ଉତ୍ତରପ୍ରଦେଶ ମହିଳାଙ୍କୁ ଯୋଗୀଙ୍କ ରାକ୍ଷୀପୂର୍ଣ୍ଣିମା ଭେଟି । ୪୮ ଘଣ୍ଟା ପର୍ଯ୍ୟନ୍ତ ମାଗଣାରେ ବସରେ ଯାତ୍ରା କରିବେ ମହିଳା ।
କନକ ବ୍ୟୁରୋ : ରାକ୍ଷୀପୂର୍ଣ୍ଣିମା ଉପଲକ୍ଷେ ଉତ୍ତରପ୍ରଦେଶ ମହିଳାଙ୍କୁ ଯୋଗୀ ସରକାରଙ୍କ ବଡ ଭେଟି । ରାକ୍ଷୀପୂର୍ଣ୍ଣିମାରେ ଉତ୍ତରପ୍ରଦେଶ ମହିଳାଙ୍କ ପାଇଁ ସରକାରୀ ବସରେ ମାଗଣା ଯାତ୍ରା ପାଇଁ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ଅଥାର୍ତ ରାକ୍ଷୀ ପୂର୍ଣ୍ଣିମା ଦିନ ଉତ୍ତରପ୍ରଦେଶରେ ମହିଳା ମାନେ ବିନା ଟିକେଟରେ ଉତ୍ତରପ୍ରଦେଶ ରାଜ୍ୟ ସଡକ ପରିବହନ ନିଗମ ଅଧିନରେ ଆସୁଥିବା ସମସ୍ତ ବସରେ ଯାତାୟତ କରିପାରିବେ ଓ ନିଜ ପ୍ରିୟଜନଙ୍କୁ ରାକ୍ଷୀ ବାନ୍ଧିପାରିବେ । ଏହି ସୁବିଧା ମହିଳାଙ୍କୁ ୪୮ ଘଣ୍ଟା ପର୍ଯ୍ୟନ୍ତ ମିଳିବ । ଆଜାଦୀ କି ଅମୃତ ମହୋତ୍ସବକୁ ଦୃଷ୍ଟିରେ ରଖି ଏହି ମାଗଣା ବସ୍ ସେବା ୪୮ ଘଣ୍ଟା ପର୍ଯ୍ୟନ୍ତ ଉପଲବ୍ଧ ରହିବ ।
Kanak News is now on WhatsApp
Join and get latest news updates delivered to you via WhatsApp
ଯୋଗୀ ସରକାରଙ୍କ ପକ୍ଷରୁ ମିଳିଥିବା ସୂଚନା ଅନୁଯାୟୀ, ରାକ୍ଷୀପୂର୍ଣ୍ଣିମା ଅବସରରେ ଅଗଷ୍ଟ ୧୦ ରାତି ୧୨ଟାରୁ ଅଗଷ୍ଟ ୧୨ ରାତି ୧୨ ପର୍ଯ୍ୟନ୍ତ ମହିଳାଙ୍କ ପାଇଁ ମାଗଣା ବସ୍ ସେବା ଉପଲବ୍ଧ ରହିବ । ସେହିଭଳି ବିଭିନ୍ନ ଉତ୍ସବ ପାଇଁ ଉତ୍ତରପ୍ରଦେଶରୁ ଦୂର ସ୍ଥାନକୁ ବସ୍ ଚଳାଚଳ କରିବ । ବିଭିନ୍ନ ରୁଟରେ ବସ୍ ସଂଖ୍ୟା ବଢାଯିବା ସହ ଯାତ୍ରୀଙ୍କ ଆରାମଦାୟକ ଯାତ୍ରା ପାଇଁ ସରକାରଙ୍କ ପକ୍ଷରୁ ଏଭଳି ବ୍ୟବସ୍ଥା କରାଯାଇଛି । ଯାହାଦ୍ୱାରା ଯାତ୍ରୀଙ୍କୁ ବସ୍ ପାଇଁ ଆଉ ଘଣ୍ଟା ଘଣ୍ଟା ଧରି ଅପେକ୍ଷା କରି ରହିବାକୁ ପଡିବନି । ଏପରିକି ଦୂର ରୁଟରେ ପ୍ରତି ୩୦ ମିନିଟରେ ଗୋଟିଏ ବସ୍ ଚଳାଚଳ ପାଇଁ ନିଷ୍ପତ୍ତି ନିଆଯାଇଛି ।