ପ୍ରେମିକ ସହ ମିଶି ସ୍ୱାମୀକୁ ହତ୍ୟା କରି ନର୍ଦ୍ଦମାକୁ ଫିଙ୍ଗିଦେଲା ସ୍ତ୍ରୀ । ଲଇମୁରା ଥାନା ଅଞ୍ଚଳରେ ଘଟିଛି ଏଭଳି ଚାଞ୍ଚଲ୍ୟକର ଘଟଣା । ।

କନକ ବ୍ୟୁରୋ: ଦେବଗଡ଼ ଜିଲ୍ଲା ଲଇମୁରା ଥାନା ଅଞ୍ଚଳରେ ମାସେ ତଳୁ ନିଖୋଜ ଥିବା ବ୍ୟକ୍ତିଙ୍କର ହତ୍ୟା ଅଭିଯୋଗ ପରେ ଘଟଣାର ପର୍ଦ୍ଦାଫାସ କରିଛି ପୋଲିସ । ପ୍ରେମିକ ସହ ମିଶି ସ୍ୱାମୀକୁ ସ୍ତ୍ରୀ ହତ୍ୟା କରିଥିବା ପୋଲିସ କହିଛି । ଦୁଇ ଅଭିଯୁକ୍ତଙ୍କୁ ପୋଲି୍ ଗିରଫ କରିଛି ।

ନଭେମ୍ବର ୨୭ରୁ ଉମାକାନ୍ତ ବାଘ ନିଖୋଜ ଥିଲେ । ଏନେଇ ଥାନାରେ ତାଙ୍କ ପରିବାର ଓ ସମ୍ପର୍କୀୟଙ୍କ ପକ୍ଷରୁ ଅଭିଯୋଗ ହୋଇଥିଲା । ତଦନ୍ତ ବେଳେ ପୋଲିସ୍ ଜାଣିବାକୁ ପାଇଛି ଯେ, ଉମାକାନ୍ତଙ୍କ ସ୍ତ୍ରୀ ଆରତୀଙ୍କ ସହ ତାଙ୍କ ଜଣେ ସମ୍ପର୍କୀୟ ଚନ୍ଦ୍ରମଣିଙ୍କ ଘନିଷ୍ଠ ସମ୍ପର୍କ ରହିଥିଲା । ହେଲେ ଏହା ଜାଣିବା ପରେ ଉମାକାନ୍ତ ବିରୋଧ କରିବାରୁ ଉଭୟ ମିଶି ତାଙ୍କୁ ତଂଟିଚିପି ହତ୍ୟା କରିଥିଲେ । ଏହାପରେ ମୃତଦେହକୁ ପ୍ରଥମେ ଏକ ଗାତଖୋଳି ପୋତିଦେଇଥିଲେ ଓ ପରେ ଗାଁ ନିକଟରେ ଥିବା ଚକ୍ରଦର୍ହ ନାଳରେ ଫିଙ୍ଗିିଦେଇଥିଲେ । ୧୬ ତାରିଖରେ ନାଳରେ ମୃତଦେହ ଭାସୁଥିବା ଗାଁଲୋକ ପୋଲିସକୁ ସୂଚନା ଦେଇଥିଲେ ।