ରାଜଧାନୀରେ ବିଚ୍ ରାସ୍ତାରେ ମହିଳାଙ୍କୁ ବିଧା,ଗୋଇଠା । ଜମିଜମା ବିବାଦକୁ କେନ୍ଦ୍ର କରି ଆକ୍ରମଣ କଲେ କିଛି ଯୁବକ, ସିସିଟିଭିରେ କଏଦ ହେଲା ଭିଡିଓ ।
କନକ ବ୍ୟୁରୋ : ରାଜଧାନୀର ବିଚରାସ୍ତାରେ ମହିଳାଙ୍କୁ ବିଧା, ଗୋଇଠା । ଏଭଳି ଘଟଣା ଘଟିଛି ଲିଙ୍ଗରାଜ ଥାନାର ବିନ୍ଦୁସାଗର ଅଂଚଳରେ । ଜମି ବିବାଦକୁ କେନ୍ଦ୍ରକରି ମହିଳାଙ୍କୁ ମଝି ରାସ୍ତାରେ ଆକ୍ରମଣ କରିଛନ୍ତି ଯୁବକ । ଏ ନେଇ ସଂପୃକ୍ତ ମହିଳା ଲିଙ୍ଗରାଜ ଥାନାରେ ଏତଲା ଦେଇଛନ୍ତି । ଗତକାଲି ଘଟିଥିବା ଏହି ଘଟଣା ସିସିଟିଭିରେ କଏଦ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ମହିଳାଙ୍କ କହିବା ଅନୁସାରେ, ତରଙ୍ଗ କ୍ଲବ ସହ ଜମିଜମାକୁ କେନ୍ଦ୍ରକରି ତାଙ୍କ ପରିବାରର ଦୀର୍ଘଦିନ ଧରି ବିବାଦ ଲାଗିରହିଥିଲା । ଏ ନେଇ ଆଗରୁ ଗଣ୍ଡଗୋଳ ବି ହୋଇଥିଲା । ତେବେ ଗତକାଲି ସଂପୃକ୍ତ କ୍ଲବର ଯୁବକ ଆସି ମାରଧର କରିଥିବା ମହିଳା ଜଣଙ୍କ ଅଭିଯୋଗ ଆଣିଛନ୍ତି । ପ୍ରାୟ ୫୦ରୁ ଅଧିକ ଏଭଳି ଆକ୍ରମଣ କରିଛନ୍ତି । ପୋଲିସ ମଧ୍ୟ ବିଳମ୍ବରେ ଆସିଥିବା ମହିଳାଜଣକ କହିଛନ୍ତି । ସଂପୃକ୍ତ ଯୁବକମାନେ ତାଙ୍କ ସ୍ୱାମୀ ଓ ପରିବାରର ସଦସ୍ୟଙ୍କୁ ବାରମ୍ବାର ଖରାପ ବ୍ୟବହାର କରୁଛନ୍ତି । ତେଣୁ ସଂପୃକ୍ତ ଯୁବକଙ୍କୁ ଶୀଘ୍ର ଗିରଫ ସହ ଓ ସୁରକ୍ଷା ଦାବି କରି ମହିଳାଜଣଙ୍କ ଲିଙ୍ଗରାଜ ଥାନାର ଦ୍ୱାରସ୍ଥ ହୋଇଛନ୍ତି ।