ନୟାଗଡର ଯୁବତୀଙ୍କୁ ରାଜଧାନୀରେ ଅସଦାଚରଣ ଅଭିଯୋଗ: କାରରେ ଟେକିନେବା ପରେ ରାସ୍ତା କଡରେ ଫୋପାଡି ଚାଲିଗଲେ ଦୁର୍ବୃତ୍ତ; ଥାନାରେ ବୟାନ ରେକର୍ଡ ପରେ କୋର୍ଟରେ କରାଯିବ ହାଜର
ଅଭିଯୁକ୍ତଙ୍କୁ ଅଟକ ରଖି ପଚରାଉଚରା
କନକ ବ୍ୟୁରୋ: ଖୋର୍ଦ୍ଧା ଯୁବତୀଙ୍କୁ ଅସଦାଚରଣ ଘଟଣାରେ ପୀଡିତାଙ୍କ ବୟାନ ରେକର୍ଡ କରିବ ପୁଲିସ । ଡାକ୍ତର ମାଇନା ପରେ ତାଙ୍କୁ ଖଣ୍ଡଗିରି ଥାନାକୁ ଅଣାଯାଇ ବୟାନ ରେକର୍ଡ କରାଯିବ । ଏହା ପରେ କୋର୍ଟରେ ହାଜର କରାଯିବ । ସେପଟେ ଏହି ମାମଲାରେ ଅଭିଯୁକ୍ତଙ୍କୁ ଅଟକ ରଖି କମିଶନରେଟ୍ ପୋଲିସ ଜେରା କରୁଛି । ଏନେଇ ଟୁଇଟ୍ କରିଛନ୍ତି ଭୁବନେଶ୍ୱର ଡିସିପି । ନିଜ ଆଡୁ ମାମାଲା ରୁଜୁ କରି କମିଶନରେଟ୍ ପୋଲିସ ଘଟଣାର ଛାନଭିନ୍ କରୁଛି । ଘଟଣାରେ ବ୍ୟବହାର ହୋଇଥିବା ଓଲା କାରକୁ ପୋଲିସ ସିଜ୍ କରିସାରିଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଖୋର୍ଦ୍ଧାର ଅଂଚଳର ଜଣେ ଯୁବତୀ ଭୁବନେଶ୍ୱରକୁ କୌଣସି କାମରେ ଆସି ଫେରିବା ସମୟରେ ଦୁର୍ବୃତ୍ତ ତାଙ୍କୁ ଉଠାଇ ନେଇ କାରରେ ଦୁଷ୍କର୍ମ କରିବା ପରେ ମୁମୁର୍ଷୁ ଅବସ୍ଥାରେ ରାସ୍ତା କଡରେ ଫୋପାଡି ଚାଲିଯାଇଥିଲେ । ଖଣ୍ଡଗିରି ନିକଟରେ ଘଟିଥିଲା ଏହି ଘଟଣା । ଯୁବତୀଙ୍କୁ ସ୍ଥାନୀୟ ଲୋକେ ଉଦ୍ଧାର କରି ପୋଲିସ ଓ ଅଗ୍ନିଶମ ବିଭାଗକୁ ଖବର ଦେଇଥିଲେ । ବର୍ତମାନ ଗୁରୁତର ଯୁବତୀଙ୍କର ଖୋର୍ଦ୍ଧା ମୁଖ୍ୟ ଡାକ୍ତରଖାନାରେ ଚିକିତ୍ସା ଚାଲିଛି । ପୋଲିସ ଯୁବତୀଙ୍କ ବୟାନ ରେକର୍ଡ କରିବା ପରେ ତଦନ୍ତ କରୁଛି ।