କନକ ବ୍ୟୁରୋ: ଅଧା ଆଇପିଏଲରୁ ପଞ୍ଜାବକୁ ଲାଗିଛି ବଡ ଝଟକା । ସିକ୍ସର କିଙ୍ଗ୍ କ୍ରିସ୍ ଗେଲ ଚଳିତ ଆଇପିଏଲରେ ଖେଳିବେନି ଆଉ କୌଣସି ମ୍ୟାଚ୍ । ବହୁ ଦିନ ଧରି ବାୟୋ ବବଲରେ ରହିବା ପରେ ହଠାତ୍ ଏପରି ନିଷ୍ପତ୍ତି ନେଇଛନ୍ତି ଏହି କାରବିଆନ୍ ଖେଳାଳି । ହେଲେ ଆଇପିଏଲ୍ ମଝିରେ ଏପରି କାହିଁକି ନିଷ୍ପତ୍ତି ନେଲେ ଗେଲ୍?
Kanak News is now on WhatsApp
Join and get latest news updates delivered to you via WhatsApp
ଆଇପିଏଲ୍ ଛାଡିବାକୁ ନେଇ ଗେଲ କହିଛନ୍ତି, ସେ ଟି-୨୦ ବିଶ୍ୱକପ୍ ପୂର୍ବରୁ ମାନସିକ ସ୍ତରରେ ପ୍ରସ୍ତୁତ ରହିବାକୁ ଚାହୁଁଛନ୍ତି । ଏହାର କାରଣ ହେଲା, ଚଳିତ ବର୍ଷ ଜୁନ୍ ମାସରୁ ଆଜିଯାଏ ସେ ବାୟୋ ବବଲରେ ରହି ଆସୁଛନ୍ତି । ଅଷ୍ଟ୍ରେଲିଆ, ଦକ୍ଷିଣ ଆଫ୍ରିକା ଓ ପାକିସ୍ତାନ ବିପକ୍ଷରେ ୧୪ଟି ମ୍ୟାଚ୍ ପରେ ଗେଲ ସିପିଏଲରେ ସାମିଲ ହୋଇଥିଲେ । ସିପିଏଲରେ ସେ ଲଗାତାର ମ୍ୟାଚ୍ ଖେଳିଥିଲେ ଆଉ ବାୟୋବବଲରେ ରହିଥିଲେ । ଏହାପରେ ପରେ ହଠାତ୍ ଆଇପିଏଲ୍ ଆରମ୍ଭ ହେବାରୁ ଗେଲଙ୍କୁ ପୁଣି ବାୟୋ ବବଲ ଭିତରେ ରହିବାକୁ ପଡିଥିଲା । ତେଣୁ ଏହି ବାୟୋ ବବଲ ଭିତରୁ ବାହାରିବାକୁ ସେ ଏପରି ନିଷ୍ପତ୍ତି ନେଇଥିବା କହିଛନ୍ତି ।
ଏହାସହିତ ଆଗାମୀ ବିଶ୍ୱକପ୍ ପାଇଁ ମାନସିକ ସ୍ତରରେ ପ୍ରସ୍ତୁତ ରହିବା ପାଇଁ ମଧ୍ୟ ଗେଲ ଚାହୁଁଛନ୍ତ । ଯେଉଁ କାରଣରୁ ସେ ଚଳିତ ବର୍ଷ ଅଧାରୁ ଆଇପିଏଲ ଛାଡୁଛନ୍ତି ବୋଲି କହିଛନ୍ତି । ତେବେ ପଞ୍ଜାବ କିଙ୍ଗସ ସହିତ ତାଙ୍କ ଶୁଭକାମନା ରହିଛି ଏବଂ ତାଙ୍କର ଏହି ନିଷ୍ପତ୍ତିକୁ ଦଳ ଗ୍ରହଣ କରିଥିବାରୁ ସେ ଦଳର ମ୍ୟାନେଜମେଣ୍ଟକୁ ମଧ୍ୟ ଧନ୍ୟବାଦ ଦେଇଛନ୍ତି ।
🚨 UPDATE 🚨
Chris Gayle will not be a part of the PBKS squad for the remainder of #IPL2021! #SaddaPunjab #PunjabKings pic.twitter.com/vHfyEeMOOJ
— Punjab Kings (@PunjabKingsIPL) September 30, 2021
୪୨ ବର୍ଷୀୟ ଗେଲ ଚଳିତ ଆଇପିଏଲର ଦ୍ୱିତୀୟ ପର୍ଯ୍ୟାୟରେ ପଞ୍ଜାବ ପକ୍ଷରୁ କେବଳ ୨ଟି ମ୍ୟାଚ୍ ଖେଳିଛନ୍ତି । ହେଲେ ଏହି ଦୁଇ ମ୍ୟାଚରେ ତାଙ୍କର ପ୍ରଦର୍ଶନ ସେତେଟା ଖାସ୍ ନଥିଲା । ଏହା ମଧ୍ୟ ଆଇପିଏଲରୁ ତାଙ୍କର ଓହରିବାର ଏକ ପ୍ରମୁଖ କାରଣ ବୋଲି କୁହାଯାଉଛି । ଆଗାମୀ ଅକ୍ଟୋବର ୧୭ ତାରିଖରୁ ବିଶ୍ୱକପ୍ ଆରମ୍ଭ ହେବାକୁ ଯାଉଛି, ତେଣୁ ୧୫ ଦିନ ପୂର୍ବରୁ ନିଜକୁ ବ୍ରେକ୍ ଦେଇ ଗେଲ ବିଶ୍ୱକପ୍ ପାଇଁ ପ୍ରସ୍ତୁତି ଆରମ୍ଭ କରିବେ ବୋଲି କ୍ରିକେଟ୍ ବିଶେଷଜ୍ଞମାନେ ମତ ରଖିଛନ୍ତି ।
ସୂଚନାଯୋଗ୍ୟ ଯେ, ଗେଲଙ୍କ ଅନୁପସ୍ଥିତି ପଞ୍ଜାବ ପାଇଁ ସେତେଟା ଅସୁବିଧା ସୃଷ୍ଟି କରିନପାରେ । ଦଳ ଏବେ ମୟଙ୍କ ଓ ରାହୁଲ ଯୋଡି ସହିତ ଓପନିଂ କରିବାକୁ ପଡିଆକୁ ଓହ୍ଲାଉଛି । ତେଣୁ ଗେଲଙ୍କ ଅନୁପସ୍ଥିତି ଦଳର ପ୍ରଦର୍ଶନକୁ ସେତେଟା ପ୍ରଭାବିତ କରିପାରିବନି । ପଞ୍ଜାବ ଏବେ ପଏଣ୍ଟ ଟେବୁଲର ଷଷ୍ଠ ସ୍ଥାନରେ ଅଛି, ଦଳ ୧୧ଟି ମ୍ୟାଚରୁ ୪ଟି ବିଜୟ ଓ ୭ଟି ପରାଜୟ ସହ ୮ ପଏଣ୍ଟ ପାଇଛି । ତେଣୁ ପ୍ଲେ-ଅଫରେ ସ୍ଥାନ ପକ୍କା କରିବାକୁ ହେଲେ ଦଳ ଆଗାମୀ ମ୍ୟାଚରେ ଭଲ ପ୍ରଦର୍ଶନ କରିବାକୁ ହେବ ।