ଇଣ୍ଡିଗୋ ବିମାନରେ ଦିବ୍ୟାଙ୍ଗଙ୍କୁ ମିଳିଲାନି ଅନୁମତି । ଏଭଳି ଆଚରଣ ଗ୍ରହଣୀୟ ନୁହେଁ କହି ଟ୍ୱିଟ କଲେ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ । ପଢନ୍ତୁ ପୂରା ଘଟଣା…
କନକ ବ୍ୟୁରୋ: ଇଣ୍ଡିଗୋ ବିମାନରେ ଜଣେ ଦିବ୍ୟାଙ୍ଗକୁ ପ୍ରବେଶ ଅନୁମତି ମିଳିନାହିଁ । ଏହାର ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି । ଇଣ୍ଡିଗୋ କର୍ମଚାରୀଙ୍କ ଏଭଳି ଚରମ ଅବହେଳାକୁ ନେଇ ସବୁଠି ପ୍ରତିକ୍ରିୟା ପ୍ରକାଶ ପାଇଛି । ତେବେ ଘଟଣାକୁ ନେଇ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ପ୍ରତିକ୍ରିୟା ରଖିଛନ୍ତି । ସେ ଟୁଇଟ କରି ଲେଖିଛନ୍ତି ଏଭଳି ଆଚରଣ ଗ୍ରହଣୀୟ ନୁହେଁ । କୌଣସି ବ୍ୟକ୍ତିଙ୍କୁ ଏଭଳି ପରିସ୍ଥିତି ଦେଇ ନଯିବା ଦରକାର । ନିଜେ ସେ ଏହି ମାମଲାର ଯାଞ୍ଚ କରିବେ ବୋଲି ସ୍ପଷ୍ଟ କରିଛନ୍ତି । ତଦନ୍ତ ପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
Kanak News is now on WhatsApp
Join and get latest news updates delivered to you via WhatsApp
There is zero tolerance towards such behaviour. No human being should have to go through this! Investigating the matter by myself, post which appropriate action will be taken. https://t.co/GJkeQcQ9iW
— Jyotiraditya M. Scindia (@JM_Scindia) May 9, 2022
ଡିଜିସିଏ ଏ ମାମଲାର ଯାଞ୍ଚ ଆରମ୍ଭ କରିଛି । ଇଣ୍ଡିଗୋ କର୍ତ୍ତୃପକ୍ଷକୁ ଏନେଇ ଏକ ରିପୋର୍ଟ ମଗାଯାଇଛି । ଅଧିକାରୀଙ୍କ କହିବା କଥା ଯେ ଯେହେତୁ ଦିବ୍ୟାଙ୍ଗଙ୍କୁ ବିମାନରେ ପ୍ରବେଶ ପାଇଁ ଅନୁମତି ମିଳିଲା ନାହିଁ ତେଣୁ ତାଙ୍କ ପରିବାର ସଦସ୍ୟ ମଧ୍ୟ ବିମାନରେ ଯାତ୍ରା କରିନଥିଲେ । ବିମାନଟି ରାଞ୍ଚିରୁ ହାଇଦ୍ରାବାଦ ଅଭିମୁଖେ ଉଡାଣ କରୁଥିଲା ।
ଡିଜିସିଏର ଅଧିକାରୀ ଅରୁଣ କୁମାର ପିଟିଆଇକୁ ସୂଚନା ଦେଇ କହିଛନ୍ତି । ଏ ଘଟଣାର ଯାଞ୍ଚ ଜାରି ରହିଛି । ଦୋଷୀ ବିରୋଧରେ କଡା ପଦକ୍ଷେପ ଗ୍ରହଣ କରାଯିବ । ତେବେ ଗତ ୭ ତାରିଖରେ ଜଣେ ଦିବ୍ୟାଙ୍ଗ ନିଜ ପରିବାର ସହ ଯାତ୍ରା କରୁଥିଲେ । ତେବେ ସେ ଟିକେ ବିମାନରେ ଚଢିବା ପୂର୍ବରୁ ବ୍ୟସ୍ତ ବିବ୍ରତ ନଜର ଆସୁଥିଲେ । ତେବେ ସେଠାରେ ଥିବା କର୍ମଚାରୀ ଶେଷ ଯାଏ ତାଙ୍କୁ ଶାନ୍ତ କରିବାକୁ ଚେଷ୍ଟା କରିଥିଲେ । ତେବେ କୌଣସି ସଫଳତା ନମିଳିବାରୁ ତାଙ୍କୁ ଏୟାରଲାଇନ ପକ୍ଷରୁ ହୋଟେଲରେ ରଖାଯାଇଥିଲା । ପରଦିନ ସକାଳୁ ସେ ନିଜର ଗନ୍ତବ୍ୟସ୍ଥଳକୁ ଯାଇଥିଲେ ।
ଇଣ୍ଡିଗୋ ପକ୍ଷରୁ କୁହାଯାଇଛି, ଯାତ୍ରୀଙ୍କୁ ହୋଇଥିବା ଅସୁବିଧା ପାଇଁ ସେମାନେ ଦୁଃଖିତ । ଇଣ୍ଡିଗୋ କର୍ମଚାରୀଙ୍କ ଠାରୁ ନେଇ ଗ୍ରାହକ ଯାଏ ସମସ୍ତଙ୍କ ପାଇଁ କାମ କରୁଛି । ୭୫ ହଜାରରୁ ଅଧିକ ଦିବ୍ୟାଙ୍ଗ ପ୍ରତିମାସରେ ଇଣ୍ଡିଗୋରେ ଉଡାଣ କରୁଛନ୍ତି ।