ମୃତ୍ୟୁର ୪୫ ମିିନିଟ୍ ପରେ ପୁଣି ଜୀବନ ପାଇଲେ ମହିଳା । ପଢନ୍ତୁ, କେଉଁଠି ଘଟିଲା ଏପରି ଚମତ୍କାର…

1,549

କନକ ବ୍ୟୁରୋ: ରଖେ ହରି ତ ମାରେ କିଏ? ନିତିଦିନିଆ ଜୀବନରେ ଆପଣ ଏହି କଥାଟି ନିଶ୍ଚୟ ଶୁଣିଥିବେ । ଯାହାର ଅର୍ଥ ହେଉଛି, ଇଶ୍ୱର ଚାହିଁଲେ ସବୁ ସମ୍ଭବ । ତାଙ୍କର ଆଶୀର୍ବାଦ ଥିଲେ ସବୁ କିଛି ସମ୍ଭବ ହୁଏ । ହେଲେ ଜଣେ ବ୍ୟକ୍ତି ମୃତ୍ୟୁ ପରେ ପୁଣି ଥରେ ଜୀବନ ପାଇଥିବା ଖବର ଶୁଣିଲେ ଆପଣ ନିଶ୍ଚୟ ଆଶ୍ଚର୍ଯ୍ୟ ହେବେ । ହେଲେ ଏପରି ଏକ ଘଟଣା ଦେଖିବାକୁ ମିଳିଛି ଆମେରିକାରେ ।

ଆମେରିକାର ମେରିଲ୍ୟାଣ୍ଡ ଅଞ୍ଚଳରେ ରହୁଥିବା କ୍ୟାଥି ପିଟନ ନାମକ ଜଣେ ମହିଳାଙ୍କ ଝିଅର ମୃତ୍ୟୁ ହେବାର ୪୫ ମିନିଟ୍ ପରେ ପୁଣି ଜୀବନ ଫେରି ପାଇଛନ୍ତି । ତେବେ ତାଙ୍କର ହୃଦଘାତରେ ମୃତ୍ୟୁ ହୋଇଥିଲେ ମଧ୍ୟ ପୁଣିଥରେ ସେ ନିଜର ଜୀବନ ଫେରିପାଇଛନ୍ତି ।

ପୂରା ଘଟଣା ହେଉଛି, କ୍ୟାଥି ପିଟନ ଗଲଫ୍ ଖେଳୁଥିଲେ । ଏହି ସମୟରେ ତାଙ୍କ ଝିଅ ଗର୍ଭବତୀ ଥିବାରୁ ତାଙ୍କର ହଠାତ୍ ଯନ୍ତ୍ରଣା ଆରମ୍ଭ ହୋଇଥିଲା । ଏହି ସମୟରେ ସେ ତାଙ୍କ ଝିଅଙ୍କୁ ନେଇ ହସ୍ପିଟାଲ ଯାଇଥିଲେ । ହେଲେ ସେଠାରେ ହୃଦଘାତ କାରଣରୁ ତାଙ୍କର ମୃତ୍ୟୁ ଘଟିଥିଲା । ତାଙ୍କ ହାର୍ଟ ଚେକ୍ ଅପ୍ କରିବା ପରେ ଡାକ୍ତର ତାଙ୍କୁ ମୃତ ବୋଲି କହିଥିଲେ । ଏହାର ପ୍ରାୟ ୪୫ ମିନିଟ୍ ପରେ କିନ୍ତୁ ହଠାତ୍ କ୍ୟାଥିଙ୍କ ଝିଅର ହୃଦ ସ୍ପନ୍ଦନ ଆରମ୍ଭ ହୋଇଥିଲା । ଏବଂ ସେ ଜୀବିତ ଥିବା ନେଇ ଡାକ୍ତର ତାଙ୍କ ମାଙ୍କୁ ସୂଚନା ଦେଇଥିଲେ । ଏହାପରେ ଚମତ୍କାର ଘଟିବା ସହିତ ୪୫ ମିନିଟ୍ ପରେ କ୍ୟାଥିଙ୍କ ଝିଅ ପୁନଃ ଜୀବିତ ହେବା ସହିତ ଏକ ପୁତ୍ର ସନ୍ତାନଙ୍କୁ ଜନ୍ମ ଦେଇଥିଲେ ।