ଭାରତରେ ସେନା ଓ ପୋଲିସ କର୍ମଚାରୀ ମାନେ ଦାଢୀ ଓ ବାଳ ରଖିବାକୁ ନେଇ କଣ ରହିଛି ନିୟମ । କେବଳ ଶିଖ୍ ମାନଙ୍କୁ ଛାଡି ଅନ୍ୟମାନେ ଦାଢୀ ରଖିବା ଉପରେ କାହିଁକି ଲଗା ଯାଇଛି କଟକଣା
କନକ ବ୍ୟୁରୋ : ଉତ୍ତରପ୍ରଦେଶର ବାଗପତ ଜିଲ୍ଲାରେ ଏକ ମୁସଲିମ୍ ଦାରୋଗା ଲମ୍ବା ଦାଢୀ ରଖିବାକୁ ନେଇ ଏବେ ହଟ ଚମଟ୍ ସୃଷ୍ଟି ହୋଇଛି। ଆଇନ ଅବମାନନା ମାମଲାରେ ବି ସେହି ଦାରୋଗାଙ୍କୁ ନିଲମ୍ବିତ କରାଯାଇଛି । ଏନେଇ କଥା ଉଠୁଛୁ କି ଯଦି ଶିଖ୍ ମାନଙ୍କୁ ଦାଢୀ ରଖିବାକୁ ଆଇନ ଅନୁମତି ଦେଇଛି ତେବେ ମୁସଲମାନ ମାନଙ୍କୁ କାହିଁକି ନୁହେଁ ? । ଆମେ ଏହା ଜାଣିବା ଦରକାର କି ଦେଶରେ ସେନା ଓ ପୋଲିସ କର୍ମଚାରୀଙ୍କ ପାଇଁ ଦାଢୀ ଓ ବାଳ ବଢାଇବା ଉପରେ କ’ଣ ରହିଛି ଆଇନ ।
Kanak News is now on WhatsApp
Join and get latest news updates delivered to you via WhatsApp
ସେନା ବା ପୋଲିସ ବିଭାଗରେ କାମ କରୁଥିବା କର୍ମଚାରୀ ମାନେ ସେମାନଙ୍କର ଧାର୍ମିକ ବିଶ୍ୱାସ ପ୍ରକାଶ କରିବା କିମ୍ବା ନକରିବା ବିଷୟରେ ବହୁତ କଠୋର ଆଇନ ରହିଛି । ଯେହେତୁ ସେନା ସିଧା ସଳଖ ଦେଶ ସହିତ ସଂପୃକ୍ତ । ଏଭଳି ନିୟମ ଅଛି ଯେ କୌଣସି ସେନା କର୍ମଚାରୀ ବା ସୈନିକ ତାଙ୍କ ପୋଷାକ ସହିତ ଧାର୍ମିକ ଅଭିବ୍ୟକ୍ତି ପ୍ରକାଶ କରିବା ଉଚିତ ନୁହେଁ । ଏହା ସୁନିଶ୍ଚିତ କରେ ଯେ ସେନା ହେଉଛି ଗୋଟିଏ ସଂଗଠନ ଓ ଏହାର ସାମୁହିକ ପରିଚୟ ଦେଶର ସୈନିକ ।
ଏହା ସହିତ ସେନାରେ କାମ କରୁ୍ଥିବା ଶିଖ୍ ମାନଙ୍କ ବ୍ୟତିତ ଅନ୍ୟ କୌଣସି ଧର୍ମର କର୍ମଚାରୀଙ୍କୁ ଦାଢୀ ରଖିବାକୁ ସେନା ଅନୁମତି ଦେଇନାହିଁ । ଏହି ନିୟମ ଭାରତର ୩ ସେନା ବିଭାଗରେ ଲାଗୁ କରାଯାଇଛି । ହେଲେ କିଛି ସ୍ଥଳ ବିଶେଷରେ ସ୍ଥଳସେନା ଶିଖ୍ ମାନଙ୍କ ବ୍ୟତିତ ଅନ୍ୟକିଛି ଧର୍ମର କର୍ମଚାରୀଙ୍କୁ ଦାଢୀ ରଖିବାକୁ ଅନୁମତି ଦେଇଥାଏ । ମାତ୍ର ତାହା ଧାର୍ମିକ କାରଣ ପାଇଁ ନୁହେଁ ।
ବାୟୁସେନାରେ କେହି ଏକ ଆଇକନ୍ ମାଧ୍ୟମରେ ନିଜର ଧାର୍ମିକ ପରିଚୟ ଦେଖାଇ ପାରିବେ ନାହିଁ । ତଥାପି ବାୟୁସେନା ଦାଢୀଥିବା ମୁସଲମାନ ମାନଙ୍କୁ ଜାନୁଆରୀ ୧ ୨୦୦୨ ମସିହା ପୂର୍ବରୁ ନାମଲେଖା ସମୟରେ ବାଳ ରଖିବାକୁ ଅନୁମତି ଦେଇଛି । ତଥାପି ଏହାର ଲମ୍ବ ଓ ରକ୍ଷଣା ବେକ୍ଷଣ ବାବଦରେ ଅନେକ କଟକଣା ରହିଛି । ଅନ୍ୟପଟେ ନୌସେନା କର୍ମଚାରୀ ମାନେ ଦାଢୀ ବଢାଇ ପାରିବେ କିନ୍ତୁ ଉପରିସ୍ଥ ଅଧିକାରୀଙ୍କ ଅନୁମତି ନେଇ ।
ପୋଲିସ ବିଭାଗର କର୍ମଚାରୀ ମାନେ ବିନା ଅନୁମତିରେ ନିଶ ରଖିପାରିବାର ଆଇନ ଥିବା ବେଳେ ଦାଢୀ ରଖିବାକୁ ଭାରତୀୟ ଆଇନ କେବେ ସମ୍ମତି ଦେଇନଥାଏ । କେବଳ ଶୀଖ୍ ଧର୍ମର କର୍ମଚାରୀ ମାନେ ବିନା ଅନୁମତିରେ ଦାଢୀ ରଖି ପାରିବେ । ଅନ୍ୟ ଧର୍ମର କର୍ମଚାରୀ ଦାଢୀ ରଖିବାକୁ ଚାହିଁଲେ ଉପରିସ୍ଥ ଅଧିକାରୀଙ୍କ ଅନୁମତିର ଆବଶ୍ୟକ ରହିଛି । ଉତରପ୍ରଦେଶ ପୋଲିସ ନିୟମାବଳୀରେ ଅକ୍ଟୋବର ୧୦ ତାରିଖ ୧୯୮୫ ମସିହାରେ ଏକ ଅଧିନିୟମ ଯୋଡା ହୋଇଛି । ଯେଉଁଥିରେ ମୁସଲମାନ କର୍ମଚାରୀ ମାନେ ଏସପିଙ୍କ ଅନୁମତି ନେଇ ଦାଢୀ ରଖିପାରିବେ । ବର୍ତମାନ ଦାଢୀ ରଖି ନିଲମ୍ବିତ ହୋଇଥିବା ଉତରପ୍ରଦେଶର ସେହି ଦାରୋଗା ଏସପିଙ୍କ ବିନା ଅନୁମତିରେ ଦାଢୀ ରଖିଥିବାରୁ ତାଙ୍କୁ ନିଲମ୍ବିତ କରାଯାଇଛି ।
ଯେହେତୁ ପୋଲିସ ବିଭାଗରେ ନିଶକୁ ନେଇ ରିହାତି ରହିଛି ତେଣୁ ବେଳେ ବେଳେ ଏହାକୁ ନେଇ କିଛି ଆକର୍ଶଣୀୟ କଥା ଦେଖିବାକୁ ମିଳିଥାଏ । ଦୁଇବର୍ଷ ପୂବେ ଆଞ୍ଚଳିକ ସଶସ୍ତ୍ର ବାହିନୀର ଅଧିକାରୀ ବିକେ ସିଂ ତାଙ୍କ ଅଧିନରେ କାମ କରୁଥିବା କର୍ମଚାରୀଙ୍କୁ ଲମ୍ବା ନିଶ ରଖିବାକୁ ଉତ୍ସାହିତ କରିଥିଲେ । ସେମାନଙ୍କ ନିଶର ରକ୍ଷଣା ବେକ୍ଷଣ ପାଇଁ ବି ଭତାର ବ୍ୟବସ୍ଥା କରାଯାଇଥିଲା । ଏହା ଏଥିପାଇଁ କରାଯାଇଥିଲା କି ଏଭଳି ନିଶଥିବା କର୍ମଚାରୀ ମାନେ ସାଧାରଣ କର୍ମଚାରୀଙ୍କ ଠାରୁ ଅଲଗା ଦେଖାଯିବେ ।
ଶୀଖ୍ ଧର୍ମାବଲମ୍ବି ମାନେ ପ୍ରାକୃତିକ ଉପାୟରେ ବଢୁଥିବା ବାଳ ଓ ଦାଢୀ କାଟିବାକୁ ଅନୁମତି ମିଳିନଥାଏ । ଏହାକୁ ନକାଟିବାକୁ ଶିଖ୍ ଗୁରୁ ଗୋବିନ୍ଦ ସିଂ ନିଜେ ଆବଶ୍ୟକ ଭାବେ ବର୍ଣ୍ଣନା କରିଥିଲେ । ୧୬୯୯ ମସିହାରେ ଗୁରୁ ଗୋବିନ୍ଦସିଂ କହିଥିଲେ କି ଶୀଖ୍ ଭାଇ ମାନେ ରେଜର ବ୍ୟବହାର କରିବା ଉଚିତ୍ ନୁହେଁ । ଧର୍ମ ଅନୁସାରେ ଦାଢୀ ଓ ବାଳ କାଟିବା ଏକ ଅପରାଧ । ଶୀଖ୍ ମାନଙ୍କ ପାଇଁ ଦାଢୀ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । କାରଣ ମୋଗଲ ଶାସନ ସମୟରେ ଶୀଖ୍ ମାନେ ମୋଗଲ ମାନଙ୍କର ଦମନ ବିରୋଧରେ ଏକ ଶ୍ଲୋଗାନ ଦେଉଥିଲେ ଯେ ଦାଢୀ କାଟିବା ଠାରୁ ମୁଣ୍ଡ କାଟିବା ଶ୍ରେୟସ୍କର ।
ଅନ୍ୟପଟେ ଶୀଖ୍ ମାନଙ୍କ ବ୍ୟତିତ ଅନ୍ୟ କୌଣସି ପୋଲିସ ବା ସେନା କର୍ମଚାରୀ ବିନା ଅନୁମତିରେ ଯଦି ଦାଢୀ ରଖନ୍ତି ତାହେଲେ ସାମରିକ ଚାକିରୀ ନିୟମାବଳୀ ୬୬୫ ର ଖିଲାପ କରିଥିବା ଅଭିଯୋଗରେ ତାଙ୍କ ଉପରେ ଦଣ୍ଡ ବିଧାନ କରାଯିବ । କହିରଖୁ କି ଦାଢୀ ରଖିବା ବା ନରଖିବାକୁ ନେଇ ସେନାରେ ଦୁଇଟି କାରଣ ରହିଛି । ପ୍ରଥମଟି ଏଭଳି କରିବା ଦ୍ୱାରା ସେନା, ପୋଲିସ ଓ ଅର୍ଦ୍ଧସାମରିକ ବଳ ଏକାପରି ଦେଖାଯିବେ । ଦ୍ୱିତୀୟ କାରଣଟି ହେଉଛି ସେ ସେନା ବିଭାଗ ହେଉ କି ପୋଲିସ ବିଭାଗ ସମସ୍ତେ ଦେଶର ସୁରକ୍ଷା ସହିତ ଯୋଡି ହୋଇଥା’ନ୍ତି ।