ସୁପ୍ରିମକୋର୍ଟଙ୍କ ବଡ ରାୟ ! ପତ୍ନୀକୁ ବେଶ୍ୟା କହୁଥିବା ସ୍ୱାମୀକୁ ଯଦି ପତ୍ନୀ ହତ୍ୟା କରେ ତେବେ ଏହାକୁ ହତ୍ୟା ମନାଯିବ ନାହିଁ ।

973

ସୁପ୍ରିମକୋର୍ଟ ତରଫରୁ ସ୍ୱାମୀ ଦ୍ୱାରା ସ୍ତ୍ରୀ ଏବଂ ଝିଅକୁ ବେଶ୍ୟା କହିବା ମାମଲାରେ ବଡ ରାୟ ଶୁଣାଇଛନ୍ତି । କୋର୍ଟ ତରଫରୁ କୁହାଯାଇଛି କି ସ୍ୱାମୀ ନିଜ ସ୍ତ୍ରୀ ଏବଂ ଝିଅକୁ ବେଶ୍ୟା ସମ୍ବୋଧନ କଲା ସେଥିପାଇଁ ରାଗରେ ସ୍ତ୍ରୀ ସ୍ୱାମୀର ହତ୍ୟା କରିଦେଲା ଏହାକୁ ହତ୍ୟା ମନାଯିବ ନାହିଁ । ଏହା କେବଳ ବିନା ଯୋଜନାରେ କରାଯାଇଥିବା ହତ୍ୟା ଅଟେ । କୋର୍ଟ ତରଫରୁ କୁହାଯାଇଥିଲା ଯେ ସ୍ୱାମୀ ସ୍ତ୍ରୀ , ଝିଅକୁ ବେଶ୍ୟା କହିଥିବାରୁ ସ୍ତ୍ରୀ ନିଜ ଉପରୁ କଣ୍ଟ୍ରୋଲ୍ ହରାଇ ସ୍ୱାମୀ ଉପରେ ଆକ୍ରମଣ କରିଥିଲେ । ଆପଣଙ୍କୁ କହିରଖୁଛୁ କି ତାମିଲନାଡୁର ଜଣେ ମହିଳାଙ୍କ ସହ ପଡୋଶୀ ଘରର ଜଣେ ବ୍ୟକ୍ତିଙ୍କ ସହ ପ୍ରେମସଂବନ୍ଧ ଥିବା ସନ୍ଦେହ କରି ସ୍ୱାମୀ ଉକ୍ତ ମହିଳା ଏବଂ ତାଙ୍କ ବଡ ଝିଅକୁ ବେଶ୍ୟା ସମ୍ବୋଧନ କରିଥିଲେ । ଏହାକୁ ନେଇ ଘରେ ବିବାଦ ଉପୁଜିଥିଲା । ଉକ୍ତ ସମୟରେ ପଡୋଶୀ ଘରୁ ଲୋକ ଆସି ବ୍ୟକ୍ତିଜଣଙ୍କୁ ଏଭଳି ଅପଶବ୍ଦ କହିବାରୁ ରୋକିଥିଲେ ମଧ୍ୟ ସେ ରହିନଥିଲେ ।

ଏହାପରେ ସ୍ୱାମୀଙ୍କ ଅଭଦ୍ରତାରେ ଅତିଷ୍ଟ ହୋଇ ପତ୍ନୀ ତାଙ୍କ ଉପରକୁ ଆକ୍ରମଣ କରି ତାଙ୍କ ଗଳା ଚିପି ହତ୍ୟା କରିଥିଲେ । ଏହାପରେ କିଛି ବିଚାର ନପାଇ ଏକ ଭଙ୍ଗା କାରରେ ଶବକୁ ଲୁଚାଇ ଦିଆଯାଇଥିଲା । ୪୦ ଦିନ ପରେ ଗଳିତ ଶବ କାରରୁ ପୋଲିସ୍ ଜବତ କରିଥିଲା ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.