ବିଜେଡି ସରକାର ଯିବା ପରେ ବିଭିନ୍ନ ଜନକଲ୍ୟାଣକାରୀ ଯୋଜନାକୁ ନେଇ ଲୋକଙ୍କ ମନରେ ଦ୍ୱନ୍ଦ୍ୱ । ବଳବତ୍ତର ଅଛି ବିଏସକେୱାଇ କାର୍ଡ
କନକ ବ୍ୟୁରୋ : ବିଜେଡି ସରକାରରୁ ଯିବା ପରେ ବିଭିନ୍ନ ଜନକଲ୍ୟାଣକାରୀ ଯୋଜନା ବନ୍ଦ ହୋଇଯିବା ନେଇ ଜନ ସାଧାରଣଙ୍କ ମନରେ ବଢିଛି ଦ୍ୱନ୍ଦ । ବିଏସକେୱାଇ କାର୍ଡକୁ ନେଇ ଦ୍ୱନ୍ଦ୍ୱ ଦୂର ହୋଇଥିବା ବେଳେ ଏବେ ଆହାର ଏବଂ ଲକ୍ଷ୍ମୀ ବସ ଯୋଜନା ବନ୍ଦ ହୋଇଯିବା ନେଇ ଭୋଟରମାନେ ଆଶଙ୍କା କରୁଛନ୍ତି । ନିର୍ବାଚନ ଫଳାଫଳ ଘୋଷଣା ହେବାର ଦିନକ ପରେ ବିଜେଡି ସରକାର ପକ୍ଷରୁ ଜାରି ହୋଇଥିବା ବିଭିନ୍ନ ଯୋଜନା ହଠାତ ବନ୍ଦ ହୋଇଯିବା ନେଇ ଅଭିଯୋଗ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ସହରର ଗରିବ ଲୋକଙ୍କୁ ୫ଟଙ୍କାରେ ସ୍ୱାସ୍ଥ୍ୟକର ଖାଦ୍ୟ ଯୋଗାଇଦେବା ପାଇଁ ୨୦୧୫ ଏପ୍ରିଲ ୧ରେ ଏହି ଯୋଜନା ପ୍ରଣୟନ କରିଥିଲେ ବିଜେଡି ସରକାର । ଲୋକମାନେ ମଧ୍ୟ ଏହି ଯୋଜନାକୁ ସ୍ୱାଗତ କରିଥିଲେ । କଟକ, ଭୁବନେଶ୍ୱର, ବ୍ରହ୍ମପୁର, ସମ୍ବଲପୁର ସମେତ ଅନ୍ୟ ପ୍ରମୁଖ ସହର ଗୁଡିକରେ ମଧ୍ୟ ଆହର କେନ୍ଦ୍ର ଖୋଲାଯାଇଥିଲା । ସେପଟେ ନିର୍ବାଚନର ଠିକ୍ ର୍ପୂବରୁ ବିଜେଡି ସରକାର ଆରମ୍ଭ କରିଥିଲେ ଲକ୍ଷ୍ମୀ ବସ୍ ଯୋଜନା । ଏହି ଯୋଜନାରେ ଗ୍ରାମାଂଚଳରେ ଗମନାଗମନ ସୁବିଧାକୁ ଆହୁରି ସହଜ କରିବାକୁ ଲକ୍ଷ୍ୟ ରହିଥିଲା । ତେବେ ଏହି ୨ଟି ଯୋଜନା ଏବେ ବନ୍ଦ ହୋଇଯିବା ନେଇ ଲୋକଙ୍କ ମନରେ ସନ୍ଦେହ ବଢିଛି ।