ମାଲକାନଗିରି ପାଇଁ ଦୁଃଖ ଆଣିଛି ବନ୍ୟା । ପାଣିରେ ବୁଡ଼ିଛି ୯୩୩ ଗାଁ ହେଲେ କାହିଁକି ମାଲକାନଗିରିରେ ହେଉଛି ବନ୍ୟା ସ୍ଥିତି?
କନକ ବ୍ୟୁରୋ: ବନ୍ୟା ବିଭିଷିକାର ସବୁ ଚିତ୍ର ସେଇ କଥାକୁ ପ୍ରମାଣିତ କରୁଛି ଯାହା ଆଶଙ୍କା କରାଯାଉଥିଲା । ଗୋଦାବରୀ ନଦୀର ପଛୁଆ ପାଣି ଏବଂ ପୋଲାଭରମ୍ ପ୍ରକଳ୍ପର ପ୍ରଭାବ ଯୋଗୁଁ ମାଲକାନଗିରି ଜିଲ୍ଳାର ମୋଟୁ ଅଂଚଳରେ ବର୍ତମାନ ବନ୍ୟା ସ୍ଥିତି ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଗୋଦାବରୀ ନଦୀରେ ଜଳସ୍ତର ବଢ଼ିବା ଯୋଗୁଁ ଚିନା ଗୋଦାବରୀ, ସାବେରୀ ଏବଂ ସିଲେରୁ ନଦୀର ଜଳସ୍ତର ସ୍ଥିର ହୋଇ ରହୁଛି, ଯାହାର ସିଧାସଳଖ ପ୍ରଭାବ ମାଲକାନଗିରି ଜିଲ୍ଲା ଉପରେ ପଡୁଛି ।
ମାଲକାନଗିରି ପାଇଁ ଦୁଃଖ ଆଣିଛି ବନ୍ୟା
କାହିଁକି ମାଲକାନଗିରିରେ ହେଉଛି ବନ୍ୟା ସ୍ଥିତି?
ଆପଣ ଯଦି ସିମାନ୍ତ ମାଲକାନଗିରି ଜିଲ୍ଲାର ଭୌଗଳିକ ସ୍ଥିତିକୁ ଅନୁଧ୍ୟାନ କରିବେ, ତାହେଲେ ବନ୍ୟା ସ୍ଥିତିର ପ୍ରକୃତ କାରଣ ବୁଝିବାରେ ଅସୁବିଧା ରହିବ ନାହିଁ । ସାବେରୀ ନଦୀ ଏବଂ ସିଲେରୁ ନଦୀ ଇଂରାଜୀର ଅକ୍ଷର-ଭି ଆକୃତି ହୋଇ ମାଲକାନଗିରିର ମୁଗି ପଏଂଟରେ ମିଶିଛି । ଆଉ ମୁଗି ପଏଂଟରୁ ଇଂରାଜୀ ଅକ୍ଷର-ୱାଇ ର ଆକୃତି ନେଇ ଚୀନା ଗୋଦାବରୀ ନଦୀ ଆଗକୁ ବଢ଼ିଛି । ଯାହା ଆନ୍ଧ୍ରପ୍ରଦେଶର ଗୋଦାବରୀ ନଦୀରେ ମିଶିଛି । ଆଉ ଯେତେବେଳେ ଗୋଦାବରୀ ନଦୀର ଜଳ ସ୍ଥଳ ବଢୁଛି । ଗୋଦାବରୀ ନଦୀର ପଛୁଆ ପାଣି ଯୋଗୁଁ ଚୀନା ଗୋଦାବରୀର ଜଳସ୍ଥର ସ୍ଥିର ହୋଇଯାଉଛି । ଯାହାର ସିଧାସଳଖ ପ୍ରଭାବ ସାବେରୀ ନଦୀ ଏବଂ ସିଲେରୁ ନଦୀ ଉପରେ ପଡ଼ୁଛି । ଆଉ ମାଲକାନିଗିରି ଜିଲ୍ଲାରେ ବନ୍ୟା ପରିସ୍ଥିତି ସୃଷ୍ଟି କରୁଛି ।
ବଡ଼ କଥା ହେଉଛି ଆନ୍ଧ୍ରପ୍ରଦେଶର ପୋଲାଭରମ୍ ପ୍ରକଳ୍ପକୁ ବାରମ୍ବାର ବିରୋଧ କରି ଆସିଛି ଓଡ଼ିଶା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଚିଠି ଲେଖି ବାରମ୍ବାର ଜଣାଇଛନ୍ତି । ଏମିତି କି ମାମଲା ସୁପ୍ରିମକୋର୍ଟରେ ଚାଲିଛି । କାରଣ ଏହି ପ୍ରକଳ୍ପ ଦ୍ୱାରା ଓଡ଼ିଶା ସମେତ ଛତିଶଗଡ଼ ଓ ତେଲେଙ୍ଗାନାର ଅନେକ ଅଂଚଳ ଜଳମଗ୍ନ ହେବାର ଆଶଙ୍କା ରହିଛି । ଆଉ ସବୁ ଭିତରେ ଏହି ପ୍ରକଳ୍ପକୁ ଜାତୀୟ ପ୍ରକଳ୍ପର ମାନତ୍ୟ ଦେଇଛନ୍ତି କେନ୍ଦ୍ର ସରକାର ।