ମଶା କାହିଁକି ପିଏ ମଣିଷ ରକ୍ତ ? ମଣିଷ ରକ୍ତ ପ୍ରତି ମଶା ଆକୃଷ୍ଟ ହେବାର କାରଣ କ’ଣ ? ଜାଣନ୍ତୁ କ’ଣ କହିଲେ ବୈଜ୍ଞାନିକ ।
କନକ ବ୍ୟୁରୋ : ଆପଣ ଜାଣିଛନ୍ତି କି, ଆପଣଙ୍କ ରକ୍ତ କାହିଁକି ପିଇଥାଏ ମଶା ? ବୈଜ୍ଞାନିକମାନେ ଏହା ପଛରେ ଥିବା ଯେଉଁ କାରଣ କହିଛନ୍ତି, ତାହା ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । କାରଣ ଦୁନିଆର ଆରମ୍ଭରେ ରକ୍ତ ପ୍ରତି ଆକୃଷ୍ଟ ନଥିଲେ ମଶା । ଧିରେ ଧିରେ ସେମାନଙ୍କ ସ୍ୱଭାବରେ ପରିବର୍ତନ ଆସିଥିଲା ।
Kanak News is now on WhatsApp
Join and get latest news updates delivered to you via WhatsApp
ବୈଜ୍ଞାନିକଙ୍କ ତଥ୍ୟ ଅନୁସାରେ, ମଶା, ମଣିଷ କିମ୍ବା ଅନ୍ୟ କୌଣସି ଜୀବଜନ୍ତୁଙ୍କର ରକ୍ତ ପିଇବା ଏଥିପାଇଁ ଆରମ୍ଭ କଲା, କାରଣ ସେମାନେ ଶୁଷ୍କ ସ୍ଥାନରେ ବାସ କରୁଥିଲେ । ଯେତେବେଳେ ବି ପାଣିପାଗ ଶୁଖିଲା ରହୁଥିଲା, ଏବଂ ପ୍ରଜନନ ପାଇଁ ପାଣିର ଅଭାବ ଦେଖାଯାଉଥିଲା, ସେତେବେଳେ ମଣିଷ କିମ୍ବା ଅନ୍ୟ ଜୀବଜନ୍ତୁଙ୍କର ରକ୍ତ ପିଇବା ଆରମ୍ଭ କରିଦିଅନ୍ତି ମଶା ।
ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ଆଫ୍ରିକାର ଏଡିସ୍ ଏଜିପ୍ଟି ମଶାଙ୍କୁ ନେଇ ବୈଜ୍ଞାନିକମାନେ ଏକ ଅଧ୍ୟୟନ କରିଥିଲେ । ଇଏ ହେଉଛନ୍ତି , ସେହି ପ୍ରଜାତିର ମଶା, ଯେଉଁମାନଙ୍କ ପାଇଁ ଜିକା ଭାଇରସ ବ୍ୟାପିଥାଏ । ଆଉ ଏହି ମଶାମାନଙ୍କ ପାଇଁ ହିଁ ଡେଙ୍ଗୁ ଭଳି ମାରାତ୍ମକ ରୋଗ ହୋଇଥାଏ ।
ତେବେ ୨୭ଟି ସ୍ଥାନରୁ ଏଡିସ୍ ଏଜିପ୍ଟି ମଶାମାନଙ୍କର ଅଣ୍ଡାକୁ ପରୀକ୍ଷଣ ପାଇଁ ନେଇଥିଲେ ବୈଜ୍ଞାନିକ । ଅଣ୍ଡାରୁ ଜନ୍ମ ନେବା ପରେ ମଶାମାନଙ୍କୁ ଏକ ବନ୍ଦ ଲ୍ୟାବ ଭିତରେ ଛଡାଯାଇଥିଲା । ଯେଉଁ ଲ୍ୟାବ ଭିତରେ ମଣିଷଙ୍କ ସମେତ କିଛି ଜୀବ ମଧ୍ୟ ରହିଥିଲେ । କିନ୍ତୁ ଏହି ମଶାମାନେ ନା ହିଁ ମଣିଷର ରକ୍ତ ପିଇଥିଲେ ନା ଜୀବଜନ୍ତୁଙ୍କର । ଏମାନଙ୍କ ଖାଦ୍ୟ ପାନୀୟ ପ୍ରକ୍ରିୟା ସମ୍ପୂର୍ଣ୍ଣ ଅଲଗା ରହିଥିଲା ।
ତେବେ ଅଧ୍ୟୟନରୁ ଜଣାପଡିଥିଲା, ଏହି ପ୍ରଜାତିର ସମସ୍ତ ମଶା ରକ୍ତ ପିଇନଥାନ୍ତି । ଯେଉଁଠି ଗରମ ଅଧିକ ହୋଇଥାଏ ଏବଂ ଚାରିଆଡ ଶୁଖିଲା ରହିଥାଏ, ସେଠାରେ ପାଣିର ଅଭାବକୁ ଦୂର କରିବା ପାଇଁ ମଣିଷ କିମ୍ବା ଅନ୍ୟ ଜୀବଜନ୍ତୁଙ୍କର ରକ୍ତ ପିଇଥାନ୍ତି ମଶା ।
ଆପଣ ଲକ୍ଷ୍ୟ କରିଥିବେ ଯେଉଁଠି, ଆମେ ପାଣି ଜମା କରି ରଖିଥାଉ, ସେଠାରେ ମଶାମାନଙ୍କୁ ଦେଖିବାକୁ ମିଳେ । ପୁରୁଣା ଟାୟାର କିମ୍ବା ଅନ୍ୟ କୌଣସି ଝଙ୍କାଳିଆ ସ୍ଥାନରେ ପାଣି ଜମା ହୋଇରହିଲେ, ସେଠାରେ ମଶାମାନଙ୍କୁ ପ୍ରଜନନ ପାଇଁ ଅସୁବିଧା ହୁଏନାହିଁ । କିନ୍ତୁ ପାଣିର ଅଭାବ ଦେଖାଦେଲେ, ଏମାନେ ମଣିଷର ରକ୍ତ ପିଇବା ଆରମ୍ଭ କରନ୍ତି ।