ଉପକୂଳ ଜିଲ୍ଲାରେ କାହିଁକି କମୁ ନାହିଁ କରୋନା ? ରେଡ ଜୋନରେ ସଂକ୍ରମଣକୁ ନିୟନ୍ତ୍ରଣ କରିବା ପାଇଁ ସ୍ୱାସ୍ଥ୍ୟ ବିଭାଗର ସ୍ୱତନ୍ତ୍ର ପ୍ଲାନ । ଜୁଲାଇ ୧ ପରେ ରହିବ ନା ଖୋଲିବ କରୋନା କଟକଣା
କନକ ବ୍ୟୁରୋ: କିଛି ଜିଲ୍ଲାରେ ସଂକ୍ରମଣ ବଢ଼ୁଛି, ଅନ୍ୟ କିଛି ଜିଲ୍ଲାରେ କମୁଛି । ମହାମାରୀରେ ଏକା ସାଂଗେ ସଂକ୍ରମଣ ଥମିବ ବୋଲି ଦେଖାଯାଇ ନାହିଁ ଡିଏମଇଟି ସିବିକେ ମହାନ୍ତି କହିଛନ୍ତି । ଚାରି ପାଂଚଟି ଜିଲ୍ଲାରେ ସଂକ୍ରମଣ ବଢ଼ୁଥିବା ହେତୁ ସେହିସବୁ ଜିଲ୍ଲା ଉପରେ ଧ୍ୟାନ ଦିଆଯାଉଛି । ତେବେ ସାମଗ୍ରିକ ଭାବେ ଜିଲ୍ଲାରେ ସଂକ୍ରମଣ କମିବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଉପକୂଳବର୍ତୀ ଜିଲ୍ଲାରେ ବାହାର ଜିଲ୍ଲା ଲୋକଙ୍କ ଯିବା ଆସିବା ନିୟମିତ ହେଉଛି । ଫଳରେ ଏହିସବୁ ଜିଲ୍ଲାରେ ସଂକ୍ରମଣ ଅଧିକ ରହିଛି । ସଂକ୍ରମଣ ରୋକିବା ପାଇଁ ଲୋକଙ୍କୁ ବୁଝାସୁଝା କରାଯାଉଛି । ଟ୍ରେଣ୍ଡକୁ ନଜରରେ କେଉଁ ଜିଲ୍ଲାରେ ଲକଡାଉନ ଉଠିବ କି ନାହିଁ ନିଷ୍ପତି ନିଆଯିବ । ୫ ପ୍ରତିଶତ କମ୍ ଥିବା ଜିଲ୍ଲାମାନଙ୍କରେ କଟକଣା କୋହଳ କରାଯାଇପାରେ ବୋଲି ଡିଏମଇଟି କହିଛନ୍ତି ।
ସେପଟେ ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର କହିଛନ୍ତି ଯେ, ରାଜ୍ୟରେ ସଂକ୍ରମଣ ଅବସ୍ଥା ସ୍ଥିର ରହିଛି । ସଂକ୍ରମଣ ବଢ଼ୁ ନାହିଁ । ରୋଗୀ ସଂଖ୍ୟା କମୁଛି । ଆକ୍ଟିଭ କେସ୍ ମଧ୍ୟ କମିଚାଲିଛି ।ତେବେ ୪ଟି ଦିଗ ଉପରେ ଗୁରୁତ୍ୱ ଦିଆଯାଉଛି । ଟେଷ୍ଟଂ, ଟ୍ରାକିଂ, ଟ୍ରିଟମେଂଟ ଓ ଟିକାକରଣକୁ ଗୁରୁତ୍ୱ ଦିଆଯାଉଛି ।