ସଲମାନ୍ ହେଉଛନ୍ତି ସବୁଠାରୁ ଖରାପ ଅଭିନେତା ! ଆମେ କହୁନୁ ଆଜ୍ଞା ଗୁଗଲ୍ ଏଭଳି କହୁଛି ।
ବଲିଉଡ ସବୁଠାରୁ ଲୋକପ୍ରିୟ ଷ୍ଟାର ଯାହାଙ୍କ ଗୋଟିଏ ଡ୍ୟାନ୍ସ ଷ୍ଟେପ୍ ସାଇନ୍ ଷ୍ଟେପ୍ ହୋଇଯାଏ ତାଙ୍କୁ ଏବେ ସବୁଠାରୁ ଖରାପ ଅଭିନେତାର ମାନ୍ୟତା ମିଳିଛି । ସେ ଆଉ କେହି ନୁହଁନ୍ତି ବଲିଉଡ୍ ଦବଙ୍ଗ ସଲମାନ୍ ଖାନ୍ । ସଲମାନ ଖାନଙ୍କ ଫିଲ୍ମ ରେସ-୩ ରିଲିଜ ହେବା ପରେ ସମସ୍ତଙ୍କ ନଜର ଏବେ ଫିଲ୍ମର ସଫଳତାକୁ ନେଇ ରହିଛି । ୩ଦିନରେ ରେସ-୩ ଅନେକ ରେକର୍ଡ ଭାଙ୍ଗି ସାରିଲାଣି । ଏହାବ୍ୟତୀତ ସଲମାନ ଖାନ ସମସ୍ତଙ୍କ ନଜରରେ ସବୁଡାରୁ ଖରାପ ଅଭିନେତା ଅଟନ୍ତି । ଏହା ଆଉ କେହି ନୁହେଁ ବରଂ ଗୁଗଲ ସର୍ଚ ଇଂଜିନ ଜଣାଇଛି । ଆପଣ ଯେତେବେଳେ ସର୍ଚ ଇଂଜିନ ଖୋଲିବେ ଏବଂ ‘Worst Bollywood Actor’ ଲେଖିବେ ସେଥିରେ ସଲମାନ ଖାନଙ୍କ ନାଁ ଟପରେ ନଜର ଆସିବ ।
Kanak News is now on WhatsApp
Join and get latest news updates delivered to you via WhatsApp
ସଲମାନ ଖାନଙ୍କୁ ‘Worst Bollywood Actor’ କହୁଥିବା ସମୟରେ ନିଆଯାଇôଥବା ସ୍କ୍ରିନ ସଟ୍ ଏବେ ସୋସିଆଲ ମିଡିଆରେ ଖୁବ ଦୃତ ମାତ୍ରାରେ ଭାଇରାଲ ହେବାରେ ଲାଗିଛି । କିଛି ୟୁଜର୍ସ ସଲମାନ ଖାନଙ୍କୁ ଟ୍ରୋଲ କରିଛନ୍ତି ଏବଂ କିଛି ଏହାକୁ ଗୁଗଲର ତ୍ରୁଟି ବୋଲି କହିଛନ୍ତି ।
ଜଣେ ୟୁଜର କହିଛନ୍ତି ଗୁଗଲ ସଲମାନଙ୍କୁ ଖରାପ ଅଭିନେତା କହୁଥିବା ବେଳେ ଆପଣମାନେ ରେସ-୩ ଦେଖିବାରେ ଲାଗିଛନ୍ତି । ସେହିଭଳି ଅନ୍ୟ ଜଣେ ଲେଖିଛନ୍ତି ଯେ ଗୁଗଲ କେବେ ଭୂଲ ହୋଇ ନଥାଇ ପାରେ ।