ଆପଣମାନେ ସମସ୍ତେ ଜାଣିଥିବେ ଯେ ବାପା ମାଆ ନିଜର ସମ୍ପତ୍ତି ନିଜ ସନ୍ତାନ ମାନଙ୍କ ନାଁରେ କରିଥାନ୍ତି । କିନ୍ତୁ ଭାରତରେ ଜଣେ ମହିଳା ନିଜର ସମସ୍ତ ସମ୍ପତ୍ତି ଗୋଟିଏ ମାଙ୍ଗଡ ନାଁରେ କରିଥିବାର ଚାଞ୍ଚଲ୍ୟ ଘଟଣା ସାମ୍ନାକୁ ଆସିଛି । ପଶୁମାନଙ୍କୁ ଆପଣ ଭଲ ପାଆନ୍ତି କିନ୍ତୁ ଏମିତି ଏକ ମହିଳାଙ୍କ ବିଷୟରେ ଖବର ଆସିଛି ଯେ ତାଙ୍କର ସମସ୍ତ ସମ୍ପତ୍ତି ଏକ ମାଙ୍କଡ ନାଁରେ କରିଦେଇଛନ୍ତି । ଆପଣ ବଲିଉଡ ଫିଲ୍ମ ଏଣ୍ଟରଟେନମେଣ୍ଟ ଦେଖିଥିବେ ଯେ ସେଥିରେ କିଭଳି ଜଣେ ମାଲିକ ୩ହଜାର କୋଟି ତାର ବିଶ୍ୱସ୍ତ କୁକୁର ନାଁରେ କରିଦେଉଛନ୍ତି । ହେଲେ ରିୟଲ ଲାଇଫରେ ମଧ୍ୟ ଘଟିଛି ଏଭଳି ଏକ ଘଟଣା ।
Kanak News is now on WhatsApp
Join and get latest news updates delivered to you via WhatsApp
ଉତ୍ତର ପ୍ରଦେଶ ରାୟବରେଲୀ ନିବାସୀ କବୟିତ୍ରୀ ସବିସ୍ତା ନାମକ ମହିଳାଙ୍କୁ ୧୩ ବର୍ଷ ପୂର୍ବେ ଏକ ମାଙ୍କଡ ମିଳିଥିଲା । ଏବଂ ସେ ତା’ର ନାଁ ଚୁନ-ମୁନ ରଖି ତାକୁ ଲାଳନ ପାଳନ କରିବାକୁ ଲାଗିଲେ । କାରଣ ସବିସ୍ତାଙ୍କର କୌଣସି ସନ୍ତାନ ନଥିଲେ ଯେଉଁଥି ପାଇଁ ସେ ତାକୁ ନିଜ ସନ୍ତାନ ପରି ସ୍ନେହ ଆଦର କରିଥିଲେ । ସବିସ୍ତାଙ୍କ କହିବା କଥା ଚୁନ-ମୁନ ତାଙ୍କ ଜୀବନରେ ଆସିବା ପରଠାରୁ ତାଙ୍କ ପରିବାରର ସମସ୍ତ ସଙ୍କଟ ଦୂର ହୋଇଗଲା । କାରଣ ସବିସ୍ତାଙ୍କ ସ୍ୱାମୀ ବ୍ରିଜେଶଙ୍କ ବିଜନେସରେ ମାନ୍ଦାବସ୍ଥା ଦେଖାଦେଲା । ଆଉ ବିଭିନ୍ନ ଲୋକଙ୍କ ଠାରୁ ଧାର କରଜରେ ମଧ୍ୟ ଅନେକ ସମସ୍ୟା ଦେଖାଦେଲା । କିନ୍ତୁ ହଠାତ ଏହି ମାଙ୍କଡ ଚୁନ-ମୁନ ଆସିବା ପରେ ଆର୍ଥିକ ସମସ୍ୟାରେ ଉନ୍ନତି ଘଟି ବିଜନେସରେ ଲାଭ ହିଁ ଲାଭ ହୋଇଛି । ତେଣୁ ସବିସ୍ତା ସନ୍ତାନହୀନ ବୋଲି କେବେ ବି ଦୁଃଖ ପ୍ରକାଶ କରି ନାହାଁନ୍ତି । ତେଣୁ ସେ ତାଙ୍କର ସନ୍ତାନ ଭଳି ଏହି ମାଙ୍କଡ ନାଁରେ ଏକ ସଂସ୍ଥା ଖୋଲି ନିଜର ସମସ୍ତ ସମ୍ପତ୍ତି କରିଦେଇଛନ୍ତି ।
ଗତବର୍ଷ ଚୁନ-ମୁନର ମୃତ୍ୟୁ ହୋଇଗଲା ପରେ ପୁରାପୁରି ଭାଙ୍ଗି ପଡିଛନ୍ତି ସବିସ୍ତା । ତା’ର ଆର୍ବିଭାବକୁ ମନେପକାଇବା ପାଇଁ ସବିସ୍ତା ଘରେ ଏକ ମନ୍ଦିର କରିଛନ୍ତି । ଯେଉଁ ମନ୍ଦିରରେ ପ୍ରଭୁ ଶ୍ରୀରାମ, ଲକ୍ଷ୍ମଣ, ସୀତାଙ୍କ ପ୍ରତିମୂର୍ତ୍ତି ସ୍ଥାପନ କରି ପୂଜାର୍ଚ୍ଚନା କରୁଛନ୍ତି ସବିସ୍ତା । ସବୁଠାରୁ ରୋଚକ କଥା ହେଲା ସବିସ୍ତା ଜଣେ ମୁସଲମାନ ମହିଳା କିନ୍ତୁ ସେ ତାଙ୍କ ଘରେ ରାମ ମନ୍ଦିର ପ୍ରତିଷ୍ଠା କରି ଭକ୍ତିର ଅନ୍ୟନ୍ୟ ଉଦାହରଣ ସୃଷ୍ଟି କରିଛନ୍ତି ।