କେନ୍ଦ୍ରକୁ କାହିଁକି ତୁରନ୍ତ ବାତ୍ୟା ବାବଦ ଆର୍ଥିକ ସହାୟତା ମାଗିଲେ ନାହିଁ ନବୀନ? ଟ୍ୱିଟ୍ କରି ସ୍ପଷ୍ଟ କଲେ ମୁଖ୍ୟମନ୍ତ୍ରୀ ।
କନକ ବ୍ୟୁରୋ : ବାତ୍ୟା କ୍ଷୟକ୍ଷତି ବାବଦକୁ ତୁରନ୍ତ ଆର୍ଥିକ ସହାୟତା ନ ମାଗିବା ପଛର କାରଣ କହିଲେ ନବୀନ । ଟ୍ୱିଟ୍ କରି ଏ ବାବଦରେ ସ୍ପଷ୍ଟ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବାତ୍ୟା ୟାସ୍ ପ୍ରଭାବରେ ଓଡ଼ିଶାର ଅନେକ ଅଞ୍ଚଳରେ କ୍ଷୟକ୍ଷତି ହୋଇଛି । କିନ୍ତୁ ଏବେ ଦେଶ ମହାମାରୀର ସାମ୍ନା କରୁଥିବାରୁ ତୁରନ୍ତ ଆର୍ଥିକ ସହାୟତା ମାଗିନାହୁଁ ବୋଲି କହିଛନ୍ତି ନବୀନ । ତୁରନ୍ତ ବାତ୍ୟା ସହାୟତା ମାଗି କେନ୍ଦ୍ର ସରକାରଙ୍କ ଉପରେ ଆର୍ଥିକ ବୋଝ ଲଦିବାକୁ ଚାହିଁନୁ । ବରଂ ବାତ୍ୟାରେ ଯାହା କ୍ଷୟକ୍ଷତି ହୋଇଛି ତାହାର ଭରଣା ରାଜ୍ୟ ସରକାର ନିଜେ କରିବେ ବୋଲି କହିଛନ୍ତି ନବୀନ ।
Kanak News is now on WhatsApp
Join and get latest news updates delivered to you via WhatsApp
Thank you Hon’ble PM @narendramodi ji for visiting #Odisha in the aftermath of #CycloneYaas. Apprised him about the large scale devastation caused by the cyclone and steps taken by the State Govt ahead of the cyclone and the ongoing restoration efforts. #OdishaFightsYaas pic.twitter.com/RG1dQpLcp0
— Naveen Patnaik (@Naveen_Odisha) May 28, 2021
ତେବେ ସମୀକ୍ଷା ବୈଠକରେ ବାତ୍ୟା ପାଇଁ ରାଜ୍ୟ ସରକାରଙ୍କ ପ୍ରସ୍ତୁତି ଓ ଏହାର କିଭଳି ମୁକାବିଲା କରାଯାଇଥିଲା ତାହା ଏକ ଭିଡ଼ିଓ ମାଧ୍ୟମରେ ପ୍ରଧାନମନ୍ତ୍ରୀଙ୍କୁ ଦେଖାଯାଇଥିଲା । ଆଉ ଏହାସହ ଲଗାତାର ବାତ୍ୟାରେ ପ୍ରଭାବିତ ହେଉଥିବା ଓଡ଼ିଶା ପାଇଁ ଏକ ଦୀର୍ଘ ମିଆଦି ବ୍ୟବସ୍ଥା କରିବାକୁ ପ୍ରଧାନମନ୍ତ୍ରୀଙ୍କ ନିକଟରେ ଦାବି ରଖିଛନ୍ତି ନବୀନ । ଯେଉଁଥିରେ ସମୁଦ୍ର ଉପକୂଳବର୍ତ୍ତୀ ଅଞ୍ଚଳ ଗୁଡିକରେ ଏକ ସୁରକ୍ଷାବଳୟ ସୃଷ୍ଟି କରାଯିବ । ଏହାବାଦ୍ ବାତ୍ୟା ଦ୍ୱାରା ବାରମ୍ବାର ବିଦ୍ୟୁତ ଯୋଗାଣ ପ୍ରଭାବିତ ହେଉଥିବାରୁ ପ୍ରଭାବିତ ହେଉଥିବା ଅଞ୍ଚଳ ଗୁଡିକରେ ଉନ୍ନତ ଜ୍ଞାନକୌଶଳ ବ୍ୟବହାର ସହ ଅଣ୍ଡରଗ୍ରାଉଣ୍ଡ କେବୁଲ କରିବାକୁ ଦାବି କରିଛନ୍ତି ନବୀନ ।