ଦିଲ୍ଲୀ ମଦ ଦୁର୍ନୀତି ମାମଲାରେ ଆଜି ଆସିପାରେ ସୁପ୍ରିମ୍‌ ରାୟ । ଇଡିର ଗିରଫଦାରିକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛନ୍ତି ମୁଖ୍ୟମନ୍ତ୍ରୀ କେଜ୍ରିୱାଲ 

କନକ ବ୍ୟୁରୋ : ଆଜି ସୁପ୍ରିମକୋର୍ଟ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଜାମିନର ଶୁଣାଣି କରିବେ । ଇଡିର ଗିରଫଦାରୀକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟର ଦ୍ବାରସ୍ଥ ହୋଇଛନ୍ତି କେଜ୍ରିୱାଲ । ଅବକାରୀ ଦୁର୍ନୀତି ମାମଲାରେ ନିକଟରେ ଇଡି ଚାର୍ଜସିଟ୍ ଦାଖଲ କରିଛି । ଯେଉଁଥିରେ କେଜ୍ରିଓ୍ୱାଲଙ୍କ ସଂପୃକ୍ତି ନେଇ ହ୍ବାଟସଆପ ଚାଟ୍ ସମେତ ଅନ୍ୟାନ୍ୟ ପ୍ରମାଣ ଦାଖଲ କରିଛି ।

ସେହିପରି ୧୦୦ କୋଟି ଟଙ୍କାର ଲାଞ୍ଚ ନେଇଥିବା ଇଡି ପକ୍ଷରୁ କୋର୍ଟକୁ କୁହାଯାଇଛି । ପୂର୍ବରୁ ଏହି ମାମଲାରେ ସୁପ୍ରିମକୋର୍ଟର ଦୁଇ ଜଣିଆ ଖଣ୍ଡପୀଠ ମେ ୧୭ରେ ଶୁଣାଣି କରି ରାୟ ସଂରକ୍ଷିତ ରଖିଥିଲେ । ଏହି ମାମଲାରେ ମନୀଷ ସିସୋଦିଆ ମଧ୍ୟ ଗିରଫ ହୋଇଛନ୍ତି । ବଡକଥା ହେଉଛି ଜାମିନ ମିଳିଲେ ବି କେଜ୍ରିୱାଲ ଜେଲରୁ ମୁକୁଳିବା ମୁସକିଲ୍ । କାରଣ ତାଙ୍କୁ ଏହି ମାମଲାରେ ନିକଟରେ ସିବିଆଇ ମଧ୍ୟ ଗିରଫ କରିଛି । ଏହି ବହୁ ଚର୍ଚ୍ଚିତ ମାମଲାରେ ଦୁଇ କେନ୍ଦ୍ରୀୟ ତଦନ୍ତକାରୀ ସଂସ୍ଥା ସିବିଆଇ ଏବଂ ଇଡି ତଦନ୍ତ କରୁଛି ।