କନକ ବ୍ୟୁରୋ : କଥାରେ ଅଛି ଇଛା ଥିଲେ ଉପାୟ ଆପେ ଆପେ ଆସେ.. ଏଇ ଯେମିତି କଟକ ଆଠଗଡ଼ ବ୍ଲକ କଟକିଆ ସାହିର ମହିଳା ମାନେ । ରୋଜଗାର ପାଇଁ ଇଛାକଲେ ଆଉ କିଛି କରିବାକୁ ବାଟ ପାଇଗଲେ । ବିଶେଷକରି ଚାକିରି କରି ରୋଜଗାର କରିବାକୁ ପ୍ରାୟ ସମସ୍ତେ ଆଶା କରିଥାଆନ୍ତି । କେଉଁଠି କିଛି ନମିଳିବା ପରେ ସେମାନେ ଉପାୟ ଶୂନ୍ୟ ହୋଇ ଘରେ ବସିରହି ଅନ୍ୟମାନଙ୍କ ଉପରେ ନିର୍ଭର କରନ୍ତି । କିନ୍ତୁ ଏସବୁକୁ ଭୁଲ ପ୍ରମାଣିତ କରିଛନ୍ତି ଏହି ମହିଳା ମାନେ । କଟକ ମାଲଗୋଦାମରୁ କଂଚାମାଲ ଆଣି ଏହାକୁ ପ୍ୟାକେଟିଂ କରି ଜିଲ୍ଲାର ବିଭିନ୍ନ ସ୍ଥାନକୁ ପଠାଉଛନ୍ତି । ଏଥିରୁ କିଛି ରୋଜଗାର କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବ୍ୟବସାୟ ଆରମ୍ଭ କରିବା ପାଇଁ ୧୦ ଜଣ ମହିଳା ଏକାଠି ହୋଇ ୫୦ ହଜାର ଟଙ୍କା ପୁଂଜିନିବେଶ କରିଥିଲେ । ଦୁଇ ମାସ ଭିତରେ ଏହି ବ୍ୟବସାୟ ମହିଳାଙ୍କୁ ଲାଭ ଦେଇଛି । ବେସନ, ମଇଦା, ବୁଟଡ଼ାଲି, ସୁଜି, ଶୁଖିଲାଲଙ୍କା ଭଳି କଂଚାମଲ ଆଣି ୧ କିଲୋ ଓ ଅଧକିଲୋ ପ୍ୟାକେଟିଂ କରି ଏହାକୁ ଦୋକାନ ମାନଙ୍କରେ ବିକ୍ରି କରୁଛନ୍ତି ।
ମାସକୁ ମାତ୍ର ୧୦ ଦିନ ପ୍ରଡ଼କ୍ଟ ସପ୍ଲାଇ କରନ୍ତି । ଅନ୍ୟଦିନ ମାନଙ୍କରେ ମାତ୍ର ଦୁଇ ଘଂଟା କାମ କରି ଏବେ ମାସକୁ ୭ରୁ ୮ ହଜାର ଟଙ୍କା ଲାଭ ପାଉଥିବା ସେମାନେ କହିଛନ୍ତି । ଆଗାମି ଦିନରେ ବ୍ୟବସାୟ ଆହୁରି ଆଗକୁ ବଢାଇବା ପାଇଁ ମହିଳା ମାନେ ଆଶା ରଖିଛନ୍ତି ।