ନବରଙ୍ଗପୁରରେ ଦିନରେ ରାସ୍ତାରେ ବୁଲୁଛନ୍ତି ଭାଲୁ : ତେନ୍ତୁଳିଖୁଂଟି ବ୍ଲକର ଉଦୟପୁର ରାସ୍ତାରେ ଯା’ ଆସ ପାଇଁ ଡରୁଛନ୍ତି ଲୋକେ; ବନବିଭାଗ ଠାରୁ ସୁରକ୍ଷା ଦାବି 

72

କନକ ବ୍ୟୁରୋ : ଦିନ ଦ୍ୱିପହରରେ ରାସ୍ତା ଉପରେ ବୁଲୁଛି ଭାଲୁ । ଏଭଳି ଦୃଶ୍ୟ ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ତେନ୍ତୁଳିଖୁଂଟ ବ୍ଲକ ଅନ୍ତର୍ଗତ ଦିଗିସଲପାଠାରୁ ଉଦୟପୁର ରାସ୍ତା ମଧ୍ୟରେ । ଏହି ରାସ୍ତା ଦେଇ କାରରେ ଯାଉଥିବା ଜଣେ ବ୍ୟକ୍ତି ରାସ୍ତା ଉପରେ ଭାଲୁ ଯାଉଥିବା ଦେଖି ମୋବାଇଲରେ ଭିଡିଓ ସୁଟ କରିଥିଲେ । ସଂପୃକ୍ତ ଅଂଚଳରେ ସାଧାରଣତଃ ଖାଦ୍ୟ ଅନ୍ୱେଷଣରେ ଭାଲୁ ରାତିରେ ଗାଁ ମୁହାଁ ହୋଇଥାଏ । କିନ୍ତୁ ଦିନରେ ବୁଲିବା ପ୍ରାୟ କମ ଦେଖାଯାଏ । ତେବେ ଖାଦ୍ୟ ଅନ୍ୱେଷଣରେ ଭାଲୁ ଦିନରେ ରାସ୍ତା ପାର ହେଉଥିବା ଅନୁମାନ କରାଯାଉଛି ।