ଫ୍ଲୋର ଟେଷ୍ଟରେ ଫେଲ୍ ମାରିବେନି ତ ଫଡନବୀଶ ? ସକାଳେ ଶପଥଗ୍ରହଣ ଉତ୍ସବରେ ସାମିଲ ଥିବା ବିଧାୟକ ସନ୍ଧ୍ୟାରେ ପୁଣିଥରେ ଫେରିଲେ ଏନସିପି ଶିବିରକୁ ।
କନକ ବ୍ୟୁରୋ : ଦେବେନ୍ଦ୍ର ଫଡ଼ନବୀଶ ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ ଏବେ ବିଜେପି ସାମ୍ନାରେ ବଡ଼ ଚ୍ୟାଲେଂଜ ହେଉଛି ବହୁମତ ସାବ୍ୟସ୍ତ କରିବା । ଆସନ୍ତା ୩୦ ତାରିଖ ଭିତରେ ବିଧାନସଭାରେ ବହୁମତର ପ୍ରମାଣ ଦେବେ ଦେବେନ୍ଦ୍ର ଫଡ଼ନବିସ୍ । ଆଉ ଏପଟେ ଉଭୟ ଉଦ୍ଧବ ଠାକରେ ଏବଂ ଶରଦ ପାୱାର ଦାବି କରିଛନ୍ତି ଯେ, ସେମାନେ ଏବେବି ଏକାଠି ଅଛନ୍ତି । ବହୁମତର ପରୀକ୍ଷାରେ ବିଜେପି ଫେଲ୍ ମାରିବ ବୋଲି କହିଛନ୍ତି ଶିବସେନା ଓ ବିଜେପି ।
Kanak News is now on WhatsApp
Join and get latest news updates delivered to you via WhatsApp
ଏନସିପିର ୫୪ ବିଧାୟକ ଏବଂ ୧୪ ନିର୍ଦ୍ଦଳୀୟ ବିଧାୟକଙ୍କ ସମର୍ଥନ ଥିବା ଦେଖାଇ ଶପଥ ସିନା ନେଇ ଗଲେ ବିଜେପି ନେତା ଦେବେନ୍ଦ୍ର ଫଡନବିସ୍ । ହେଲେ ଏବେ ପ୍ରଶ୍ନ ହେଉଛି-ସତରେ କ’ଣ ବିଜେପି ପାଖରେ ରହିଛି ବହୁମତ ପାଇଁ ଆବଶ୍ୟକ ଥିବା ୧୪୫ ବିଧାୟକଙ୍କ ସମର୍ଥନ । ଏଭଳି ଚର୍ଚ୍ଚା ଚାଲିଥିବା ବେଳେ ଏନସିପି-କଂଗ୍ରେସ-ଶିବସେନା ପକ୍ଷରୁ ବିଜେପିକୁ ଜୋରଦାର ବିରୋଧ କରାଯାଇଛି । ଏପରିକି ସକାଳେ ରାଜଭବନରେ ଦେବେନ୍ଦ୍ରଙ୍କ ଶପଥଗ୍ରହଣ ଉତ୍ସବରେ ସାମିଲ ଥିବା ବିଧାୟକଙ୍କୁ ସନ୍ଧ୍ୟାରେ ଏନସିପି ଶିବିରରେ ଦେଖିବାକୁ ମିଳିଛି । ଏପରିକି ସକାଳେ ରାଜଭବନରେ ଦେବେନ୍ଦ୍ରଙ୍କ ଶପଥଗ୍ରହଣ ଉତ୍ସବରେ ସାମିଲ ଥିବା ବିଧାୟକଙ୍କୁ ସନ୍ଧ୍ୟାରେ ଏନସିପି ଶିବିରରେ ଦେଖିବାକୁ ମିଳିଛି । ଯାହା ବିଜେପିକୁ ପୁଣିଥରେ ବ୍ୟାକଫୁଟକୁ ଠେଲି ଦେଇଛି ।
ଅଜିତ ପାୱାର ନେଇଥିବା ନିଷ୍ପତିକୁ ତାହା ତାଙ୍କ ବ୍ୟକ୍ତିଗତ ନିଷ୍ପତି, ଦଳୀୟ ନିଷ୍ପତି ସହ ଏହାର କୌଣସି ସଂପର୍କ ନାହିଁ ବୋଲି ଶରଦ ପାୱାର କହିଛନ୍ତି । ସେହିପରି ଶିବସେନା ମୁଖ୍ୟ ବିଜେପିକୁ କଟାକ୍ଷ କରି କହିଛନ୍ତି-ବିଜେପି ଭାଙ୍ଗିବାର କାମ କରେ କିନ୍ତୁ ଶିବସେନା ଯୋଡ଼ିବାରେ ବିଶ୍ୱାସ କରେ । ଆଉ ଏସବୁ ଭିତରେ ଦେବେନ୍ଦ୍ର ଫଡନବିସ୍ ଶପଥ ନେବା ପରେ କହିଛନ୍ତି- ମୋଦି ହୈ ତୋ ମୁକ୍ନିନ୍ ହୈ ।
ନଜର ପକାନ୍ତୁ ମହାରାଷ୍ଟ୍ର ରାଜନୀତିର ସଂଖ୍ୟା ଗଣିତ ଉପରେ ।
– ବିଜେପି ୧୦୫, ଶିବସେନା ୫୬, ଏନ୍ସିପି ୫୪, କଂଗ୍ରେସ ୪୪ ଆସନ ପାଇଥିଲା । ଅବଶିଷ୍ଟ ୨୯ଟି ଆସନ ଅନ୍ୟାନ୍ୟ ଦଳ ପାଖକୁ ଯାଇଥିଲା । ଆଉ ସରକାର ଗଠନ ବା ବହୁମତ ପାଇଁ ଆବଶ୍ୟକ ସଂଖ୍ୟା ହେଉଛି ୧୪୫ ।
-ତେବେ ବିଜେପିକୁ ସରକାର ଗଠନ ପାଇଁ ଆବଶ୍ୟକ ଆହୁରି ୪୦ ବିଧାୟକଙ୍କ ସମର୍ଥନ
-ନିର୍ଦ୍ଦଳୀୟ ଏବଂ ବିଦ୍ରୋହୀ ଏନସିପି ବିଧାୟକଙ୍କୁ ମିଶାଇ ଯଦି ୪୦ ବିଧାୟକ ସମର୍ଥନ ପାଇବ ତେବେ ବିଜେପିକୁ ବହୁମତ ସବ୍ୟସ୍ତ କରିବାରେ ଅସୁବିଧା ହେବ ନାହିଁ
-ଏପଟେ ଶିବସେନା, କଂଗ୍ରେସ ଓ ଏନସିପି ମିଳିତ ଭାବରେ ସରକାର ଗଠନ କରିବାର ସମର୍ଥ । ହେଲେ ଦେଖିବାର କଥା ଏନସିପିିର କେତେ ବିଧାୟକ ପ୍ରକୃତରେ ବିଜେପି ସମର୍ଥନରେ ଭୋଟ୍ ଦେଉଛନ୍ତି ।
ଆଉ ଏସବୁ ଭିତରେ କଂଗ୍ରେସକୁ ମିଶାଇ, ଶିବସେନା ଓ ଏନସିପି ପାଖରେ ୧୭୦ ବିଧାୟଙ୍କ ସମର୍ଥନ ଥିବା ଦାବି କରୁଥିବା ବେଳେ ଏପଟେ ବିଜେପି କହୁଛି ତାଙ୍କ ପାଖରେ ରହିଛି ୧୭୨ ବିଧାୟକଙ୍କ ସମର୍ଥନ । ତେବେ କାହା ପାଖରେ କେତେ ବିଧାୟକଙ୍କ ସମର୍ଥନ ଅଛି, ତାହା ସ୍ପଷ୍ଟ ହୋଇଯିବ, ଯେତେବେଳେ ଗୃହରେ ବହୁମତର ପରୀକ୍ଷା ହେବ ।