କନକ ବ୍ୟୁରୋ : ଗାଁ ମହିଳାଙ୍କୁ ବଡ଼ି ଦେଉଛି ରୋଜଗାର । ପୁରୀ ଜିଲ୍ଲା ପିପିଲି ବ୍ଲକ ରଇତିପାଟଣା ଗାଁର ୫୦ରୁ ଉଦ୍ଧ୍ୱର୍ ମହିଳା ଏହି କାମ କରି କିଛି ରୋଜଗାର କରୁଛନ୍ତି । ନିଜସ୍ୱ ଉଦ୍ୟମରେ ରୋଜଗାର କରି ଅନ୍ୟ ମହିଳା ମାନଙ୍କ ପାଇଁ ପ୍ରେରଣା ପାଲଟିଛନ୍ତି । ମହିଳା ମାନେ ଚାଷୀଙ୍କ ଠାରୁ ବିରି କିଣି ନିଜେ ଫାଳ କରି ମେସିନ୍ରେ ଗ୍ରାଇଂଡ଼ିଙ୍ଗ କରି ବଡ଼ି ପ୍ରସ୍ତୁତ କରୁଛନ୍ତି । ଟିଣରେ ବଡ଼ି ପାରି ଏହାକୁ ଖରାରେ ଶୁଖାଉଛନ୍ତି । ବଡ଼ି ଶୁଖିଗଲା ପରେ ଏହାକୁ ପଲିଥିନ୍ରେ ପ୍ୟାକିଂ କରି ବଜାରରେ ବିକ୍ରି କରୁଛନ୍ତି ମହିଳା ।
Kanak News is now on WhatsApp
Join and get latest news updates delivered to you via WhatsApp
ସ୍ୱାମୀଙ୍କ ଉପରେ ନିର୍ଭର ନକରି ନିଜେ ନିଜ ଖର୍ଚ୍ଚ ତୁଲାଇବା ସହ ପରିବାରକୁ ଆର୍ଥିକ ସାହାଯ୍ୟ କରୁଛନ୍ତି ଏହି ମହିଳା ମାନେ । ସକାଳୁ ଦିନ ୧୦ଟା ପର୍ଯ୍ୟନ୍ତ ଏହି କାମ କରି ପୁଣି ଘର କାମ କରୁଛନ୍ତି ମହିଳା । ସବୁଠାରୁ ବଡ଼ କଥା ହେଉଛି ବିନା କିଛି ସରକାରୀ ସହାୟତାରେ ମହିଳା ମାନେ ଏହି କାମ କରୁଛନ୍ତି । ବଡ଼ି କିଲୋ ପିଛା ୧୦୦ରୁ ୩୦୦ ଟଙ୍କା ପର୍ଯ୍ୟନ୍ତ ବିକ୍ରି କରୁଛନ୍ତି ।
ଭୁବନେଶ୍ୱର, ପୁରୀ, ଖୋର୍ଦ୍ଧା, ଜଟଣୀ, ବ୍ରହ୍ମପୁର ଭଳି ସହରକୁ ବିକ୍ରି ପାଇଁ ପଠାଉଛନ୍ତି । ବଜାରରେ ମଧ୍ୟ ମହିଳାଙ୍କର ଏହି ହାତ ତିଆରି ବଡ଼ିର ବେଶ ଚାହିଦା ରହିଛି । ତେଣୁ ଏହି ବ୍ୟବସାୟ କରି ଲାଭବାନ ହେଉଛନ୍ତି ମହିଳା ।