ଦକ୍ଷିଣ ଆଫ୍ରିକାରେ ନୂଆ ଭାରିଆଣ୍ଟ ଚିହ୍ନଟ ପରେ ବଢ଼ିଲା ଭୟ : ବାତିଲ ହେଲା ଜୁନିୟର ମହିଳା ହକି ବିଶ୍ୱକପ
କନକ ବ୍ୟୁରୋ : ଦକ୍ଷିଣ ଆଫ୍ରିକାରେ ନୂଆ ଭାରିଆଣ୍ଟ ଚିହ୍ନଟ ହେବା ପରେ ବାତିଲ ହେଲା ୨୦୨୧ ଜୁନିୟର ମହିଳା ହକି ବିଶ୍ୱକପ । ଦକ୍ଷିଣ ଆଫ୍ରିକାରେ ଆସନ୍ତା ଡିସେମ୍ବର ୫ ତାରିଖରେ ଏହି ବିଶ୍ୱକପ୍ ଆୟୋଜନ ହୋଇଥାନ୍ତା । ତେବେ କୋଭିଡର ନୂଆ ପ୍ରଜାତି ଠାବ ହେବା ପରେ ଜୁନିୟର ମହିଳା ହକି ବିଶ୍ୱକପକୁ ବାତିଲ କରିବା ପାଇଁ ନିଷ୍ପତ୍ତି ନେଇଛି ଏଫ୍ଆଇଏଚ୍ ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ଏଫ୍ଆଇଏଚ୍ ଇଭେଂଟରେ ସ୍ୱାସ୍ଥ୍ୟଗତ ସୁରକ୍ଷାକୁ ପ୍ରାଥମିକତା ଦେଇ ଏହି ନିଷ୍ପତ୍ତି ନିଆଯାଇଛି । କିଛି ଦେଶ କରୋନାର ନୂଆ ପ୍ରଜାତି ଚିହ୍ନଟ ହେବାପରେ ଦକ୍ଷଣ ଆଫ୍ରିକାକୁ ବିମାନସେବା ବନ୍ଦ କରିଦେଇଛନ୍ତି । ତେଣୁ ଏହି ଇଭେଂଟକୁ ଏପରି ପରିସ୍ଥିତିରେ ବଜାୟ ରଖିବା ସମ୍ଭବ ନୁହେଁ ବୋଲି କହିଛି ଅନ୍ତର୍ଜାତୀୟ ହକି ସଂଘ । ତେବେ ଆଫ୍ରିକା ମାଟିରେ ଏହା ଥିଲା ପ୍ରଥମ ଜୁନିୟର ହକି ବିଶ୍ୱକପ ।