କେନ୍ଦ୍ର ଗୃହମନ୍ତ୍ରୀଙ୍କ ବଡ ଦାବି । କହିଲେ,୨୦୨୪ ନିର୍ବାଚନ ପୂର୍ବରୁ ଦେଶରେ ଲାଗୁ ହେବାକୁ ଯାଉଛି ନାଗରିକ ସଂଶୋଧନ ଅଧିନିୟମ
କନକ ବ୍ୟୁରୋ : କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଶନିବାର ଦିନ ଦାବି କରିଛନ୍ତି କି, ଆଗାମୀ ଲୋକସଭା ନିର୍ବାଚନରେ ବିଜେପି ଏକାକୀ ୩୭୦ ଆସନରେ ବିଜୟୀ ହେବ । ଏହାସହ ଏନଡିଏକୁ ମୋଟ ୪୦୦ ରୁ ଅଧିକ ଆସନ ମିଳିବ । ତୃତୀୟ ଥର ପାଇଁ ଦେଶରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ସରକାର ଗଠନ ହେବ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ନାଗରିକ ସଂଶୋଧନ ଅଧିନିୟମ ବା ସିଏଏକୁ ନେଇ ଅମିତ୍ ଶାହା କହିଛନ୍ତି କି, ଏହି ଆଇନ ୨୦୧୯ ରୁ ପ୍ରସ୍ତୁତ ହୋଇ ରହିଛି ଓ ୨୦୨୪ ଲୋକସଭା ନିର୍ବାଚନ ପୂର୍ବରୁ ଏହା ଦେଶରେ ଲାଗୁ ହେବାକୁ ଯାଉଛି । ଏହାସହ ସିଏଏକୁ ନେଇ ବିରୋଧୀଦଳ ଦେଶର ମୁସଲିମ୍ ସଂପ୍ରଦାୟକୁ ଭୂଲ ତଥ୍ୟ ଦେଉଛନ୍ତି ବୋଲି ସେ ଅଭିଯୋଗ କରିଛନ୍ତି । ସିଏଏ ମାଧ୍ୟମରେ ସରକାର ସେହି ଲୋକମାନଙ୍କୁ ନାଗରିକତା ଦେବାକୁ ଚାହୁଁଛନ୍ତି ଯେଉଁମାନେ ପାକିସ୍ତାନ, ଆଫଗାନିସ୍ତାନ ଓ ବାଂଲାଦେଶରୁ ଉତ୍ପୀଡନ ସହିବା ପରେ ଭାରତର ଶରଣ ନେଇଛନ୍ତି । ଏହା କୌଣସି ଭାରତୀୟଙ୍କ ନାଗରିକତା ଛଡାଇ ନେବନାହିଁ ବୋଲି ଗୃହମନ୍ତ୍ରୀ କହିଛନ୍ତି ।
ଅନ୍ୟପଟେ ରାହୁଲ ଗାନ୍ଧୀଙ୍କ ଭାରତ ଯୋଡ ଯାତ୍ରାକୁ ନେଇ ମଧ୍ୟ ଗୃହମନ୍ତ୍ରୀ ମତ ରଖିଛନ୍ତି । ସେ କହିଛନ୍ତି କି, ଯେଉଁ ନେହେରୁ ଓ ଗାନ୍ଧୀ ପରିବାର ପାଇଁ ୧୯୪୭ ମସିହାରେ ଦେଶ ବିଭାଜନ ହୋଇଗଲା ସେହି ପରିବାରର କାହାରି ଭାରତ ଯୋଡ ଯାତ୍ରା କରିବାର ଅଧିକାର ନାହିଁ ।