ଗାଡି ବିକ୍ରି କରିବା ପରେ କଣ ହେବ ଆପଣଙ୍କ ଫାଷ୍ଟ ଟ୍ୟାଗ ଆକାଉଣ୍ଟ ? ଜାଣନ୍ତୁ ସବୁକିଛି ……..
କନକ ବ୍ୟୁରୋ : ସାରା ଦେଶରେ ଟୋଲ ପ୍ଲାଜା ନିକଟରେ ଲାଗୁଥିବା ଲମ୍ବା ଲାଇନରୁ ଗାଡି ଚାଳକଙ୍କୁ ମୁକ୍ତି ଦେବାକୁ ସରକାର ଫାଷ୍ଟ ଟ୍ୟାଗ ବ୍ୟବସ୍ଥା ବାଧ୍ୟତାମୂଳକ କରିଛନ୍ତି । ଯଦି କୌଣସି ବ୍ୟକ୍ତି ନୂଆ ଗାଡି କିଣୁଛି ତେବେ ବି ତାଙ୍କୁ ଫାଷ୍ଟ ଟ୍ୟାଗ ନେବାକୁ ହେଉଛି । ଏବେ ଦେଶରେ ପାର୍ବଣ ଋତୁ ଚାଲିଥିବାରୁ କିଛି ଲୋକ ସେମାନଙ୍କ ପୁରୁଣା ଗାଡିକୁ ବିକ୍ରି କରି ନୂଆ ଗାଡି କିଣୁଛନ୍ତି । ଏଭଳି ସ୍ଥଳେ ଗାଡି ବିକ୍ରି କରୁଥିବା ଲୋକଙ୍କ ମନରେ ଏକ ପ୍ରଶ୍ନ ଉଠିବା ସ୍ୱଭାବିକ ଯେ ତାଙ୍କ ଗାଡି ସହିତ ଜଡିତ ଥିବା ଫାଷ୍ଟ ଟ୍ୟାଗ ଆକାଉଣ୍ଟର କଣ ହେବ । ଗାଡି ବିକ୍ରି କରିବା ପରେ ଆପଣଙ୍କ ଆକାଉଣ୍ଟ ଗାଡି ସହିତ ଲିଙ୍କ ରହିଯିବନି ତ ? ଆସନ୍ତୁ ଜାଣିବା ଏହାର ଉତ୍ତର ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଆପଣ ଆପଣଙ୍କ ଗାଡି ସହିତ ଯେଉଁ ବ୍ୟାଙ୍କର ଆକାଉଣ୍ଟ ଲିଙ୍କ କରିଛନ୍ତି ତାହାକୁ ବନ୍ଦ କରନ୍ତୁ । ଅର୍ଥାତ ଆପଣ ଗାଡି ବିକ୍ରି କରିବା ପରେ ମାଲିକାନା ସତ୍ୱ ବଦଳର ଏକ କପି ନେଇ ଆପଣ ବ୍ୟାଙ୍କରେ ଡିପୋଜିଟ କରନ୍ତୁ । ଏବଂ ଫାଷ୍ଟ ଟ୍ୟାଗ ସହିତ ଆପଣଙ୍କ ଆକାଉଣ୍ଟ ଲିଙ୍କକୁ ବନ୍ଦ କରିବାକୁ ବ୍ୟାଙ୍କକୁ ଏକ ଆବେଦନ ପତ୍ର ଲେଖନ୍ତୁ । ନ୍ୟାସନାଲ ପେମେଣ୍ଟସ୍ କର୍ପୋରେସନ ଅଫ୍ ଇଣ୍ଡିଆ (ଏନପିସିଆଇ) ର ୱେବ୍ ସାଇଟରେ ଏନେଇ ସମସ୍ତ ତଥ୍ୟ ଉପଲବ୍ଧ ଅଛି ।
ଯଦି ଆପଣ ଏବେ ଆପଣଙ୍କ କାର ବା ଅନ୍ୟ ଚାରି ଚକିଆ ଯାନ ବିକ୍ରି କରିଛନ୍ତି ତେବେ ଆପଣ ଆପଣଙ୍କ ଫାଷ୍ଟଟ୍ୟାଗ ଡିଆକ୍ଟିଭ କରିବା ଜରୁରୀ । ଏଭଳି ନକଲେ ଆପଣ ବିକ୍ରି କରିଦେଇଥିବା ଗାଡି ଯେଉଁ ଟୋଲପ୍ଲାଜା ଦେଇ ଯିବ ଏହାର ଦେୟ ଆପଣଙ୍କ ଆକାଉଣ୍ଟରୁ କଟିବ । ଏହାସହ ଆପଣ ଯଦି ଫାଷ୍ଟଟ୍ୟାଗ ଆକାଉଣ୍ଟକୁ ଡି ଆକ୍ଟିଭ ନକରୁଛନ୍ତି ତେବେ ଆପଣଙ୍କ ଠାରୁ ଗାଡି କିଣିଥିବା ଲୋକ ବି ଫାଷ୍ଟଟ୍ୟାଗ ଆକାଉଣ୍ଟ ଖୋଲିପାରିବେ ନାହିଁ ।