କାହିଁକି କରୋନା ସୂଚନା ଦେବାରୁ ବାଦ ପଡିଲେ ସୁବ୍ରତ ବାଗଚୀ? ନ୍ୟୁଜ ମେକର କାର୍ଯ୍ୟକ୍ରମରେ ସ୍ପଷ୍ଟ କଲେ ରାଜ୍ୟ ସରକାରଙ୍କ କୋଭିଡ ମୁଖପାତ୍ର ।

2,626
କନକ ବ୍ୟୁରୋ: ରାଜ୍ୟରେ ଯେତେବେଳେ କରୋନା ପାଦ ଦେଇଥିଲା ଲୋକଙ୍କୁ ସଚେତନ କରିବା ପାଇଁ ରାଜ୍ୟ ସରାକାରଙ୍କ ପକ୍ଷରୁ ଆଗକୁ ଆସିଥିଲା ଗୋଟିଏ ଚେହେରା । ସେ ହେଉଛନ୍ତି କୋଭିଡ ମୁଖପାତ୍ର ସୁବ୍ରତ ବାଗଚୀ । ପ୍ରତ୍ୟକ ଦିନ ଟିଭି ମାଧ୍ୟମରେ କୋଭିଡ୍ ସଂକ୍ରମଣର ଭୟାବହତା ଓ ଏଥିରୁ ରକ୍ଷା ପାଇବାକୁ ଲୋକଙ୍କୁ ଅତି ସାବଲୀଳ ଢଙ୍ଗରେ ବୁଝାଉଥିଲେ ସୁବ୍ରତ । ବାଗଚୀଙ୍କ ବୁଝାଇବା ଶୈଳୀ ଲୋକଙ୍କୁ ଏତେ ପ୍ରଭାବିତ କରିଥିଲା ଯେ , ପ୍ରତ୍ୟକ ଦିନ ଅପରାହ୍ନରେ ଟିଭିକୁ ଅନେଇ ବସୁଥିଲେ ଲୋକେ । କିନ୍ତୁ ହଠାତ୍ ୬୦ ଦିନ ପରେ ଗାୟବ ହୋଇଯାଇଥିଲେ ଏହି ଚର୍ଚିତ ଚେହେରା । ତେବେ କଣ ପାଇଁ ସେ ହଠାତ୍ ଉଭାନ ହୋଇଯାଇଥିଲେ ଏ ସମ୍ପର୍କରେ କନକନ୍ୟୁଜର ନ୍ୟୁଜ ମେକର ୨୦୨୦ କାର୍ଯ୍ୟକ୍ରମରେ ପ୍ରତିକ୍ରିୟା ରଖିଛନ୍ତି ସୁବ୍ରତ ବାଗଚୀ ।
କରୋନା ଯେତେବେଳେ ଆରମ୍ଭ ହେଉଥିଲା ଅପରାହ୍ନ ସାଢେ ଚାରିଟାରେ ସୁବ୍ରତ ବାଗଚୀ ସରକାରୀ ପ୍ରେସମିଟ କରି ସୂଚନା ହେଉଥିଲେ । ଆଉ ସାରା ଓଡିଶା ଏହି ସମୟକୁ ଅପେକ୍ଷା କରୁଥିଲା ।
ସାମ୍ବାଦିକ ସମ୍ମିଳନୀ ପଛର ସତ
ସକାଳ ୫.୩୦ରେ ଫୋନ କରୁଥିଲେ ପାଣ୍ଡିଆନ
୮.୩୦ରେ ବସୁଥିଲା ତୃତୀୟ ମହଲାରେ ବୈଠକ
ପରିଶ୍ରମ କରୁଥିଲେ ପ୍ରାୟ ୫୦ ଜଣ
କିନ୍ତୁ ଦୁଇ ମାସ ପରେ ହଠାତ୍ ପ୍ରେସମିଟରେ ଆଉ ବାଗଚୀଙ୍କୁ ଦେଖିବାକୁ ମିଳିଲା ନାହିଁ । ବାଗଚୀଙ୍କ ଲୋକପ୍ରିୟତାକୁ ନେଇ ଚର୍ଚ୍ଚା ହେବା ପରେ ସୋସିଆଲ ମିଡିଆରେ କୁହାଗଲା, ଏହି ବ୍ୟକ୍ତି ମୁଖ୍ୟମନ୍ତ୍ରୀ ପ୍ରାର୍ଥୀ ବି ହୋଇପାରିବେ । କନକ ନ୍ୟୁଜର ନ୍ୟୁଜ ମେକର କାର୍ଯ୍ୟକ୍ରମରେ ଏ ସମ୍ପର୍କରେ ମନ କଥା କହିଛନ୍ତି ବାଗଚୀ ।

Comments are closed.