ଗଣତନ୍ତ୍ରର ମହାପର୍ବରେ ଆଗରେ ମହିଳା । ମତାଧିକାର ସାବ୍ୟସ୍ତ କରିବାରେ ପୁରୁଷଙ୍କୁ ପଛରେ ପକାଇଲେ ମହିଳା ଭୋଟର ।
କନକ ବ୍ୟୁରୋ: ମତଦାନରେ ବି ମହିଳା ଆଗରେ । ଗତକାଲି ଓଡ଼ିଶାରେ ହୋଇଥିବା ପ୍ରଥମ ପର୍ଯ୍ୟାୟ ନିର୍ବାଚନରେ ରେକର୍ଡ ସଂଖ୍ୟକ ମହିଳା ଭୋଟର ମତଦାନ ସବ୍ୟାସ୍ତ କରିଛନ୍ତି । ଏନେଇ ସୂଚନା ଦେଇଛନ୍ତି ଖୋଦ୍ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର । ସିଇଓଙ୍କ ସୂଚନା ମୁତାବକ, ଓଡ଼ିଶାରେ ପ୍ରଥମ ପର୍ଯ୍ୟାୟରେ ୭୩.୭୬ ପ୍ରତିଶତ ମତଦାନ ହୋଇଛି । ସେଥିମଧ୍ୟରେ ୭୩.୦୯ ପ୍ରତିଶତ ପୁରୁଷ ମତଦାତା ସେମାନଙ୍କ ମତାଧିକାର ସାବ୍ୟସ୍ତ କରିଥିବାବେଳେ ୭୪.୪୩ ପ୍ରତିଶତ ମହିଳା ଭୋଟର ନିଜର ମତଦାନ ସବ୍ୟସ୍ତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ରାଜ୍ୟରେ ପ୍ରଥମ ଚରଣରେ ମୋଟ୍ ୭୩.୭୬ ପ୍ରତିଶତ ମତ ସଂଗ୍ରହ ହୋଇଛି ବୋଲି କହିଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ । ୪ଟି ଲୋକସଭା ଓ ୨୮ଟି ବିଧାନସଭା ଆସନରେ ଗତକାଲି ଭୋଟ ଗ୍ରହଣ ହୋଇଛି । ଗଣତନ୍ତ୍ରର ଏହି ଭୋଟିଂ ପ୍ରକ୍ରିୟାରେ ଓଡ଼ିଶାର ମହିଳା ଭୋଟର ମାନେ ମତଦାନ ସାବ୍ୟସ୍ତରେ ଆଗରେ ରହିଛନ୍ତି । ସେହଭିଳି କଳାହାଣ୍ଡିରେ ୭୫.୮୨ ପ୍ରତିଶତ ଭୋଟ ଇଭିଏମରେ ସିଲ ହୋଇଛି । ନବରଙ୍ଗପୁରରେ ୭୮.୮୯%, ବ୍ରହ୍ମପୁରରେ ୬୫.୫୭% ଓ କୋରାପୁଟରେ ୭୪. ୭୭% ମତଦାନ ହୋଇଛି । କୋରାପୁଟ କୋଟପାଡରେ ସର୍ବାଧିକ ୮୬.୮୩ ପ୍ରତିଶତ ଭୋଟିଂ ହୋଇଥିବାବେଳେ ବ୍ର୍ହ୍ମପୁର ବିଧାନସଭା କ୍ଷେତ୍ରରେ ସବୁଠୁ କମ୍ ୫୬.୩୪ ପ୍ରତିଶତ ମତଦାନ ହୋଇଛି ବୋଲି ସିଇଓ କହିଛନ୍ତି ।