ସମ୍ପର୍କର ନିଆରା ଉଦାହରଣ ପାଲଟିଲେ ମିନତି ପଟ୍ଟନାୟକ । ରିକ୍ସା ଚାଳକଙ୍କ ନାଁରେ ଲେଖିଦେଲେ ସବୁ ସମ୍ପତ୍ତି
କନକ ବ୍ୟୁରୋ : ସମ୍ପତି ପାଇଁ ବାପ ପୁଅ ଓ ଭାଇ ଭାଇ ମଧ୍ୟରେ ଝଗଡା ଲାଗୁଛିି । ହେଲେ ରକ୍ତ ସଂପର୍କ ନହୋଇ ମଧ୍ୟ ଜଣେ ରିକ୍ସାଚାଳକଙ୍କୁ ନିଜର ସବୁ ସମ୍ପତ୍ତିର ଉତରାଧିକାରୀ କରିଦେଇଛନ୍ତି ଜଣେ ବୃଦ୍ଧା । ଏମିତି ଏକ ନିଆରା ପଦକ୍ଷେପ ନେଇଛନ୍ତି କଟକ ସହରର ସୂତାହାଟ ଅଂଚଳର ମିନତି ପଟ୍ଟନାୟକ । ମିନତିଙ୍କ ସ୍ୱାମୀ କୃଷ୍ଣକୁମାର ପଟ୍ଟନାୟକଙ୍କର ୨୦୨୦ରେ ଦେହାନ୍ତ ହୋଇଯାଇଥିଲା । ସ୍ୱାମୀ ଯିବାର ୬ମାସ ପରେ ଝିଅ କୋମଲଙ୍କର ବି ହୃଦଘାତରେ ମୃତ୍ୟୁ ହୋଇଗଲା । ୬ମାସ ଭିତରେ ଆଗ ପଛ ହୋଇ ସ୍ୱାମୀ ଓ ଝିଅ ଚାଲିଗଲେ ।
Kanak News is now on WhatsApp
Join and get latest news updates delivered to you via WhatsApp
ନିଜର ସବୁଠୁ କଠିନ ସମୟରେ ଯିଏ ପାଖରେ ଠିଆ ହୋଇଥିଲା ସିଏ ଥିଲେ ରିକ୍ସା ଚାଳକ ବୁଢା ସାମଲ । ସେହି ରିକ୍ସା ଚାଳକଙ୍କ ପରିବାରର ହାତକୁ ଟେକି ଦେଲେ କଟକ ସହର ଉପରେ ଠିଆ ହୋଇଥିବା ତିନି ମହଲା ଘର, ସମସ୍ତ ଜିନିଷପତ୍ର ସହ କୋଟିଏ ଟଙ୍କାର ସମ୍ପତ୍ତି । ଏବଂ ମୃତ୍ୟୁ ପର୍ଯ୍ୟନ୍ତ ରିକା ଚାଳକଙ୍କ ପରିବାର ମେଳରେ ଦିନ କାଟିବାକୁ ସ୍ଥିର କରିନେଇଛିନ୍ତି ମିନତି । ଓକିଲଙ୍କ ଉପସ୍ଥିତିରେ ସମସ୍ତ କାଗଜ ପତ୍ରକୁ ସେ ରିକ୍ସାଚାଳକ ବୁଢା ସାମଲଙ୍କୁ ହସ୍ତାନ୍ତର କରିଛନ୍ତି । ସ୍ନେହ ଶ୍ରଦ୍ଧା ଆଗରେ ସମ୍ପତି ତୁଛ ବୋଲି ପ୍ରମାଣ କରିଦେଇଛନ୍ତି ମିନତି ।