ଟି-୨୦ ବିଶ୍ୱକପରେ ଆଫଗାନିସ୍ତାନକୁ ବ୍ୟାନ୍ କରିପାରେ ଆଇସିସି? ସାମ୍ନାକୁ ଆସିଲା ବଡ କାରଣ?
କନକ ବ୍ୟୁରୋ : ଆସନ୍ତା ଅକ୍ଟୋବରରେ ୨୦୨୧ ଟି-୨୦ ବିଶ୍ୱକପ ଖେଳାଯିବ । ତେବେ ବିଶ୍ୱକପ ପୂର୍ବରୁ ଏକ ଖରାପ ଖବର ସାମ୍ନାକୁ ଆସିଛି । ଟି-୨୦ ବିଶ୍ୱକପ ଖେଳିନପାରେ ଆଫଗାନିସ୍ତାନ । ଏହି ମେଗା ଇଭେଣ୍ଟରେ ଆଫଗାନିସ୍ତାନ ଉପରେ ବ୍ୟାନ୍ ଲଗାଇପାରେ ଆଇସିସି । ଆଉ ଏହା ପଛର ସବୁଠୁ ବଡ କାରଣ ହେଉଛି ତାଲିବାନ । କୁହାଯାଉଛି, ଟି-୨୦ ବିଶ୍ୱକପରେ ଆଫଗାନିସ୍ତାନ ତାଲିବାନ ପତାକାରେ ଖେଳିବାକୁ ଚାହୁଁଛି । ଯଦି ଆଫଗାନିସ୍ତାନ କ୍ରିକେଟ ଟିମ୍ ତାଲିବାନ ପତାକାକୁ ନେଇ ବିଶ୍ୱକପ ଖେଳନ୍ତି ତେବେ ଆଇସିସି ଏହି ଟିମ ଉପରେ ବ୍ୟାନ୍ ଲଗାଇପାରେ । ଏହାପୂର୍ବରୁ ଆଫଗାନିସ୍ତାନ କ୍ରିକେଟ ବୋର୍ଡ ଅଧ୍ୟକ୍ଷଙ୍କୁ ହଟାଇଛି ତାଲିବାନ । ଆଉ ଏହି ଘଟଣା ଆଫଗାନିସ୍ତାନ କ୍ରିକେଟ ଟିମ ତାଲିବାନ ପତାକା ସହ ଟୁର୍ଣ୍ଣାମେଣ୍ଟରେ ସାମିଲ ହୋଇପାରନ୍ତି ବୋଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଆଫଗାନିସ୍ତାନ ତାଲିବାନ ପତାକାରେ ଖେଳିବାକୁ ଚାହେଁ ତେବେ ଆଇସିସି ଏହି ଟିମକୁ ବିଶ୍ୱକପରେ ଭାଗ ନେବାରୁ ରୋକିପାରେ ଏବଂ ଟିମକୁ ନିଲମ୍ବିତ କରିପାରେ । ଖୁବଶୀଘ୍ର ପ୍ରତି ଟିମ୍ ନିଜ ପତାକା ଆଇସିସି ପାଖରେ ଜମା କରିବେ । ତେଣୁ ଆଫଗାନିସ୍ତାନର ଏଭଳି ସ୍ଥିତିକୁ ଦୃଷ୍ଟିରେ ରଖି ଆଇସିସି ଖୁବଶୀଘ୍ର ଏକ ଜରୁରୀକାଳୀନ ବୈଠକ ଡାକିପାରେ । ଏପରିକି ଏହି ବୈଠକରେ ଆଫଗାନିସ୍ତାନ ଟିମକୁ ନିଲମ୍ବିତ କରିବାକୁ ଆଇସିସି ଭୋଟିଂ କରିପାରେ । କିନ୍ତୁ ଏବେଯାଏଁ ଆଇସିସିର ଭରସା ଅଛି ଯେ, ଆଫଗାନିସ୍ତାନର ପତାକା ସହ ଟିମ୍ ମୈଦାନକୁ ଓହ୍ଲାଇବ ।
ୟୁଏଇରେ ଆସନ୍ତା ଅକ୍ଟୋବରରେ ଟି-୨୦ ବିଶ୍ୱକପ ଆରମ୍ଭ ହେବ । ଭାରତ ଯେଉଁ ଗ୍ରୁପରେ ରହିଛି ଆଫଗାନିସ୍ତାନ ମଧ୍ୟ ସେହି ଗ୍ରୁପରେ ରହିଛି । ଏହି ଗ୍ରୁପରେ ପାକିସ୍ତାନ ଓ ନ୍ୟୁଜିଲାଣ୍ଡ ମଧ୍ୟ ରହିଛି । ଏହାପୂର୍ବରୁ ଆଫଗାନିସ୍ତାନର ତାଲିବାନ ସରକାର ଆଇପିଏଲ ପ୍ରସାରଣ ଉପରେ ପ୍ରତିବନ୍ଧକ ଲଗାଇଛି । ଚିୟର ଲିଡର୍ସଙ୍କ ନାଚ ଗୀତ କାରଣରୁ ଏହି ପ୍ରତିବନ୍ଧକ ଲଗାଇଥିବା କହିଛି ତାଲିବାନ ।