ସରିଛି ଆଇପିଏଲର ୧୨ ତମ ସଂସ୍କରଣ, ଚତୁର୍ଥ ଥର ପାଇଁ ଚାମ୍ପିୟନ ହୋଇଛି ମୁମ୍ବାଇ ଇଣ୍ଡିଆନ୍ସ । ସସପେନ୍ସ ଭରା ମୁକାବିଲାରେ ୧ ରନରେ ବାଜି ମାରିବା ସହ ଆଇପିଏଲ ଟ୍ରଫି ହାତେଇଛି ମୁମ୍ବାଇ ଇଣ୍ଡିଆନ୍ସ । ପୁଣି ଥରେ ଫଟାଫଟ କ୍ରିକେଟର ମଜା ନେବାକୁ ଦର୍ଶକଙ୍କୁ ଗୋଟିଏ ବର୍ଷ ଅପେକ୍ଷା କରିବାକୁ ପଡିବ । ନୂଆ ନୂଆ ପ୍ଲେୟାରଙ୍କ ସହ ମୈଦାନକୁ ଓହ୍ଳାଇବେ ବିଭିନ୍ନ ଦଳ । ଆଉ ଏସବୁ ଭିତରେ ପ୍ରଶ୍ନ ଉଠୁଛି ଆଇପିଏଲର ୧୩ତମ ସିଜିନରେ କ୍ୟାପଟେନ କୁଲ ମହେନ୍ଦ୍ର ସିଂ ଧୋନିଙ୍କୁ ପୁଣିଥରେ କଣ ପଡିଆରେ ଦେଖିବାକୁ ମିଳିବ । ବିଶ୍ୱକପ ପରେ କ୍ରିକେଟରୁ ଅବସର ନେଇଯିବେ କି ଧୋନି? ଏଭଳି ପ୍ରଶ୍ନ ଦର୍ଶକଙ୍କ ମନରେ ଉଙ୍କି ମାରୁଥିବା ବେଳେ ଧୋନି ଏକ ବଡ ସଂକେତ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଇପିଏଲ ଫାଇନାଲ ମ୍ୟାଚ୍ ପରେ ସଞ୍ଜୟ ମଞ୍ଜେରକରଙ୍କ ସହ ଧୋନି ଆଲୋଚନା କରିବା ସମୟରେ ନିଜ କ୍ରିକେଟ କ୍ୟାରିୟର ସର୍ମ୍ପକରେ ସଂକେତ ଦେଇଛନ୍ତି । ଆଲୋଚନା ସମୟରେ ଧୋନି କହିଛନ୍ତି, ଉଭୟ ଟିମ ବହୁତ ଭୁଲ କରିଥିଲେ । କିନ୍ତୁ ଯେଉଁ ଟିମ ଗୋଟିଏ ଭୁଲ କମ କରିଥିଲା ସେହି ଦଳ ବିଜୟୀ ହେଲା । ତେବେ ଏହି ଚର୍ଚ୍ଚା ମଧ୍ୟରେ ଯେତେବେଳେ ଆଗାମୀ ସିଜନରେ ଧୋନୀ ଆଇପିଏଲରେ ଖେଳିବେ କି ନାହିଁ ବୋଲି ପ୍ରଶ୍ନ କରିଥିଲେ ସଞ୍ଜୟ । କିନ୍ତୁ ଧୋନି ଯେଉଁ ଉତ୍ତର ଦେଇଥିଲେ ତାହା ଦର୍ଶକଙ୍କୁ ସସପେନ୍ସ ଘେରକୁ ଠେଲି ଦେଇଥିଲା ।
ସଞ୍ଜୟ ଯିବା ପୂର୍ବରୁ ଧୋନିଙ୍କୁ କହିଥିଲେ, ବହୁତ ଭଲ ଯାତ୍ରା ଥିଲା । ଆଗାମୀ ସିଜିନରେ ପୁଣିଥରେ ଦେଖିବାକୁ ଆଶା ରହିଛି । ଆଉ ସଞ୍ଜୟଙ୍କ ଲହି କଥାର ପ୍ରତ୍ୟୁତ୍ତରରେ କହିଥିଲେ, ହଁ, ମୋର ମଧ୍ୟ ଆଶା ଅଛି । ଧୋନିଙ୍କ ଏହି ବୟାନ ଉଭୟ ଭାରତ ଓ ଚେନ୍ନାଇ ସୁପର କିଙ୍ଗସର କ୍ରିକେଟ ଫ୍ୟାନଙ୍କ ମନରେ ଖୁସିର ଲହର ଖେଳାଇଦେଇଛି । କୁହାଯାଉଛି ୩୭ ବର୍ଷୀୟ ଧୋନି ବିଶ୍ୱକପ ପରେ କ୍ରିକେଟରୁ ସନ୍ୟାସ ନେଇପାରନ୍ତି । କିନ୍ତୁ ଏହାକୁ ନେଇ ଧୋନି କୌଣସି ସଂକେତ ଦେଇନାହାନ୍ତି ।