କନକ ବ୍ୟୁରୋ : ମଦ ବିରୋଧରେ ତାତିଲେ ଲୋକେ । ରାସ୍ତାରେ ଢାଲିଲେ ବସ୍ତା ବସ୍ତା ପାଉଚ ମଦ । ଜୟପୁର ବୈପାରୀଗୁଡାର ଫାଲୁଗୁଡା ଗାଁରେ ମଦବିକ୍ରିକୁ ନେଇ ଉତେଜନା ଦେଖାଦେଇଛି । ଗ୍ରାମରେ ଦେଶୀ ମଦ ବିକ୍ରିକୁ ପୂର୍ବରୁ ବାରଣ କରିଥିଲେ ଗ୍ରାମବାସୀ । ପୁଲିସ ଓ ଅବକାରୀ ବିଭାଗକୁ ଏନେଇ ଅବଗତ କରିଥିଲେ ସୁଦ୍ଧା କୌଣସି ପଦକ୍ଷେପ ଗ୍ରହଣ କରାଯାଇନଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହି ଅଂଚଳରେ ଗତ କିଛିଦିନ ଧରି ଜଣେ ବିହାରୀ ବେପାରୀ ମଦ ବିକ୍ରି କରୁଥିବାକୁ ବିରୋଧ କରିଆସୁଛନ୍ତି ସ୍ଥାନୀୟ ଲୋକେ । ତେବେ ବାରମ୍ବାର ମନା କଲା ପରେ ବି ମଦ ବିକ୍ରି ବନ୍ଦ ନହେବାରୁ ଗତକାଲି ରାତିରେ ମଦ ବେପାରୀକୁ ନିସ୍ତୁକ ମାଡ ମାରିବା ସହ ଅଟକ ରଖିଥିଲେ ଗାଁଲୋକେ । ଏହାପରେ ବି ପୁଲିସ ଘଟଣାସ୍ଥଳରେ ପହଂଚିନଥିଲା । ମଦ ବେପାରୀ ଓ ପୁଲିସ ଭିତରେ ସଲାସୁତୁରା ହୋଇଥିବା ଗ୍ରାମବାସୀ ଅଭିଯୋଗ କରିଥିଲେ । ଆଜି ସକାଳୁ ମଦ ବ୍ୟାରେଲକୁ ନଷ୍ଟ କରିବା ସହ ରାସ୍ତାରେ ମଦ ଢାଳିଛନ୍ତି ଲୋକେ ।