପରିବେଶ ଅନୁକୂଳ ଆୱାର୍ଡ ଦିଆଯାଉ ।