ବଦଳିବ କି ଆରସିବିର ମାଲିକାନା? ୭ ମ୍ୟାଚରୁ ୬ ପରାଜୟ ପରେ ଖେଳାଳି ଚୟନକୁ ନେଇ ଉଠିଲା ପ୍ରଶ୍ନ
କନକ ବ୍ୟୁରୋ: ଚଳିତ ଆଇପିଏଲରେ ୭ ମ୍ୟାଚରୁ ୬ ଟି ପରାଜୟ ପରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଳୁରର ମାଲିକାନାକୁ ନେଇ ପ୍ରଶ୍ନ ଉଠିଛି । ସୋମବାର ଚିନ୍ନାସ୍ୱାମୀ ଷ୍ଟାଡିୟମରେ ସନସାଇଜର ହାଇଦ୍ରାବାଦ ବେଙ୍ଗାଳୁର ବିପକ୍ଷରେ ୨୭୮ ରନ କରିବା ପରେ ଦଳର ବୋଲିଂକୁ ନେଇ ମଧ୍ୟ ଆପତ୍ତି ଉଠାଇଛନ୍ତି ପ୍ରଶଂସକ । ଓଭର ପିଛା ୧୪.୩୫ ହାରରେ ୨୮୭ ରନ କରିବା ସହ ଆଇପିଏଲ୍ ଇତିହାସରେ ସର୍ବାଧିକ ରନର ରେକର୍ଡ କରିଥିଲା ହାଇଦ୍ରାବାଦ ।
Kanak News is now on WhatsApp
Join and get latest news updates delivered to you via WhatsApp
ଦଳର ଟପ୍ ବୋଲର ମହମ୍ମଦ ସିରାଜଙ୍କ ଅନୁପସ୍ଥିତିରେ ବେଙ୍ଗାଳୁର ପଡିଆକୁ ଓହ୍ଲାଇଥିବା ବେଳେ କୌଣସି ବୋଲର ହାଇଦ୍ରାବାଦ ବ୍ୟାଟରଙ୍କୁ ବିଟ୍ କରିପାରିନଥିଲେ । କିନ୍ତୁ ବେଙ୍ଗାଳୁର ବ୍ୟାଟିଂରେ ଭଲ ପଦର୍ଶନ କରିବା ସହ ମାତ୍ର ୨୫ ରନରେ ମ୍ୟାଚ ହାରିଯାଇଥିଲା । ଆଉ ଏହାପରେ ଦଳର ଖେଳାଳୀ ଚୟନକୁ ନେଇ ପ୍ରଶ୍ନ ଉଠାଇଛନ୍ତି ପ୍ରଂଶସକ ଏବଂ ଟେନିସ୍ ଖେଳାଳୀ ମହେଶ ଭୂପତି । ମହେଶ ଭୂପତି କହିଛନ୍ତି, କ୍ରୀଡ଼ା, ଆଇପିଏଲ, ପ୍ରଶଂସକ ଏବଂ ଖେଳାଳିଙ୍କ ହିତ ଲାଗି ବିସିସିଆଇ ଆରସିବିର ମାଲିକାନା ପରିବର୍ତ୍ତନ କରିବାର ଆବଶ୍ୟକତା ରହିଛି । ଆର୍ସିବିକୁ ବିକ୍ରି କରି ତା’ର ମାଲିକାନା ନୂଆ ମାଲିକଙ୍କ ଦିଆଯାଉ, ଯିଏ ଅନ୍ୟ ଫ୍ରାଞ୍ଚାଇଜ୍ ଭଳି ଭଲ ଟିମ୍ ଗଠନ କରିପାରିବେ ।
- ଖେଳାଳି ଚୟନକୁ ନେଇ ଉଠିଲା ପ୍ରଶ୍ନ
- ଏଥର ପ୍ଲେ-ଅଫ୍ରୁ ବାଦ୍ ପଡିବ ଆରସିବି!
ଭଲ ବ୍ୟାଟିଂ ଲାଇନ ଅପ୍ ଥିବା ଆରସିବି ଏଥର ଖରାପ ବୋଲିଂ ଯୋଗୁ ମ୍ୟାଚ ହାରିଥିବାର ନଜିର ରହିଛି । ସୋମବାର ମ୍ୟାଚ ହାରିବା ପରେ ବେଙ୍ଗାଳୁର ଅଧିନାୟକ ଫାଫ୍ ଡୁପ୍ଲେସିସ୍ ମଧ୍ୟ ଖରାପ ବୋଲିଂକୁ ଦାୟୀ କରିଛନ୍ତି । ଏହାରି ଭିତରେ ଦଳରେ ଖେଳାଳୀ ଚୟନକୁ ନେଇ ପ୍ରଶ୍ନ ଉଠାଇଛନ୍ତି ପ୍ରଶଂସକ । ଗତ ଡିସେମ୍ବରରେ ହୋଇଥିବା ଆଇପିଏଲ ନିଲାମୀରେ ଠିକ୍ ଭାବେ ଖେଳାଳୀ ଚୟନ କରାଯାଇନଥିବା କୁହାଯାଉଛି ।
ଆଇପିଏଲର ୧୦ ଟିମ୍ ମଧ୍ୟରୁ ବେଙ୍ଗାଳୁରର ବୋଲିଂ ସବୁଠୁ ଦୁର୍ବଳ ଥିବା କୁହାଯାଉଛି । ସେପଟେ ଟୁର୍ଣ୍ଣମେଣ୍ଟର ବିରାଟ କୋହଲି ସର୍ବାଧିକ ରନ କରିଥିଲେ ମଧ୍ୟ ଦଳ ପ୍ଲେ-ଅଫ୍ ଆଶା ମଉଳି ଯାଇଛି । ଆରସିବି ୭ଟିରୁ ୬ ଟି ମ୍ୟାଚ ହାରିଥିବା ବେଳେ ବାକି ୭ଟି ମ୍ୟାଚରୁ ୪ଟି ମ୍ୟାଚ୍ ଚାମ୍ପିୟନ ଟିମଙ୍କ ସହ ଅଛି । ଯଦି ବେଙ୍ଗାଳୁର ବାକି ୭ ମ୍ୟାଚରୁ ୭ ଟି ବିଜୟୀ ହୁଏ, ତେବେ ପ୍ଲେ-ଅଫକୁ ଯିବାର ସୁଯୋଗ ରହିଛି । ଆଇପିଏଲର ୧୬ ଟି ସିଜିନରେ ବେଙ୍ଗାଳୁର ସବୁ ସିଜିନରେ ଖେଳିଥିଲେ ମଧ୍ୟ ଦଳ ଚାମ୍ପିୟନ ହୋଇପାରିନାହିଁ । ଏଥର ମଧ୍ୟ ଦଳର ପ୍ଲେ-ଅଫର ଆଶା କମଥିବାରୁ ଆରସିବି ଏବଂ ବିରାଟ କୋହଲିଙ୍କ ପ୍ରଶଂସକଙ୍କୁ ପୁଣି ଥରେ ନିରାଶ ହେବାକୁ ପଡିପାରେ ।