କନକ ବ୍ୟୁରୋ: କେନ୍ଦୁଝର ଯୋଡା ଅଞ୍ଚଳରେ କମ୍ପାନୀର ମନମାନି ଯୋଗୁଁ ଅସ୍ତିତ୍ୱ ହରାଉଛି କେନ୍ଦୁଝର ଜିଲ୍ଲା ଯୋଡ଼ା ଅଞ୍ଚଳରେ ସୁନା ନଦୀ । ଦିନଦ୍ୱିପହରରେ ବଡ଼ ବଡ଼ ମେସିନ ଲଗାଇ ନଦୀ ଗର୍ଭକୁ ତାଡ଼ିବାରେ ଲାଗିଛି କମ୍ପାନୀ । ନଦୀ ତଳେ କମ୍ପାନୀର ସ୍ଲରି ପାଇପ ଯିବା ନେଇ ଯୋଜନା ହୋଇଛି । ଯେଉଁଥିରେ ଖଣିଜ ପଦାର୍ଥ ପରିବହନ ହେବ । ଏପଟେ ଯୋଡ଼ାବଜାର ଭିତରେ ଥିବା ଏହି ନଦୀରେ ନିର୍ମାଣ ହୋଇଥିବା ପୋଲକୁ ବନ୍ଦ କରି ଦିଆଯାଇଛି । ଫଳରେ ବର୍ଷାଦିନେ ନଦୀରେ ଅଧିକ ପାଣି ଆସିଲେ ଯୋଡ଼ା ବଜାର ପାଇଁ ବିପତି ଆଣିବ ବୋଲି ଚିନ୍ତା ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ନଦୀ ଭିତରେ ଯାଉଥିବା ସ୍ଲରି ପାଇପ ଯଦି ଭବିଷ୍ୟତରେ ଫାଟେ ତେବେ ବୈତରଣୀ ସମେତ ଅନ୍ୟ ନଦୀ ପ୍ରଦୂଷିତ ହେବା ନେଇ ଆଶଙ୍କା କରାଯାଉଛି । ନଦୀ ପାଣି ପ୍ରଦୂଷିତ ହେଲେ ନଦୀ ଉପରେ ନିର୍ଭର କରୁଥିବା ଲୋକଙ୍କ ଜୀବନ ପ୍ରତି ବିପଦ ରହିଛି । ତେଣୁ ତୁରନ୍ତ ଏହାକୁ ବନ୍ଦ କରିବା ସହ ତଡ଼ା ଯାଇ୍ଥିବା ନଦୀକୁ ପୋତିବାକୁ ସ୍ଥାନୀୟ ଲୋକେ ଦାବି କରିଛନ୍ତି ।