ଏଯାଏଁ କାହିଁକି ବିବାହ କଲେନି ତବୁ ? ଏଥିପାଇଁ କେଉଁ ଅଭିନେତାଙ୍କୁ ଦାୟୀ କଲେ?
କନକ ବ୍ୟୁରୋ: ବଲିଉଡ୍ ବିୟୁଟି ତବୁ ଆଜି ୫୨ ବର୍ଷରେ ପାଦ ଦେଇଛନ୍ତି । ଏବେବି ତାଙ୍କ ସୌନ୍ଦର୍ଯ୍ୟ କମିନି । ବଲିଉଡରେ ବେଶ୍ ପପୁଲାର ରହିଆସିଥିବା ତବୁ ନିଜ ପ୍ରଫେସନାଲ ଲାଇଫକୁ ନେଇ ଖୋଲା ବହି ଭଳି । ହେଲେ ତାଙ୍କର ବ୍ୟକ୍ତିଗତ ଜୀବନ କିନ୍ତୁ ସିକ୍ରେଟରେ ଭରା । ୫୨ ବର୍ଷରେ ବି ତବୁ କାହିଁକି ଅବିବାହିତ , ପ୍ରଶଂସକଙ୍କ ମନରେ ସବୁବେଳେ ପ୍ରଶ୍ନ ।
Kanak News is now on WhatsApp
Join and get latest news updates delivered to you via WhatsApp
ତବ୍ୱୁ ଏଯାଏ,ଁ ଅବିବାହିତ ରହିବାର କାରଣ କ’ଣ? ଏହାର ପ୍ରଶ୍ନରେ ଏକ ସାକ୍ଷାତକାରରେ ତବୁ ଯାହା କହିଲେ ତାହା ଶୁଣି ତାଙ୍କ ପ୍ରଶଂସକ ଆଶ୍ଚର୍ଯ୍ୟ ହୋଇଯାଇଥିଲେ । ବିବାହ ନକରିବାର କାରଣ ଅଜୟ ଦେବଗନ ବୋଲି କହିଥିଲେ । ତେବେ ତବ୍ୱୁ ଯଦିଓ ବିବାହ କରିନାହାଁନ୍ତି ହେଲେ ତାଙ୍କ ସମ୍ପର୍କକୁ ନେଇ ଅନେକ ସମୟରେ ଚର୍ଚ୍ଚା ହୋଇଛି ।
ଫିଲ୍ମ ମେକର ତଥା ନିର୍ଦ୍ଦେଶକ ସାଜିଦ୍ ନାଡିୟାୱାଲା, ସାଉଥ୍ ସୁପରଷ୍ଟାର ନାଗାର୍ଜୁନ୍, ଅଭିନେତା ସଞ୍ଜୟ କପୁରଙ୍କ ସହ ତବ୍ୱୁଙ୍କ ସମ୍ପର୍କକୁ ନେଇ ବେଶ୍ ଚର୍ଚ୍ଚା ହୋଇଥିଲା । ଶୁଣିବାକୁ ମିଳେ, ସଞ୍ଜୟ କପୁର ଓ ତବୁଙ୍କ ସମ୍ପର୍କ କମ୍ ସମୟ ପାଇଁ ଚାଲିଥିଲା । ସଞ୍ଜୟଙ୍କ ସହ ବ୍ରେକଅପ୍ ପରେ ତବୁଙ୍କ ଜୀବନକୁ ଆସିଥିଲେ ନିର୍ଦ୍ଦେଶକ ସାଜିଦ୍ ନାଡିୟାବୱାଲା । ନାଡିିୟାୱାଲାଙ୍କ ପତ୍ନୀ ତଥା ବଲିଉଡର ଅନନ୍ୟ ସୁନ୍ଦରୀ କୁହାଯାଉଥିବା ଦିବ୍ୟା ଭାରତୀଙ୍କର ବାନ୍ଧବୀ ଥିଲେ ତବ୍ୱୁ । ତେଣୁ ଦିବ୍ୟାଙ୍କ ଅକାଳ ବିୟୋଗ ପରେ ସାଜିଦ୍ ନାଡିୟାୱାଲାଙ୍କ ନିକଟତର ହୋଇଥିଲେ ତବୁ। ଦୁହେଁ କିଛି ଦିନ ବେଶ୍ ଭଲରେ ଦିନ କାଟିଲେ । ଫିଲ୍ମ ‘ଜିତ୍’ର ସୁଟିଂ ବେଳେ ଦୁହେଁ ଖୁବ୍ ନିକଟତର ହୋଇଥିଲେ । ଏହା ପରେ ବି ପତ୍ନୀ ଦିବ୍ୟା ଭାରତୀଙ୍କୁ ଭୁଲିପାରିନଥିଲେ ସାଜିଦ୍, ଯାହା ତବୁଙ୍କ ପାଇଁ ପ୍ରତିବନ୍ଧକ ସୃଷ୍ଟି କରିଥିଲା । ଏହି କାରଣରୁ ତବୁଙ୍କ ସହ ଘନିଷ୍ଠ ହୋଇ ମଧ୍ୟ ତାଙ୍କ ବିବାହ କରିବାକୁ ସାହାସ କରିପାରିନଥିଲେ ସାଜିଦ୍ ।
ସାଜିଦଙ୍କ ଠାରୁ ବ୍ରେକଅପ୍ ପରେ ଭାରୀ ଅବସାଦରେ ରହିଥିଲେ ତବୁ । ପରିଣାମତଃ ସାଉଥ୍ ଷ୍ଟାର ନାଗାର୍ଜୁନଙ୍କ ପାଖାପାଖି ହୋଇଥିଲେ । ଦୁହେଁ ପାଖାପାଖି ୧୦ ବର୍ଷ ଡେଟିଙ୍ଗରେ ଥିଲେ । ହେଲେ ଏତେ ବର୍ଷ ପରେ ବି ଯେତେବେଳେ ତବୁ ଅନୁଭବ କଲେ ଯେ ନାଗାର୍ଜୁନ ତାଙ୍କ ପତ୍ନୀଙ୍କୁ ଛାଡିପାରିବେ ନାହିଁ ସେ ନିଜକୁ ନାଗାର୍ଜୁନଙ୍କଠାରୁ ଦୂରେଇ ଦେଇଥିଲେ । ଏହି ସମ୍ପର୍କ ତାଙ୍କୁ ଖୁବ୍ କଷ୍ଟ ଦେଇଥିଲା ।
୨୦୧୭ରେ ଏକ ସାକ୍ଷାତକାରରେ ତବୁଙ୍କୁ ତାଙ୍କ ବିବାହ ନକରିବାର କାରଣ ପଚରାଯାଇଥିଲ । । ଏଥିରେ ସେ ଯାହା କହିଥିଲେ ଅନେକଙ୍କୁ ଆଚମ୍ବିତ କରିଥିଲା । ତବୁ କହିଥିଲେ ଯେ, ‘ ସେ ଅବିବାହିତ ରହିବାର କାରଣ ଅଭିନେତା ଅଜୟ ଦେବଗନ୍ । କରଣ ଅଜୟ ସବୁବେଳେ ତାଙ୍କୁ ଫଲୋ କରୁଥିଲେ । ତାଙ୍କର ଗୁଇନ୍ଦାଗିିରି କରୁଥିଲେ । ତାଙ୍କ ସାଙ୍ଗରେ ଯେଉଁ ପୁରୁଷ ବନ୍ଧୁଙ୍କୁ ଦେଖୁଥିଲେ ସେମାନଙ୍କୁ ଧମକ ଦେଉଥିଲେ’ ବୋଲି କହିଥିଲେ ।
ଏହାପରେ ତାଙ୍କ ମାତୃତ୍ୱ ବାବଦରେ ପଚରାଯିବାରୁ କହିଥିଲେ ଯେ, ମାତୃତ୍ୱର ବିବାହ ସହ ଏତେ ସମ୍ପର୍କ ନାହିଁ । ବିନା ବିବାହରେ ମାତୃତ୍ୱ ଲାଭ କରିବା କିଛି ଭୁଲ ନୁୁହେଁ ବୋଲି କହିଥିଲେ ।