ୱିପ୍ରୋର କାର୍ଯ୍ୟାନୁଷ୍ଠାନ : ୩୦୦ କର୍ମଚାରୀଙ୍କୁ ଚାକିରିରୁ କଲା ଛଟେଇ, ପଢନ୍ତୁ କାହିଁକି ?
କନକ ବ୍ୟୁରୋ : ପ୍ରସିଦ୍ଧ ଆଇଟି କମ୍ପାନୀ ମୁନଲାଇଟିଂ କରୁଥିବା ନିଜର ୩୦୦ କର୍ମଚାରୀଙ୍କୁ ଛଟେଇ କରିଦେଇଛି । ୱିପ୍ରୋରେ ଚାକିରି କରୁଥାଇ ମଧ୍ୟ ଅନ୍ୟ ସ୍ଥାନରେ ଲୁଚି ଲୁଚି ଚାକିରି କରୁଥିବା କର୍ମଚାରୀଙ୍କ ଉପରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି । ୱିପ୍ରୋ ଚେୟାରମ୍ୟାନ ରିଶଦ ପ୍ରେମଜୀ କହିଛନ୍ତି, ଗତ ଦୁଇ ତିନ ମାସ ହେଲା ୱିପ୍ରୋର କିଛି କର୍ମଚାରୀ ମୁନଲାଇଟିଂ କରୁଥିବା ଖବର ମିଳିଥିଲା । ଆଉ ଏହା ପ୍ରମାଣିତ ହେବା ପରେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ୱିପ୍ରୋରେ ନିୟମିତ ଚାକିରୀ କରିବା ସହ ଛୁଟି ସମୟରେ ପ୍ରତିଦ୍ୱନ୍ଦ୍ୱି କମ୍ପାନୀ ପାଇଁ କାମ କରୁଥିବା କର୍ମଚାରୀଙ୍କ ପାଇଁ ୱିପ୍ରୋରେ କୌଣସି ସ୍ଥାନ ନାହିଁ । ବୁଧବାର ଅଲ ଇଣ୍ଡିଆ ମ୍ୟାନଜମେଣ୍ଟ ଆସୋସିଏସନକୁ ସମ୍ବୋଧିତ କରି ପ୍ରେମଜୀ କହଛନ୍ତି, ମୁନଲାଇଟିଂ-ଚାକିରି ପ୍ରତି ନିଷ୍ଠାର ଖୋଲାଖୋଲି ଉଲ୍ଲଂଘନ । ୱିପ୍ରୋ ପକ୍ଷରୁ ମୁନଲାଇଟିଂ ବିରୋଧରେ କାର୍ଯ୍ୟାନୁଷ୍ଠାନ ପରେ କର୍ପୋରେଟ ଜଗତରେ ହଇଚଇ ଖେଳି ଯାଇଛି । ଏନେଇ ବିଭିନ୍ନ ଆଇଟି ଫାର୍ମ ନିଜ କର୍ମଚାରୀଙ୍କୁ ସତର୍କ କରାଇ ଦେଇଛନ୍ତି । ମୁନଲାଇଟିଂ ପାଇଁ ପ୍ରଥମ ଆଇଟି କମ୍ପାନୀ ଭାବେ ୱିପ୍ରୋ କର୍ମଚାରୀଙ୍କୁ ଚାକିରୀରୁ ବହିଷ୍କାର କରିଛି ।
ତେବେ ମୁନ ଲାଇଟିଂକୁ ନେଇ ଭାରତୀୟ ଆଇଟି- ଚାକିରିରେ ଭିନ୍ନ ଭିନ୍ନ ମତ ପ୍ରକାଶ ପାଇଛି । ଟାଟା କନସଲଟାନ୍ସି ସର୍ଭିସର ଚିଫ୍ ଅପରେଟିଂ ଅଫିସର ଏନଜି ସୁବ୍ରମଣ୍ୟମ କହିଛନ୍ତି, ଏହା ନୈତିକତାର ପ୍ରଶ୍ନ । ଟେକ ମହିନ୍ଦ୍ରାର ସିଇଓ ସିପି ଗୁରୁନାନି କହିଛନ୍ତି, ଏହା କର୍ମଚାରୀଙ୍କ ପାଇଁ ଅତିରିକ୍ତ ଆୟର ସ୍ରୋତ ପାଲଟିଲେ ମୁନଲାଇଟିଂକୁ ସୁଯୋଗ ମିଳିବା ଉଚିତ । ଏହାଦ୍ୱାରା କର୍ମଚାରୀ ଖୋଲାଖୋଲି ହେବେ ଧୋକ୍କା ଦେବେ ନାହିଁ ବୋଲି ସେ ଆଶା ପ୍ରକାଶ କରିଛନ୍ତି । ସେହିପରି ଇନଫୋସିସ୍ କମ୍ପାନୀ କର୍ମଚାରୀଙ୍କୁ ସତର୍କ କରାଇଦେଇ କହିଛି, କମ୍ପାନୀର ବିନା ଜାଣତରେ ମୁନଲାଇଟିଂ କଲେ କାର୍ଯ୍ୟାନୁଷ୍ଠାନ ନିଆଯିବ ।