ସ୍ୱାମୀ ଆକ୍ୱାରିୟମ ସଫା କଲେନି ବୋଲି, ରାଗିଗଲେ ସ୍ତ୍ରୀ । ତେଲ ଗରମ କଲେ, ଆକ୍ୱାରିୟମ୍ ମାଛ ଖାଇଗଲେ ।
କନକ ବ୍ୟୁରୋ : ରାଗରେ ଖାଇଗଲେ ଆକ୍ୱାରିୟମ ମାଛ ! ରାଗରେ ଜଣେ ମହିଳା ଏମିତି ଏକ କାମ କରିଛନ୍ତି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଆକ୍ୱାରିୟମ ସଫା ହେଲାନି ବୋଲି ରାଗରେ ସେ ସବୁ ମାଛକୁ ଭାଜିକି ଖାଇଦେଲେ । ଘଟଣାଟି ଆପଣଙ୍କୁ ଟିକେ ଅଜୀବ ଲାଗୁଥାଇପାରେ ହେଲେ, ଏମିତି ଘଟଣା ବାସ୍ତବରେ ଘଟିଛି । ଜଣେ ମହିଳା ରାଗରେ ଏମିତି କାଣ୍ଡ କରିଛନ୍ତି । ସାମାନ୍ୟ କଥାରେ ରାଗିଯାଇ ମାଛମାନଙ୍କୁ ଖାଇଗଲେ ମହିଳା ।
Kanak News is now on WhatsApp
Join and get latest news updates delivered to you via WhatsApp
ସ୍ୱାମୀ ଆକ୍ୱାରିୟମ ସଫା କରିବାକୁ ମନା କରିଦେବାରୁ ସେ କେଇ ସେକେଣ୍ଡ ମଧ୍ୟରେ ମାଛ ମାନଙ୍କୁ ଫ୍ରାଏ ପ୍ୟାନରେ ପକେଇ ଦେଲେ । କେହି କିଛି ବୁଝିବା ଆଗରୁ ସବୁକିଛି ଶେଷ ହେଇଗଲା । ସାମାନ୍ୟ କଥାରୁ ଏମିତି ଘଟଣା ଘଟିବ ତାହା କେହିବି ଜାଣିନଥିଲେ । ସ୍ୱାମୀଙ୍କୁ ଆକ୍ୱାରିୟମ ସଫା କରିବାକୁ ସ୍ତ୍ରୀ କହିଲେ, ହେଲେ ସ୍ୱାମୀ ଏହା କରିବାକୁ ମନା କରିଦେବାରୁ ରାଗିକି ଫାୟାର ପତ୍ନୀ । ସିଧା ଗଲେ ଆକ୍ୱାରିୟମରୁ ସ୍ୱାମୀଙ୍କ ପ୍ରିୟ ମାଛ ଗୁଡିକୁ କାଢି ପକାଇ କଢେଇରେ ଫ୍ରାଏ କରିଦେଲେ । ସ୍ୱାମୀ ପୁରା ହତବାକ୍, ସ୍ତ୍ରୀଙ୍କ ଏପରି କାରନାମାରେ । ବାସ୍ତବରେ କଣ ଏମିତି ରାଗିକି କିଏ କରେ । ହେଲେ ରାଗ ବେଳେ ଯେ ମଣିଷ କଣ କରିଦିଏ ତାର ଅନେକ ଉଦାହରଣ ରହିଛି, ହେଲେ ଏମିତି ସାମାନ୍ୟ କଥାକୁ ନେଇ ଏମିତି ଘଟିଯିବ ତାହା ପୂରା ଚିନ୍ତାଧାରା ବାହାରେ ।
ମିୟା କୁର୍ନିୟାବାନ ନାମକ ଜଣେ ମହିଳା ଏମିତି କରିକି ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛନ୍ତି । ଏହି ମହିଳା ଜଣକ ନିଜ ସ୍ୱାମୀଙ୍କୁ ବହୁତ ଦିନରୁ କହି ଆସୁଥିଲେ କି ଆକ୍ୱାରିୟମକୁ ସଫା କରିବା ପାଇଁ । ଆଉ ତାଙ୍କ ସ୍ୱାମୀ ହିଁ ସଫା କରିବାକୁ କହି ସଫା କଲେ ନାହିଁ, ବାରମ୍ବାର କହିବା ପରେ ବି ତାଙ୍କ ସ୍ୱାମୀ ହଁ ସଫା କରିଦେବି କହି କିଛି ଶୁଣିନଥିଲେ । ଫଳରେ ଦିନେ ଛୁଟି ଦିନରେ ମହିଳା ଜଣକ ଯେତବେଳେ ତାଙ୍କ ସ୍ୱାମୀଙ୍କୁ ପୁଣି ଆକ୍ୱାରିୟମ ସଫା କଥା କହିଲେ, ସେତେବେଳେ ତାଙ୍କ ସ୍ୱାମୀ କରିପାରିବେନି ବୋଲି ମନା କରିଦେଲେ । ଫଳରେ ରାଗିଗଲେ ମହିଳା, ସିଧା ଗଲେ ଆକ୍ୱାରିୟମ ପାଖକୁ ଆଉ ତା ଭିତରୁ ସବୁଠୁ ସୁନ୍ଦର ସୁନେଲି ମାଛକୁ କାଢିଲେ ଓ ଗରମ ତେଲ କଢେଇରେ ଛାଡିଦେଲେ । ଏହା ଦେଖି ତାଙ୍କ ସ୍ୱାମୀ ପୁରା ନିର୍ବାକ, କାରଣ ସେ କେବେ ଭାବିନଥିଲେ କି ତାଙ୍କ ସ୍ତ୍ରୀ ଏମିତି କରିବେ ବୋଲି, କାରଣ ସେହି ସୁନେଲୀ ମାଛଟି ହେଉଛି ଦୁନିଆର ସବୂୁଠୁ ମହଙ୍ଗା ମାଛ । କାରଣ ଏହି ମାଛର ସୁନେଲୀ ରଙ୍ଗ ହିଁ ଏହାକୁ ଆକର୍ଷଣୀୟ କରିଥାଏ ଯେଉଁଥିପାଇଁ ଏହାର ଚାହିଦା ଅଧିକ ।
ଆଉ ଏହି ମହିଳାଙ୍କ ସ୍ୱାମୀ ବହୁତ ଖୋଜି ଖୋଜି ଏହି ମାଛଟିକୁ ପାଇଥିଲେ, ତାକୁ ଆଣି ଆକ୍ୱାରିୟମରେ ଛାଡିଦେଇଥିଲେ, ଏହି ମାଛଟି ତାଙ୍କର ଅତିପ୍ରିୟ ଥିଲା, ହେଲେ ମହିଳା ଜଣକ ନିଜ ସ୍ୱାମୀଙ୍କୁ ସବକ୍ ଶିଖାଇବା ପାଇଁ ଏମିତି କଲେ । ସିଧା ଏହି ସୁନେଲୀ ମାଛ ସହ ବାକି ମାଛଗୁଡିକୁ ଫ୍ରାଏ କରି ଖାଇଗଲେ, ତେବେ ମାଛ ଫ୍ରାଏ କଲା ବେଳେ ସେ ଭିଡିଓଟି ବନେଇଥିଲେ ଓ ସେଥିରେ ପୁରା କାହାଣି କହିଥିଲେ, ଆଉ ଭିଡିଓଟିକୁ ସେ ଟିକଟକରେ ପୋଷ୍ଟ କରିଦେଲେ, ଏହି ଭିଡିଓଟିକୁ ୪୦ଲକ୍ଷ ଥର ଦେଖା ସରିଲାଣି । ଆଉ ଏହି ଭିଡିଓଟି ଏବେ ଭାଇରାଲ ହେବାରେ ଲାଗିଛି ।