ଭାରତରେ ଗଠନ ହୋଇସାରିଛି ISISର ନୂଆ ଶାଖା । ଦାବି କଲା ଦୁର୍ଦ୍ଧଷ ଆତଙ୍କବାଦୀ ସଙ୍ଗଠନ ISIS
ଦୁର୍ଦ୍ଧଷ ତଥା ନୃଂଶସ ଆତଙ୍କବାଦୀ ସଙ୍ଗଠନ ଆଇଏସଆଇଏସ ଭାରତରେ ନିଜର ଏକ ଶାଖା ସ୍ଥାପିତ କରିବାରେ ସଫଳ ହୋଇଥିବା ଦାବି କରିଛି । ଜମ୍ମୁ-କାଶ୍ମୀରରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ପରେ ଏଭଳି ଦାବି କରିଛି ଆଇଏସଆଇଏସ । ସୁରକ୍ଷାକର୍ମୀଙ୍କ ସହ ଗୁଳିବିନିମୟ ସମୟରେ ଜଣେ ଆତଙ୍କବାଦୀ ନିପାତ ହୋଇଥିଲା । ଯାହାର ସର୍ମ୍ପକ ଆଇଏସଆଇଏସ ଗ୍ରୁପ ସହ ଥିବା ଜଣା ପଡିଛି ।
Kanak News is now on WhatsApp
Join and get latest news updates delivered to you via WhatsApp
ଆଇଏସଆଇଏସ ନିଜର ଭାରତରେ ଯେଉଁ ନୂଆ ଶାଖା ସ୍ଥାପିତ କରିଛି ତାହାର ନାଁ ରହିଛି ୱିଲାହା ଅଫ୍ ହିନ୍ଦ୍ । ଯେଉଁ ଗ୍ରୁପ ଅମିଶପୋରାରେ ଭାରତୀୟ ସୁରକ୍ଷାକର୍ମୀଙ୍କୁ ହତ୍ୟା କରିଥିବା ଦାବି କରିଛନ୍ତି । କିନ୍ତୁ ଏଭଳି ଦାବିକୁ ପୋଲିସ ପକ୍ଷରୁ ଖଣ୍ଡନ କରାଯାଇଛି । ତେବେ ଆଇଏସ ଗ୍ରୁପର ଅହମ୍ମଦ ସୋଫି ନାମକ ଆତଙ୍କବାଦୀ ଏନକାଉଣ୍ଟରରେ ନିହତ ହୋଇଥିବା ସ୍ପଷ୍ଟ ହୋଇଛି ।
ଏନକାଉଣ୍ଟରରେ ନିହତ ହୋଇଥିବା ଆତଙ୍କବାଦୀ ସୋଫି ଗତ ଏକ ଦଶନ୍ଧିଧରି ବିଭିନ୍ନ ଆତଙ୍କବାଦୀ ସଙ୍ଗଠନ ପାଇଁ କାମ କରୁଥିଲା । କିନ୍ତୁ କିଛି ଦିନ ପୂର୍ବେ ସେ ଆଇଏସରେ ସାମିଲ ହୋଇଥିଲା । ଘାଟିରେ ସୁରକ୍ଷାକର୍ମୀ, ପୋଲିସ ଓ ସେନା ଉପରକୁ ଅନେକ ଥର ସୋଫି ଗ୍ରେନେଡ ଆକ୍ରମଣ କରିଥିବା ଜଣାପଡିଛି । ସେନା ପକ୍ଷରୁ କୁହାଯାଇଛି ଯେ, କାଶ୍ମୀରରେ ସୋଫି ଏକମାତ୍ର ଆତଙ୍କବାଦୀ ଥିଲା ଯିଏ ଆଇଏସ ସହ ସର୍ମ୍ପକରେ ଥିଲା ।